Danieli 7:13 - Gourmanchéma Bible

¹³ N go den laa ku ñiagu bonlekaala yeni niinni ke yua n naani leni o nisaalo ye ti tawadi po ki kpendi ki tiegi o jakpelo yeni ke bi ciani o ke o pundi o kani.

U TIENU MAAMA TILI 2013

¹³ N go den laa ku ñiagu bonlekaala yeni niinni, ke yua n naani leni o nisaalo ye ti tawadi po, ki kpendi ki tiegi o jakpelo yeni. Bi den ciani o ke o pundi o kani.

Danieli 7:13 ပူးပေါင်းရင်းမြစ်များ

Pisomi 110:2

Li Miali Diedo n cili Siyono kani ki pugini a paalu Ki teni ŋan diedi a yibalinba yaaba n lindi a kuli.

Pisomi 2:8

Mia nni, n baa pa ŋa i nibuoli ban tua a faali, Ki teni ŋan diedi hali i tinbiani moko.

Pisomi 47:5

O gandi tipo ti diema tinba Jakobo puoliŋuani Wan bua yua yeni yaa kpiagidi po. *Joma

Jeremi 49:19

Li Miali Diedo yedi: «N tie nani yaa yangbanlo n ñani Judana fuali nni ki caa li ñinbunli po yeni. N li baa yedi bugibu yenma ki teni Sodoma n sani, Min kaani min gandi yua. Kelima ŋme naani leni nni? Ŋme n baa waani nni min baa tieni yaala? O laa gobidika n baa niagi leni nni?»

Esekieli 1:26

Yaala n den naani leni safili tanli, ki go naani leni li bali kalikaanu den ye yaala n den liibi bi yula po yaa yuli po. Yaala n den naani leni li bali kalikaanu yeni po, o nilo nannanli den se lipo.

Danieli 2:44

Mi diema yeni batieba yogunu Tanpoli Tienu baa fiini dietoama yaama n kan bodi hali abada. Nibuoto kan fidi ki diedi ma. Mi baa mudi ki gbeni mi diekpiama yeni kuli, ama mani miba baa yaa ye hali yaa yogunu kuli.

Danieli 7:12

Bi den ga yaa yandi n sieni yaa bali, ama bi den cedi ke bi suagi ki ye ki fo ki pundi hali yogunuba.

Danieli 7:2

O den yedi: «Ku ñiagu n den laa li bonlekaala n dangidi nni ke yaa faali n ñani ki tinga ñoakunnaadi kuli den figi ki fiindi mi ñincianma.

Danieli 7:22

hali ke o jakpelo den cua ki jia ti buudi ki puni wani Tanpojoma Tienu nigagidiŋanba i moamoani. U yogunu n den pundi, bi nigagidiŋanba den baa li bali.

Danieli 7:9

N go den nuali ki laa ke bi sieni li bali kalikaani ke jakpeloba cua ki kali. O tiayiekaadi den pieni paipai. O yudi mo den pieni nani mi kunkunyoma yeni. O bali kalikaanu den yieni nani mi fantanlanma yeni. Li bali kalikaanu n den maa yaa taana po moko den yieni nani u mupienu yeni.

Danieli 8:15

Mini Danieli n den diidi li bonlekaala yeni ki bua ki bandi li bundima, yua n naani leni o nisaalo den cua ki sedi n nintuali.

Matie 13:41

O Ja Bijua baa soani o malekinba ban taani ki ñani o diema nni yaaba n tulini bi niba kuli leni yaaba n tiendi mi biadima kuli,

Matie 24:30

Lani, o Ja Bijua sinankeeni baa doagidi tanpoli, ŋanduna nibuoli kuli baa mua. Bi baa le ke o Ja Bijua ye ti tawadi nni ki kpendi leni u paaciamu leni ti kpiagiciandi.

Matie 25:31

O *Ja Bijua yaa cua o kpiagidi nni yaa yogunu, ki yegi leni o malekinba kuli, o baa kali o bali kalikaanu yu n pia ti kpiagidi po.

Matie 26:64

Jesu den goa ki yedi o: «Fini n yedi yeni. N go waani yikuli ke moala liiga, yi baa ti le o Ja Bijua ke o ka u Paaciamu Kuli Daano jienu po, ki go le o ke o ñani lankani ki kpendi ti tawadi nni.»

