Danieli 7:7 - Gourmanchéma Bible

⁷ Ku ñiagu yeni n bonlekaala nni, n go den laa ki yannaaga, yaaga yaa noanlima n den pia i jeje hali hali boncianla. Ki pia u fidu hali ke li kandi, ki pia a ñincianma ke a tie kudi. Ki den ŋmani kan cuo yaala ki papadi la ki ŋmaadi kan ki ŋmani yaala. Kaa den naani leni ti yantaadikpiadi. Ki den pia yina piiga.

U TIENU MAAMA TILI 2013

⁷ Ku ñiagu yeni, n bonlekaala nni, n go den laa ki yannaaga, yaaga yaa noanlima n pia i jeje hali boncianla. Ki yanga yeni den pia u fidu hali ke li kandi, ki pia a ñinciama ke a tie kudi. Laa yanga den ŋmani kan cuo yaala ki padi padi la, ki ŋmaadi kan ki ŋmani yaala. Kaa den naani leni ti yantaadikpiadi. Ki den pia yina piiga.

Danieli 7:7 ပူးပေါင်းရင်းမြစ်များ

2 Samueli 22:43

N pua ki lendi ba nani ku faagu n lendi yaa tangbangu yeni, N mudi ba, n ŋmaadi ba nani i sani nni moamoadi yeni.

Jobi 41:14

O tulu pia yaa paalu, Hali yaala ke yua n laa o kuli baa jie.

Esekieli 40:2

Li bonlekaala nni, o den yua nni ki gedini nni Isalele diema nni. O den ban sieni nni yaa juali n kpedi hali boncianla yuli po, yaali yaa niganu n den pia li bonla ke li se ki naani leni u dogu yaa diena yeni.

Danieli 2:19

Lanwani li bondoaginkaala yeni den doagidi Danieli po ku ñiagu ti dangidi nni. O den jaandi ki kpiagi Tanpoli Tienu.

Danieli 7:13

N go den laa ku ñiagu bonlekaala yeni niinni ke yua n naani leni o nisaalo ye ti tawadi po ki kpendi ki tiegi o jakpelo yeni ke bi ciani o ke o pundi o kani.

Danieli 7:2

O den yedi: «Ku ñiagu n den laa li bonlekaala n dangidi nni ke yaa faali n ñani ki tinga ñoakunnaadi kuli den figi ki fiindi mi ñincianma.

Danieli 8:10

Li yinli yaali n den pudi yeni den tuogi leni tanpoli yaaba ki teni ke bi siiga bi tianba leni a ŋmabila siiga a tiama baa tinga nni ke li ŋma bikuli.

Danieli 8:22

Li yincianli yeni n den kua ke yaa yinnaada n pudi ki ga li kaanu yeni tie diema naa yaama n baa fii ki ga mi bonkpiama kaanu. Ama laa dienaadima kan yaa pa nani mani mi diekpiama n den pa maama.

Sakari 2:1

Li bonlekaliela nni, n den laa yina naa.

Mi Doagidima 12:3

Maalitoama go den doagidi tanpoli. Yaa bonfuodi-biadiciamo n moani den se. O den pia yula lele leni yina piiga, ki go pia badifogilimu lele o yula po.

Mi Doagidima 13:1

Lani n den laa ki fuayanga ke o ña mi ñincianma nni. O den pia yina piiga leni yula lele. O yinpiiga yeni siiga yinli kuli den ciibi ki badifogiliga. Yaa yela n tie sugidi U Tienu po den taabi o yula po.

Mi Doagidima 17:12

Ŋan laa yina piiga ya yeni tie badiba piiga yaaba n daa ga bi diema, ama ki fuayanga yaa dini li bali yaa yogunu, bi mo baa taani leni o ki je li bali ki tua badiba u yogunu waamu bebe po.

Mi Doagidima 17:7

Maleki den yedi nni: «Be yaa po ke li paki a? N baa doagidi apo li bondoaginkaala, o pua leni wan jagi yaa fuayanga ke ki pia yula lele leni yina piiga yeni.

Mi Doagidima 17:8

Ŋan laa yaa fuayanga yeni den kpa ye, waa go ye moala. O baa do ki ña u *kulu nni, ki gedi mi bodima nni. Ki tinga nni yaaba siiga yaaba yaa yela n kaa diani li miali tili nni hali ŋanduna tagima yogunu, bi yaa laa ki fuayanga yua n den kpa ye, kaa go ye moala, ki go baa cua ki yaa ye yeni, li baa paki ba.