Danieli 7:25 - Gourmanchéma Bible

²⁵ O baa maadi ki sugi Tanpojoma Tienu, ki yaa mabindi o nigagidiŋanba. O go baa jagi ke o baa lebidi wani U Tienu niba jaanma yogini leni bi *balimaama, ki teni U Tienu nigagidiŋanba yeni o nuu nni hali lan pundi bina taa leni boagidima.

U TIENU MAAMA TILI 2013

²⁵ O baa maadi ki sugi tanpolijoma Tienu, ki yaa mabindi o nigagidiŋanba. O go baa jagi ke o baa lebidi wani U Tienu niba jaanma yogini leni bi bali maama. Bi baa lu U Tienu nigagidiŋanba yeni o nuu nni, hali lan pundi binataa leni boagidima.

Danieli 7:25 ပူးပေါင်းရင်းမြစ်များ

Esayi 37:23

A sugidi ki yualiti ŋme yo? A tangi ŋme yaa po yo? Isalele Tienu Yua n Gagidi ki ŋani yene ke a ko li diidi nanda?›

Danieli 11:28

Nijienu po diema bado baa lebidi ki kuni o denpo leni yaa piama n yaba. Ama o pali nni o baa jagi ke o baa tieni yaala n bia ki biidi U Tienu n den bili yaa ŋantaadi-gagidiŋamo leni o niba. O go baa tieni wan den jagi yaa biadima kuli ki pendi ki kuni.

Danieli 12:7

Yua n den yie len tiadi yeni den yugidi o ganu leni o jienu ki tegini tanpoli, ki taa yua n ye hali yaa yogunu kuli yeli ki poli ki yedi ke li baa yaa tiendi ki pundi bina taa leni boagidima. O go den yedi ke li bonla yeni baa tieni ki gbeni U Tienu n den gagidi ki ŋanbi yaa nibuolu fidu n baa gbeni cain yaa yogunu.»

Danieli 2:21

O lebidi jama leni i yogini. O fiindi bi badiciantianba bi gbandi po, Ki kaandi toaba mo ti gbandi po. Wani n puuni bi yanfodanba mi yanfuoma, Ki go puuni mi banma danba mi bandima

Danieli 3:26

Lanwani Nebukanesa den nagini yaa buaga n yigidi yeni buliñoabu kani ki kpaani ki yedi: «Sadilaki, Mesaki, leni Abedi-Nego! Yinba Tanpojoma Tienu naacenba, ña mani ki cua ne.» Sadilaki, Mesaki leni Abedi-Nego den ñani mi fantama nni.

Danieli 4:17

A den laa yaa tibu n yaba ki pa ke bu joma pundi hali tanpoli, ke baa yua n den ye u tinbianu baa yaa nua bu.

Danieli 4:2

N den dua n duanu po ki dangi yaa dangidi n yagi n yama. Min den dangi ki laa yaa bonlekaala den pia i jeje boncianla.

Danieli 4:25

Li bonla yeni kuli den tieni o bado Nebukanesa.

Danieli 4:32

Ki tinga kuli niba buli ki tie opo pu. O tiendi tanpoli yaaba leni ŋanduna yaaba kuli wan bua yaala. Oba kuli ki ye yua n baa fidi ki yie opo ke o kan tieni wan bua yaala, yaaka ki buali o: ‹A tiendi be nne?›

Danieli 7:18

Ama Tanpojoma Tienu nigagidiŋanba baa ti yuandi ki ga mi diema ki yaa die ma hali yaa yogunu kuli.›

Danieli 7:20

N go den bua ki bandi ki yannaaga yeni n den pia yaa yinpiiga ki yuli po leni yaa yintoali n go den pudi ki ŋabi yina taa yeni maama fuuli. Laa yinli n den pia i nuni ki go pia yaa ñoabu n maadi mi japaamaama, ki yabidi ki cie li yinliela yeni. N go den bua ki bandi li yaa maama fuule.

