Danieli 5:23 - Gourmanchéma Bible

²³ A fiini a yuli ki koani leni Tanpoli Diedo ki teni ke bi cuani a kani yaa tadiñoakaamu n den ye o diegu nni ke yi ñuni mi daama mu niinni, fini leni a paatieba leni a puoba leni a poconcona. A pagi i buli yaala n tie ŋanjilifa, yaa ka wula, yaa ka ti kumoandi, yaa ka ti kuboandi, yaa ka ti daadi, yaa ka a tana, yaala n kaa gba, kaa bani liba mo. Ŋaa kpiagi U Tienu yua n kubi a miali leni a cabili kuli o nuu nni.

U TIENU MAAMA TILI 2013

²³ A fiini a yuli, ki koani leni Tanpoli Diedo, ki teni ke bi cuani a kani yaa tadiñokaamu n den ye o diegu nni, ke yi ñuni mi daama mu niinni, fini leni a paatieba, a puoba leni a puoconcona. A pagi i buli yii n tie ŋanjilifa, wula, ti kumoandi, ti kuboandi, ti daadi, yaa ka a tana, yaala n kaa gba, kaa bani liba mo. Ŋaa kpiagi U Tienu yua n kubi a miali leni a cabili kuli o nuu nni.

Danieli 5:23 ပူးပေါင်းရင်းမြစ်များ

Mi cilima 14:19

O den gaali Abalama ki yedi: «Tanpojoma Tienu, Yua n tie tanpoli leni ki tinga yaa canbaa, Wan seligi Abalama.

Mi cilima 2:7

Li Miali Diedo den taa ki tinga yaa tama ki tagi o nilo. O den fuo o miani nni li miali yaa fuoma ke o ja den tua yaa miali n fo.

2 Bi Badiba 14:10

A den paadi Edomi yaaba ki fiini a yuli. Mangi a pali leni laa kpiagidi ki yaa se a denpo. Be yaa po ke a bua ki cili yaa toabu n baa cuani fini leni Juda yaaba kuli tingbali?»

Jobi 12:10

Wani n muubi o nuu nni miali fo kuli naano. Leni nisaalimiali kuli fuoma.

Jobi 31:4

Naani U Tienu ka diidi min tagini yaa sanu, Ki coadi n tayaagima kuli?

Pisomi 104:29

Ama a yaa buli ba a nunga, se ban jie ki luodi. A yaa sieni bi fuoma, Bi yen kpe ki goa ki tua tama.

Pisomi 115:16

Tanpoli tie Li Miali Diedo bebe n die naani, Ama o puni bi nisaalibe ki tinga.

Pisomi 139:3

A bani n yaa cuoni leni n yaa dua, A bani n sani mo kuli cain.

Pisomi 146:4

Bi miana fuoma yen sedi, ban guani mi tama nni Bi yanjaga mo kuli yen bodi landaale.

Mi Kpanjama 20:24

Li Miali Diedo n gobidi o nisaalo tayaagima. O nisaalo mo baa tieni lede ki bandi wan baa tagini naani?

Esayi 13:11

N baa waani li ŋandunli fala kelima li biadima po. Bi nibiadiba mo, kelima bi tagili po. N baa teni bi yusiedanba japaadi n gbeni, Bi tugumoandanba mo yaa kafaama n baa u bianu.

Esayi 14:13

A den tua a pali nni: ‹N baa do tanpoli. N baa bili n bali kalikaanu U Tienu ŋmabila yula po. N baa do ki kali i *buli kadikaanu juali po hali nijienu po.

Esayi 2:12

Li Miali Diedo U Paaciamu Kuli Daano bili laa daali Ki baa yie yaala n pia kafaama leni japaadi kuli po, Moko, yaala n fiini li yuli kuli ki baa goa jiidi po.

Esayi 33:10

Li Miali Diedo yedi: «Moala n baa fii, Moala n baa fii ki sedi, Moala bi baa kpiagi nni.

Esayi 37:19

ki luni i mi fantama nni. Ama baa den tie tieni ka, bi den tie bi niba nii n tagi yaala, ti daadi leni a tana, ke bi den bolini likuli.

Esayi 37:23

A sugidi ki yualiti ŋme yo? A tangi ŋme yaa po yo? Isalele Tienu Yua n Gagidi ki ŋani yene ke a ko li diidi nanda?›

Esayi 42:5

Li Miali Diedo U Tienu Wani yua n tagi tanpoli, ki tandi tanpoli leni li fanma Ki ladi ki tinga leni yaala n pudi kipo kuli Ki puuni yaaba n ye kipo kuli mi fuoma, Ki go puuni yaala n cuoni kipo kuli li yaa fuoma Maadi yaa maama n tie na:

Jeremi 10:23

Li Miali Diedo n bani ke o nisaalo ki die o sanu O kan fidi ki ŋoadi o yuceli po sanu.