Matie 28:18

Jesu den nagini ki yedi ba: «U Tienu puni nni u paalu kuli tanpoli leni ki tinga nni kuli.

Matie 8:20

Jesu den goa ki yedi o: «I coli pia i fali, ti bonyugiditi mo pia a tiana, ama o *Ja Bijua wani naa pia wan baa dua naani.»

Marki 13:26

Lani bi baa le ke o *Ja Bijua ye ti tawadi nni, ki kpendi leni u paaciamu leni ti kpiagiciandi.

Luki 21:27

Lani, bi baa le ke o *Ja Bijua ye ku tawaligu nni ki kpendi leni u paaciamu leni ti kpiagiciandi.

Luki 21:36

Lani yaa po yin yaa ji mani ki yaa jaandi U Tienu yaa yogunu kuli, ke yin fidi ki ña yaa bonla n baa cua kuli nni, ki sedi o Ja Bijua kani.»

Luki 24:27

Lani Jesu den cili leni Musa yaa maama ki pundi bi sawalipuaba yaa maama ki bundi bipo i Diani nni kuli yaala n den maadi o yaa po.

Jan n diani U Tienu Laabaaliŋamo maama 12:34

Ku niligu den goa ki yedi o: «Ti gbadi U Tienu *balimaama nni ke *U Tienu n Gandi Yua baa ye hali yaa yogunu kuli. Be yaa po ke fini yedi ke li tie tiladi ban fiini o Ja Bijua. O Ja Bijua yeni, tie ŋme yo?»

Jan n diani U Tienu Laabaaliŋamo maama 3:13

Oba kuli daa doni tanpoli kali yua n ñani tanpoli po ki jiidi, lani n tie o *Ja Bijua yua n ye tanpoli.

Jan n diani U Tienu Laabaaliŋamo maama 5:27

O go dini Bijua li bali wan yaa jia ti buudi kelima o tie o Ja Bijua.

Jesu Tondiba Tuona 7:56

O den yedi: «Diidi mani, n laa ke tanpoli luodi, ke o*Ja Bijua se U Tienu jienu.»

1 Tesaloniki 4:17

Lani, tinba yaaba n sieni ki fo baa taani leni bani, ki yugi a tawala nni ki tuogi o Diedo mi fawaama nni. Lani ti baa yaa ye leni o Diedo hali yaa yogunu kuli.

1 Timote 6:16

Wani bebe n ki pia kuuma, Ki ye miali kuli n kan nagini yaa yenma nni. Miali kuli n daa laa yua Ki kan fidi ki le o mo. Wani n pia yaa jigidi leni yaa paaciamu N ki pia gbenma hali yaa yogunu kuli. Amina!

Hebilunba 2:14

Kelima a bila n tie nisaaliba ki pia ti gbanandi leni mi soama yeni, Jesu moko den tua nisaalo ki pia ti gbanandi leni mi soama. O den tua yeni ki baa kpe, ke o kuuma n bolini Sutaani paalu wani yua n pia mi kuuma paalu,

Hebilunba 9:24

Kelima Kilisiti ki den kua bi nisaaliba n tii yaa kaangagidiŋamu yu n tie u bonmoanu nannanli niinni ka. O den kua tanpoli oba yaa niinni, ki baa ye U Tienu kani moala ki miadi o tipo.

Mi Doagidima 1:13

Yua n naani leni o nisaalo den ye i fidisantuankaani yeni siiga. O den laa liadicianli ke li jiidi hali o taafaadi, ki ñaagi o benli wula ñagidu.

Mi Doagidima 1:18

yua n ye ki fo. N den kpe, ama diidi ki le, n go fo ki baa ye hali yaa yogunu kuli. N kubi mi kuuma leni bi tinkpiba yekaanu sendabila.

Mi Doagidima 1:7

Diidi ki le mani, O kpendi ti tawadi nni, Nunbu kuli baa le o, Baa yaaba n den muu o. Ŋanduna nibuoli kuli Baa buudi kelima opo. Yeni n yeni, Amina!

Mi Doagidima 14:14

N den diidi ki laa ku tawapiengu ke yua n naani leni o nisaalo ka lipo. O den yili wula badifogiliga, ki muubi ku moaciemangu o nuu nni.