Danieli 7:10 - Gourmanchéma Bible

¹⁰ Mi fantama den puubi ki ña o nintuali nani u kpenu yeni. Niba tudatuda den tuuni opo, tudatuda bam den se o kani. Bi bujiaba den kakali ke a tila poabidi.

U TIENU MAAMA TILI 2013

¹⁰ U mu den puubi ki ña o nintuali nani u kpenu yeni. Niba tuda tuda den tuuni o po, tuda tuda kaa pia bianu den se o kani. Bi bujiaba den kaa ki poabidi a tila.

Danieli 7:10 ပူးပေါင်းရင်းမြစ်များ

1 Bi Badiba 22:19

Mise go den yedi: «Go cengi Li Miali Diedo maama. N den laa Li Miali Diedo ke o kaa o bali kalikaanu po, ke tanpoli gola kuli se o ganu leni o jienu kuli.

2 Bi Badiba Jama 18:18

Mise go den yedi: «Go cengi Li Miali Diedo maama. N den laa Li Miali Diedo ke o kaa o bali kalikaanu po, ke tanpoli gola kuli se o ganu leni o jienu kuli.

Jobi 25:3

Ŋme n baa fidi ki coadi o toagola? O yenma ki yen fii ki yendi ŋme yo?

Pisomi 103:21

Pagi mani Li Miali Diedo yinba o toagola, Yinba yaaba n tuuni opo ki tiendi o yanbuama.

Pisomi 18:8

Ki tinga den begibi ki digibi A juana tanpuuna den digibi, Likuli den begibi kelima U Tienu pali den beni.

Pisomi 50:3

Ti Tienu kpendi, o kan yaa ŋmini! Mi fantama ye o liiga ki buondi, Ku tafaabiadigu mo gaani ki lindi o.

Pisomi 68:17

Be yaa po, ke yaa juali yaa yula n yaba yeni Baa poni leni U Tienu n gandi yaa juali Ki baa yaa ye li kani? Baa yeni, Li Miali Diedo baa teni Lin yaa tie o yekaanu hali yaa yogunu kuli.

Esayi 30:27

Diidi Li Miali Diedo wani oba ñani hali foagima O pali beni hali boncianla. Li tie yaa bonla n bia hali boncianla O ñoacuuna doagidi o pabienli O lanbu mo tie nani yaa fantama n buondi yeni.

Esayi 30:33

Bi tuodi ki bogini u juukaanu hali yogu, Li kaanu tie o bado moko yaa po yo. Li tie buogu yaagu n ñua ki go pia. Bi dogini likani yaa daadi n yaba boncianla mi juuma po. Li Miali Diedo ñoabu fawaama n baa cuoni ti nani li cidibili yeni.

Danieli 12:1

Maleki go den yedi nni: «Li yogunu malekinba yudanciamo *Miseli, yua n guu fini Danieli nibuolu, baa fii. Li baa yaa tie fala yogunu. Laa fala baa yabidi hali maama ke o buolu daa tieni ki cili ŋanduna cilima ki yaa caa hali laa yogunu. Lanyogunu a nibuolu yaaba siiga nni lan baa sua ke yaaba yaa yela n diani li tili nni n baa ciadi.

Danieli 7:22

hali ke o jakpelo den cua ki jia ti buudi ki puni wani Tanpojoma Tienu nigagidiŋanba i moamoani. U yogunu n den pundi, bi nigagidiŋanba den baa li bali.

Danieli 7:26

Lani yaa puoli li bujiali baa tieni ban ga ki yannaaga yeni bali kuli ki bolini ga yaa yogunu kuli po.

Sakari 14:5

Yi baa tagini ku joaloangu yaagu n ye a juana siiga yeni, Ki sani ki cia, Kelima ku joaloangu yeni baa tandi Ki pundi hali Atisali. Yi baa sani nani yi yaajanba n den sani maama, Juda bado, Osiasi yogunu, Mi tindigibima n den tieni yeni. Lanwani, Li Miali Diedo, n Tienu Baa yegi leni o malekinba ki cua.

Matie 25:31

O *Ja Bijua yaa cua o kpiagidi nni yaa yogunu, ki yegi leni o malekinba kuli, o baa kali o bali kalikaanu yu n pia ti kpiagidi po.

Mi Tiadima 33:2

O den yedi: «Li Miali Diedo ñani Sinayi po ki cua, O pudi nani u yienu yeni Seyili diema po, O kpiagidi cili hali Palana juali po O mo ñani bi nigagidiŋanba tudatuda bam siiga. Leni o nijienu yo ke o soani bipo li *balimaama fantama.

Hebilunba 1:14

Malekinba yeni kuli ki tie fuoma yaaba, yaaba n tuuni wani U Tienu po, wan tuuni yaaba ke bi todi mi *tindima yaa faajieba kaa?

Hebilunba 12:22

Ama yi cua Siyono juali, lani n tie U Tienu yua n ye ki fo yaa dogu, yaa Jelusalema n ye tanpoli kani, malekinba yaaba n yaba ki pundi a tuda tuda bam yaa kani.

Jude 1:14

Li go tie bani yaa po ke Enoka yua n den tie nifiima lele ki cili hali Adama kani, den pua sawali ki yedi: «Diidi ki le, o Diedo kpendi leni o *nigagidiŋanba tudatuda bam.

Mi Doagidima 11:18

I nibuoli bieni bi pala, A pabienli cuonu yogunu pundi. Ŋan baa jia ti buudi Leni bi tinkpiba yaa yogunu pundi, Ŋan baa pa a naacenba Bi panpaani yaa yogunu pundi, Bani a sawalipuaba Leni bi nigagidiŋanba Leni yaaba n fangi a yeli, Taliginba leni bi paatieba kuli. Ŋan baa bolini yaaba n den bolini Ki tinga moko yaa yogunu pundi.»

Mi Doagidima 5:11

N go den nuali ki gbadi malekinba boncianla niali, bani yaaba n lindi li bali kalikaanu leni a bonfuodinaada leni bi nikpeliba. Bi coali den tie tudapiiga taalima tudapiiga, hali a tudatuda bam.