Danieli 7:27 - Gourmanchéma Bible

²⁷ Bi baa teni U Tienu niba, wani Tanpojoma Tienu nigagidiŋanba yeni yaa diema n ye ŋanduna nni kuli bali leni mi kpiagidi, ban yaa die. Bi diema baa yaa ye hali yaa yogunu kuli. Ŋanduna bali danba kuli baa tuo bi maama ki yaa tuuni bipo.›

U TIENU MAAMA TILI 2013

²⁷ Bi baa teni U Tienu niba, wani tanpolijoma Tienu nigagidiŋanba yeni yaa diema n ye ŋanduna nni kuli bali leni mi kpiagidi, ban yaa die. Bi diema baa yaa ye hali yaa yogunu kuli. Ŋanduna bali danba kuli baa tuo bi maama ki yaa tuuni bi po.›

Danieli 7:27 ပူးပေါင်းရင်းမြစ်များ

Pisomi 145:13

A bali tie yaa bali n ye yaa yogu n tu yaa yogu, A diema mo ye nifiima n tu nifiima kuli nni.

Pisomi 22:27

Bi yumiindanba baa je ki guo Yaaba n lingi Li Miali Diedo baa kpiagi o, Wan teni yin yaa ye yaa yogunu kuli!

Pisomi 72:11

Bi badiba kuli baa gbaani o nintuali, I nibuoli kuli baa tuuni opo.

Pisomi 86:9

O Diedo, ŋan tagi yaa nibuoli kuli baa cua Ki gbaani ki pugi a, ki go kpiagi a yeli.

Esayi 14:2

I nibuoli baa taa ba ki gobidi ki gedini ba bi diema po. Isalele buolu yaaba baa ga ba nani li faali yeni Li Miali Diedo tinga nni Ban tua nani a jatuada leni a potuada yeni. Bi baa cuo ti yonbidi yaaba n den kubi ba ti yonbidi. Bi baa diedi yaaba n den die ba.

Esayi 54:3

Kelima a baa pili ki yabidi ganu leni jienu kuli. A puoliŋuani n baa diedi i nibuoli, Ki gbieni yaa dogi n ki den pia niba.

Esayi 9:7

O Diedo fu leni Jakobo puoliŋuani Laa fuugu tie Isalele yaaba po.

Danieli 2:44

Mi diema yeni batieba yogunu Tanpoli Tienu baa fiini dietoama yaama n kan bodi hali abada. Nibuoto kan fidi ki diedi ma. Mi baa mudi ki gbeni mi diekpiama yeni kuli, ama mani miba baa yaa ye hali yaa yogunu kuli.

Danieli 4:34

Moala mini Nebukanesa, n pagi ki go kpiagi Tanpojoma Tienu ki jigini o yeli. O tuona kuli tiegi moamoani, o bontienkaala kuli dagidi. O fidi ki jiidi yaaba n cuoni leni ti japaadi.»

Danieli 6:26

Lani yaa puoli o bado Daliyusa den soani i nibuoli kuli, leni mi diema kuli yaaba leni i mabuoli kuli, yaaba n ye ŋanduna nni kuli po ki yedi ba: «Mi yanduanma n yaa pugidi yipo.

Danieli 7:14

O den dini o nisaalo yeni li bali ki puni o ti kpiagidi leni mi diema ke i nibuoli kuli leni mi diema yaaba kuli leni i mabuoli yaaba kuli n tuo ki yaa ŋua o. O bali baa yaa ye hali yaa yogunu kuli, li kan gbeni, o diema mo kan bodi abada.

Danieli 7:18

Ama Tanpojoma Tienu nigagidiŋanba baa ti yuandi ki ga mi diema ki yaa die ma hali yaa yogunu kuli.›

Danieli 7:22

hali ke o jakpelo den cua ki jia ti buudi ki puni wani Tanpojoma Tienu nigagidiŋanba i moamoani. U yogunu n den pundi, bi nigagidiŋanba den baa li bali.

Abidiasi 1:21

Ban den cuo Jelusalema yaaba, yaaba ti yonbidi Ke bi ye Sefanadi dogu nni, Jelusalema dogu jakoanda baa cua ki baa Edomi diema ki diedi ma. Li Miali Diedo wani oba n baa tua o bado!

Sakari 14:9

Laa daali, Li Miali Diedo baa yaa tie ŋanduna kuli bado, Bi niba kuli baa yaa kpiagidi wani bebe, Bikuli baa yaa taagi wani bebe yaa yele.

Luki 1:33

wan yaa die Jakobo buolu yaaba hali yaa yogu kuli, o diema kan baa juodima hali abada.»

Jan n diani U Tienu Laabaaliŋamo maama 12:34

Ku niligu den goa ki yedi o: «Ti gbadi U Tienu *balimaama nni ke *U Tienu n Gandi Yua baa ye hali yaa yogunu kuli. Be yaa po ke fini yedi ke li tie tiladi ban fiini o Ja Bijua. O Ja Bijua yeni, tie ŋme yo?»

1 Korenti 15:24

Li yaa puoli mi juodima yogunu baa cua. Kilisiti baa paadi ki bolini batoali kuli leni paato kuli leni paacianto kuli ki teni U Tienu yua n tie Baa mi diema kuli.

Mi Doagidima 11:1

Bi den teni nni yaa kankagili n pa nani u gbiamu yeni ki tie *bonbiigikaala, ki yedi nni: «Gedi ki biigi U Tienu diegu leni li *padibinbinli, ki coadi yaaba n ye likani ki kpiagidi U Tienu.

Mi Doagidima 11:15

O maleki-leleelo den piebi kakaci. I nialiciami den kpaani tanpoli po ki yedi: «Moala ŋanduna diema tua ti Diedo Leni wani *Gandi Yua yaa yaama O baa die hali yaa yogunu kuli.»

Mi Doagidima 17:14

Bi baa tuogi bu toabu leni ki Pebiga, ama ki Pebiga baa paadi ba kelima o tie bi diediba Diedo leni bi badiba Bado. Wan den yini ki gandi yaaba, yaaba n tie o nidugikaaba, baa taani leni o ki moko n paadi ba.»

Mi Doagidima 19:16

O yeli yaali n tie na diani ki taabi o kpalibu leni o panli kuli po: Bi badiba Bado Leni bi diediba Diedo.

Mi Doagidima 20:4

N den laa i bali kalikaani, ke yaaba n ka ipo den baa li bali ki baa jia ti buudi. N go den laa ban jendi yaaba yaa yula yaa naani kelima Jesu yaa siedi po leni U Tienu Maama po, leni yaaba n kaa den gbaani ki kpiagi ki fuayanga leni ki nannanli, kaa ga o maalima bi yutuna yaaka bi nii po. Bi den goa ki baa li miali ki die leni Kilisiti hali bina tudili.

Mi Doagidima 22:5

Ku ñiagu kan go yaa ye. O naacenba kan go bua fidisanga, bi kan bua yienu yenma mo kelima o Diedo U Tienu baa yendi bipo. Bi baa die hali yaa yogunu kuli.