Danieli 7:8

Min den diidi a yina yeni yaa yogunu, n den laa ke yintoali, yaali n wa ki cie aya, pudi a siiga ki ŋabi ya n den kpa ye yeni siiga yina taa. Ki yinbiga yeni den pia i nuni nani o nisaalo yeni, ki go pia bu ñoabu ki maadi mi japaamaama.

Danieli 8:11

Li den tuogi leni tanpoli gola Yudaano ki teni ke baa go padi daali kuli pada opo. Li go den biidi o *kaangagidiŋamu.

Danieli 8:14

N den gbadi ke yaa maleki n den kpa maadi yeni goa ki yedi: ‹Li baa yaa tie yenjuodi leni tiŋaadi tudalie n kobitaa (2 300). Li yaa puoli bi go baa gagidi ki ŋanbi u kaangagidiŋamu.›

Danieli 8:9

A yinnaada yeni niinni, yintoali den pudi yaali n wa ki cie akuli yaa kani, ki pugini li paalu boncianla ki teli ganu po leni puoli po leni yaa diema n ŋani ki cie mi diema kuli yaa po.

Danieli 9:27

O bado yeni baa kuani leni yaa niba n yaba yaa ŋantaado n pa, ki dagidi leni ba a binleleedi-juodikaana nni. O baa yaa tendi ke U Tienu *padijuukaana leni o pienma pada n da go yaa padi hali ki pundi bina taa leni boagidima. Wani o bolinka yeni baa yaa tiendi yaa tuoncagindi n bia ki pendi hali yaa bolinma n bili n baa o yuli po.› »

Ose Tili 7:16

Bi gbagidi ki nua ban baa baa mi todima naani Ama baa diidi mini yua n ye tanpoli. Bi tie nani li dabangolinli yene. Bi baa kpa bi yudanba leni mu jugisiemu kelima bi japaamaama po. Ejipiti yaaba baa taa la ki tieni li ñuali bonla.»

2 Tesaloniki 2:3

Yin da tuo ke oba kuli n boandi yi, baa lan tie yaala kuli, ki yedi ke laa daali pundi, kelima laa daali kan cua se mi dandanyiema n kpa cua, ke mi biadima daano n doagidi, wani yua n baa gedi mi bodima po yeni.

2 Tesaloniki 2:4

O baa fiini o yuli ki yie bi niba n nua yaala nani li tie U Tienu yeni, bi ban kpiagidi yaala kuli. O baa kua ki kali hali U Tienu dieli ki yini o yuli U Tienu.

2 Tesaloniki 2:8

Lanyogunu mi biadima daano baa doagidi, o Diedo Jesu n baa bolini yua leni o ñoabu fawaama. O cuama kpiagidi baa biidi o tuonli cain.

Mi Doagidima 12:14

Lani bi den puni o pua yeni jiebanciamo fiabi boni lie ke wan yugi ki gedi o kaanu yu n ye mi fanpienma nni, ban baan kubi o naanpo ki yaa dindi o hali bina taa leni boagidima, wan foagidi leni o wa yeni.

Mi Doagidima 12:6

O pua den sani ki gedi U Tienu n ŋanbi opo yaa kaanu mi fanpienma nni, ban baa dindi o naankani hali tudili n kobilie n dana piiluoba.

Mi Doagidima 14:12

Lani yaa po yo ke li pundi bi *nigagidiŋanba n yaa pia li juunli, bani yaaba n tuo ki ŋua U Tienu mabilikaama ki kubi li *dandanli Jesu po.

Mi Doagidima 16:6

A teni ke bi ñuni Ban den wuli yaa *nigagidiŋanba Leni yaa sawalipuaba kuli soama. Bi ŋani yene.»

Mi Doagidima 17:6

N den laa ke o pua yeni ñuni bi *nigagidiŋanba soama leni Jesu siedinba yaa soama hali ki gaadi. Min den laa o yeni, li den paki nni boncianla.

Mi Doagidima 18:24

Fini Babilona niinni ke bi den laa bi sawalipuaba, bi nigagidiŋanba leni ban den kodi yaaba ki tinga nni kuli yaa soama.»