Danieli 7:14 - Gourmanchéma Bible

¹⁴ O den dini o nisaalo yeni li bali ki puni o ti kpiagidi leni mi diema ke i nibuoli kuli leni mi diema yaaba kuli leni i mabuoli yaaba kuli n tuo ki yaa ŋua o. O bali baa yaa ye hali yaa yogunu kuli, li kan gbeni, o diema mo kan bodi abada.

U TIENU MAAMA TILI 2013

¹⁴ O den dini o nisaalo yeni li bali, ki puni o ti kpiagidi leni mi diema. I nibuoli, mi diema leni i mabuoli yaaba kuli den tuo ki ŋua o. O bali baa yaa ye hali yaa yogunu kuli, li kan baa gbenma, o diema mo kan bodi abada.

Danieli 7:14 ပူးပေါင်းရင်းမြစ်များ

Pisomi 102:22

Lanwani bi baa kpaani Li Miali Diedo yeli Siyono nni, Ki yiini ki pagi o Jelusalema nni,

Pisomi 103:19

Li Miali Diedo bili o bali kalikaanu tanpoli po, Wani n tie yaala n ye kuli yaa bado.

Pisomi 145:13

A bali tie yaa bali n ye yaa yogu n tu yaa yogu, A diema mo ye nifiima n tu nifiima kuli nni.

Pisomi 146:10

Li Miali Diedo baa die yaa yogu n tu yaa yogu. Siyono, a Tienu ye nifiima n tu nifiima. Pagi mani Li Miali Diedo!

Pisomi 45:6

A piemi sondi ki mani. A baa pua ki guli i nilanbuoli boncianla, I piemi yeni baa muu o bado yibalinba pala.

Pisomi 72:11

Bi badiba kuli baa gbaani o nintuali, I nibuoli kuli baa tuuni opo.

Pisomi 72:17

O bado yeni yeli baa yaa ye yogunu kuli, Ki waagi ki ye nani u yienu yeni! Bi niba baa yaa taagi o yeli ki gaaliti biyaba. I nibuoli kuli n taani ki yedi: «Li pamanli ye leni o bado yeni.»

Pisomi 8:6

A tagi o ke o poadi U Tienu waamu bebe, Ki lani o ti kpiagidi leni jigidi.

Esayi 16:5

Mi ŋanma n baa pugini ti gbandi paalu. Li bali paalu baa pugini kelima mi ŋanma yaa po. Yaa bujialo n lingi mi *teginma, Ki bua ki tieni yaala n dagidi, Baa kali ti gbandi po leni ku yantugupiengu Dafidi gbandieli nni.»

Esayi 60:12

Kelima yaa nibuolu leni yaa diema N kan soani apo kuli baa bodi. Laa nibuoli mo baa bodi cain.

Esayi 9:6

O tuonli n baa yaa tie wan pugini o bali Ki go pa yaa yanduanma n ki pia gbenma. O baa kali Dafidi bali kalikaanu ki diedi o diema. O baa pugini mi paalu ki kubi ma leni mi *teginma leni yaa bujiali n tiegi, Moala leni yaa yogunu kuli. Li Miali Diedo U Paaciamu Kuli Daano n baa tieni yaala o buacianma nni yeni.

Esayi 9:7

O Diedo fu leni Jakobo puoliŋuani Laa fuugu tie Isalele yaaba po.

Danieli 2:35

Lanwani ti kudi leni ku yoagu leni ti kumoandi leni ŋanjilifa leni wula yeni den taani ki mudi yenma ki tua nani yaa fenma n ye u jalu nni ku fawaagu yogunu yeni. U faalu den liebi ki ñani likuli ke pu kuli ki sieni likani. Ama yaa tanli n den pua li nisaali-nannanli yeni den tua joacianli ki gbieni ki tinga kuli.

Danieli 2:37

A tie bi badiba kuli bado kelima tanpoli Tienu puni a li bali leni u paalu leni u fidu, leni ti kpiagidi.

Danieli 2:44

Mi diema yeni batieba yogunu Tanpoli Tienu baa fiini dietoama yaama n kan bodi hali abada. Nibuoto kan fidi ki diedi ma. Mi baa mudi ki gbeni mi diekpiama yeni kuli, ama mani miba baa yaa ye hali yaa yogunu kuli.

Danieli 3:4

O kpakpaanlo den kpaani ki yedi: «Yinba i nibuoli kuli niba leni diema kuli niba leni i mabuoli kuli niba, bi bili yipo yaa ñoabonli n tie na:

Danieli 4:3

N den teni ke bi yini Babilona ñoagidanba kuli ke ban cua n kani ki bundi npo ti dangidi yeni.