Jeremi 48:26

Li Miali Diedo yedi: «Ñuni o mani wan gaadi kelima o fii ki sedi Li Miali Diedo po. Moabi n yaa faligidi o siindi nni, wan guudi ki ga i fe.

Jeremi 50:28

Li tie yaaba n tiini ki ña Babilona po yaa kuudi yo, Ki wangi Siyono dogu nni Ke Li Miali Diedo tu o panli. O tu li panli o diegu po.

Jeremi 50:29

Yini mani a dabantuada n cua ki baa Babilona. Yaaba n bani li dabanli kuli, Gaani ki lindi mani u dogu Niloba kuli n da cia. Pa o mani nani o tuona n tie maama. Guani o mani wan tieni yaala kuli. Kelima o tieni mi kafaama Li Miali Diedo Isalele Tienu Yua n Gagidi ki ŋani po.

Esekieli 28:17

A den fiini a yuli kelima a ŋamu po, Ki den biani a yanfuoma fanma, Kelima a ŋankandiko po. N baa lu ŋa tiipo, Ŋan tua laadi bonla bi badiba po.

Esekieli 28:2

«O ja na, ŋan yedi Tili bado ke o Diedo, Li Miali Diedo yedi mi ne: A pali den gbie leni ti japaadi ke a yedi: ‹N tie tienu yo, N kaa mi ñincianma siiga, i tieni bali kalikaanu po.› Ama, a li tie nisaale, ŋaa tie Tienu, Ki tama ke a yantiali tie U Tienu yantiale.

Esekieli 28:5

A fanciamu u kpendu nni Den teni ke a pugini a piama. A piama yeni po mo den teni ke a pali gbie leni ti japaadi.»

Esekieli 31:10

Li tie lani yaa po ke mini o Diedo, Li Miali Diedo yedi mi ne: «A den kpedi boncianla. Bu benjoma den ban ye ti tawadi nni Bu den jigini bu yuli leni bu kpedimu.

Danieli 11:12

Wani niganu po diema bado baa paadi li toagoli yeni ki gbengi o yuli. O baa kpa bi niba tudatuda bam, ama baa yeni o kan yaa pa ki caa.

Danieli 8:11

Li den tuogi leni tanpoli gola Yudaano ki teni ke baa go padi daali kuli pada opo. Li go den biidi o *kaangagidiŋamu.

Habakuki 2:4

Diani yaala n tie ne: ‹Yaa nilo n pia a yanjagibiada baa kpe. Ama o niteginka baa ye ki fo kelima o *dandanli yaa po.› »

Jesu Tondiba Tuona 17:25

Waa pia yaaba n tuuni opo nani o luo bonlaba ka, kelima wani n puuni bi niba kuli ke bi ye ki fo ki pia ban pia yaala kuli.

1 Korenti 8:4

To, moala n baa maadi ti padinandi maama. Ti bani ke *bulo naa ye ŋanduna nni se U Tienu yendo bebe n ye.

1 Timote 3:6

Wan da tie yua n daani ke li daa waagi, ke ti japaadi n da ti diedi o, wan da ti baa Sutaani n den baa yaa cuonu nni.

Hebilunba 4:13

Tagimaba kuli ki wuo U Tienu nuni po, likuli ye mubima ki doagidi cain o nuni po, tin baa togidi wani yua ti tuona kuli.

Mi Doagidima 9:20

O falabiado yeni n kaa den ku yaaba, baa den lebidi bi yama leni bi nii n tagi yaala. Baa den cedi kaa go kpiagidi mu cicibiadimu, i *buli, yaala n tie wula, yaa ka ŋanjilifa, yaa ka ti kumoandi, yaa ka a tana, yaa ka ti daadi, yaala n kaa nua, kaa gba, kaa cuoni mo.

Bi Bujiaba 16:23

Filisiti yaaba yudanba de taani ki baa padi bi*bulo Dagona li padicianli ki mangi bi pala. Bi den tua: «Ti bulo taa ti yibali Samisona ki teni ti nuu nni.»

1 Samueli 17:26

Dafidi den buali yaa jaba n nagi leni o: «Yua n ku o ja na ki ñani Isalele yaaba po i fe, bi baa tieni opo be? Laa jifolo, Filisiti yua yeni, o tie ŋme ki baa fali U Tienu yua n fo toagoli?»

1 Samueli 17:36

Mini a naacemo guli ki kpa i yangbanli leni fuayanbiaditoamu kuli, lanwani laa jifolo, Filisiti yua yeni, n baa soani o yene, kelima o sugi U Tienu yua n fo toagoli.»