Danieli 5:2 - Gourmanchéma Bible

² Wan den ñuni mi daama yeni, o den yedi ke ban cuani o kani o baa Nebukanesa n den fie yaa wula tadiñokaamu leni yaa ŋanjilifa tadiñokaamu Jelusalema jaandieli nni ke wani o bado leni o paatieba, leni o puoba leni o poconcona n ño mu niinni.

U TIENU MAAMA TILI 2013

² Wan den ñuni mi daama yeni, o den yedi ke ban cuani o kani o baa Nebukanesa n den fie yaa wula leni yaa ŋanjilifa tadiñokaamu U Tienu diegu yaagu n ye Jerusalemi nni, ke wani o bado, o paatieba, o puoba leni o puoconcona n ño mu niinni.

Danieli 5:2 ပူးပေါင်းရင်းမြစ်များ

2 Samueli 9:7

Dafidi den yedi o: «Ŋan da jie liba, n bua ki ŋanbi apo kelima a baa Jonatan yaa po. N baa go guani a a yaaja Sayula kuani kuli. A baa yaa di n saajekaanu kani yogunu kuli.»

2 Bi Badiba 24:13

O den fie yaa ŋalimano n den ye Li Miali Diedo diegu nni leni o bado diegu nni kuli, ki pua ki mudi Isalele diema bado Salomono n den duadi yaa tiadi ke ti tie wula Li Miali Diedo tuonli po, nani Li Miali Diedo n den tuodi ki yedi maama.

2 Bi Badiba 25:15

Bi guudikaaba yudaano den taa ban den siagi yaa sinma yaa muñii n pia u nuulimanu yaa tiadi nni leni mu tadiñokaamu. O den taa yaa tiadi n den tie wula leni yaa tiadi den tie ŋanjilifa kuli.

2 Bi Badiba Jama 11:20

Li yaa puoli o go den taa Abisalomi bisalo ke bi yi o Maaka. O den mali opo jaba naa: Abiya, Atayi, Sisa, leni Selomiti.

2 Bi Badiba Jama 15:16

Asa den dindi baa o naa Maka ke waa go tie pobado, kelima wani o naa yeni den tieni *Akela po o bulo. Asa den pua ki mudi o bulo yeni ki juu o Sediloni fuanu kani.

2 Bi Badiba Jama 36:10

Li binpanli n den baa pundi, o bado Nebukanesa den teni ke bi cuani Babilona diema nni, Li Miali Diedo diegu nni tiadi yaadi n den pia mayuli. O den dini Jeoyakimi waalo Sedesiasi li bali Juda diema po leni Jelusalema po.

2 Bi Badiba Jama 36:18

O den tugi yaa tiadi n den ye U Tienu diegu nni kuli, leni yaa ŋalimano n den ye lienni kuli, leni o bado, leni o koanbala ŋalimani kuli, ki gedini Babilona po.

Esidirasi 5:14

O bado Nebukanesa n den fie yaa wula tadimu leni yaa ŋanjilifa tadimu Jelusalema U Tienu diegu nni ki ban bili Babilona budieli nni, o den teni ke bi taa mu ki teni Sesibatisadi wan den dini yua Juda gufeneeli.

Jeremi 27:7

I nibuoli kuli baa soani opo, o bijua po, o yaabili po, hali yaa yogunu ke yaa nibuoli n pa leni yaa badiba n pa ki cie omo baa cua ki diedi o diema.

Jeremi 50:35

Bu toabu Kalide yaaba po! Li Miali Diedo n yedi yeni. Fii ki sedi Babilona yaaba po, O koanbala leni o yanfodanba kuli po.

Jeremi 52:19

Bi guudikaaba yudaano go den taa ti ñingaandi, mi fantama tiadi, mu tadiñokaamu, mu tadibuomu, yaala n den tie wula leni ŋanjilifa kuli.

Danieli 1:2

O Diedo den taa Juda diema bado Yeojakimi ki teni Nebukanesa nuu nni, ki teni ke o taa wani U Tienu diegu tiadi ti tiandi. Nebukanesa den taa a kpaada leni mu tadimu ki gedini Sineala diema nni. O den kuani ti tiadi yeni o *bulo dieli nni ki bili ti li ŋalimandieli nni.

Danieli 5:11

O ja ye a diema nni ke U Tienu Yua n Gagidi ki ŋani banma ye o niinni. A baa n den ye yaa yogunu, bi den laa o niinni mi yanyendima leni u fanu leni yaa yanfuoma n tie U Tienu Yua n Gagidi ki ŋani yaama. Lani yaa po yo ke a baa o bado Nebukanesa den tuni o a lingida leni bi baabuuba leni bi buligbandanba leni bi ñoagidanba kuli yuli,

Danieli 5:13

Bi den cuani Danieli o bado kani. O bado den buali o: «Fini n tie Danieli, ban cuo yaaba siiga, n baa o bado n den ñani yaaba Juda diema nni ki cuani ne yeni?

Danieli 5:18

O bado, Tanpojoma Tienu den dini a baa Nebukanesa li bali ke o tua badiciamo ki go puni o ti kpiagidi leni ti jigidi ki ñani o yeli.

Danieli 5:23

A fiini a yuli ki koani leni Tanpoli Diedo ki teni ke bi cuani a kani yaa tadiñoakaamu n den ye o diegu nni ke yi ñuni mi daama mu niinni, fini leni a paatieba leni a puoba leni a poconcona. A pagi i buli yaala n tie ŋanjilifa, yaa ka wula, yaa ka ti kumoandi, yaa ka ti kuboandi, yaa ka ti daadi, yaa ka a tana, yaala n kaa gba, kaa bani liba mo. Ŋaa kpiagi U Tienu yua n kubi a miali leni a cabili kuli o nuu nni.

Danieli 5:3

Lani bi den taa mu wula tadimu, ban den fie yaamu U Tienu diegu yaagu n ye Jelusalema nni, ki cuani mu ke o bado leni o paatieba leni o puoba leni o poconcona ñuni mu niinni.

Danieli 5:30

Laa ñiagu liga bi den ku Babilona diema bado Belisasa.

Danieli 5:4

Bi den ñuni duven ki pagi bi *buli yi n tie wula leni yi n tie ŋanjilifa leni yi n tie kumoandi leni yi n tie kuboandi leni yi n tie daadi leni yi n tie tana kuli.