Danieli 6:26

Lani yaa puoli o bado Daliyusa den soani i nibuoli kuli, leni mi diema kuli yaaba leni i mabuoli kuli, yaaba n ye ŋanduna nni kuli po ki yedi ba: «Mi yanduanma n yaa pugidi yipo.

Danieli 7:18

Ama Tanpojoma Tienu nigagidiŋanba baa ti yuandi ki ga mi diema ki yaa die ma hali yaa yogunu kuli.›

Danieli 7:27

Bi baa teni U Tienu niba, wani Tanpojoma Tienu nigagidiŋanba yeni yaa diema n ye ŋanduna nni kuli bali leni mi kpiagidi, ban yaa die. Bi diema baa yaa ye hali yaa yogunu kuli. Ŋanduna bali danba kuli baa tuo bi maama ki yaa tuuni bipo.›

Abidiasi 1:21

Ban den cuo Jelusalema yaaba, yaaba ti yonbidi Ke bi ye Sefanadi dogu nni, Jelusalema dogu jakoanda baa cua ki baa Edomi diema ki diedi ma. Li Miali Diedo wani oba n baa tua o bado!

Mise 4:7

N baa taa yaaba n poagili yeni Ki teni ban tua yaaba n baa sieni, N baa teni ban den deli ki gedini yaaba foagima yeni N tua yaa nibuolu n pia u paalu. Laa yogunu mini Li Miali Diedo baa die ba Siyono juali nni Hali yaa yogunu kuli.

Matie 11:27

N Baa puni nni li bonla kuli bali. Oba kuli ki bani Bijua, li yaa tie Baa yaaka, oba kuli mo ki bani Baa, li yaa tie Bijua, leni wani Bijua n bua ki doagidi o yua yaa po yaaka.

Matie 28:18

Jesu den nagini ki yedi ba: «U Tienu puni nni u paalu kuli tanpoli leni ki tinga nni kuli.

Luki 1:33

wan yaa die Jakobo buolu yaaba hali yaa yogu kuli, o diema kan baa juodima hali abada.»

Luki 10:22

Jesu den pugini ki yedi: «N Baa puni nni li bonla kuli bali. Oba kuli ki bani Bijua n tie yua kali Baa bebe, oba kuli mo ki bani Baa n tie yua kali Bijua leni wani Bijua n bua ki doagidi o yua yaa po.»

Jan n diani U Tienu Laabaaliŋamo maama 12:34

Ku niligu den goa ki yedi o: «Ti gbadi U Tienu *balimaama nni ke *U Tienu n Gandi Yua baa ye hali yaa yogunu kuli. Be yaa po ke fini yedi ke li tie tiladi ban fiini o Ja Bijua. O Ja Bijua yeni, tie ŋme yo?»

Jan n diani U Tienu Laabaaliŋamo maama 3:35

Baa bua Bijua ki dini o li bonla kuli bali ke o die.

Hebilunba 12:28

Lanwani, kelima ti baa baa yaa diema n kan digibi, tin yaa ye leni i tuondi, ki kpiagidi U Tienu ki ŋua o leni li fangili leni i jeje ke li mani opo,

1 Pieri 3:22

Jesu kua tanpoli po ki ye U Tienu jienu, ki die malekinba, li bali danba leni tanpoli paaciami danba kuli.

Mi Doagidima 1:6

ki go teni ke ti tua kopadicianba diema o Baa U Tienu po, n baa ti kpiagidi leni u paaciamu hali yaa yogunu kuli. Amina!

Mi Doagidima 11:15

O maleki-leleelo den piebi kakaci. I nialiciami den kpaani tanpoli po ki yedi: «Moala ŋanduna diema tua ti Diedo Leni wani *Gandi Yua yaa yaama O baa die hali yaa yogunu kuli.»

Mi Doagidima 17:14

Bi baa tuogi bu toabu leni ki Pebiga, ama ki Pebiga baa paadi ba kelima o tie bi diediba Diedo leni bi badiba Bado. Wan den yini ki gandi yaaba, yaaba n tie o nidugikaaba, baa taani leni o ki moko n paadi ba.»

Mi Doagidima 3:21

Yua n koani mi jama ki paadi, n baa teni wan yaa ka leni nni n bali kalikaanu po, nani mini nba n den koani mi jama ki paadi, ki ka leni n Baa o bali kalikaanu po maama yeni.