Danieli 5:16 - Gourmanchéma Bible

¹⁶ N gbadi ke fini wani baa fidi ki bundi yaa maama n ñoa, ki galiti yaala n gali. To, a yaa fidi ki cogi i diani ne ki bundi npo, bi baa lani a ti badijatiamoandi leni wula laanu. A baa tua o nitaalo mi diema bali danba siiga.»

U TIENU MAAMA TILI 2013

¹⁶ N gbadi ke fini wani baa fidi ki bundi yaa maama n ñua, ki galiti yaala n gali. To, a yaa fidi ki cogi i diani ne, ki bundi n po, bi baa lani a ti badijatiamoandi leni wula laanu. A baa tua o nitaalo mi diema bali danba siiga.»

Danieli 5:16 ပူးပေါင်းရင်းမြစ်များ

Mi cilima 40:8

Bi den goa ki yedi o: «Ti dangi ti dangidi ki naa pia yua baa bundi tipo ti dangidi n bua ki yedi yaala.» Josefi den goa ki yedi ba: «U Tienu kaa bani bonla kuli n bua ki yedi yaala? Togidi nni mani yi dangidi.»

Mi cilima 41:15

Falono den yedi Josefi: «N dangi ti dangidi. Oba kuli ki fidi ki baa waani nni tin bundi yaala. Ama n gbadi ke fini wani baa fidi ki bundi yaa dangidi ke bi togidi a.»

Mi cilima 41:42

Falono den piti o ñoagibima ki pilini Josefi. O den lani o yaa tiadi n ŋani ki pia ti kpiagidi ki go den lani o wula laanu.

Danieli 2:48

Li yaa puoli o bado den puni Danieli ti kpiagidi ki puni o yaa paabu n yaba ki pia mayuli boncianla. O den dini o li bali ke o die Babilona leni o tinkundogi kuli, ki go tuni o Babilona ñoagidanba yuli.

Danieli 2:6

Ama yi yaa waani nni ti dangidi yeni leni ti bundima mo, n baa pa yi bu paabu boncianla leni yaa kpiagidi n yaba. Lanwani waani nni mani ti dangidi yeni leni ti bundima.»

Danieli 5:29

Lanyogunu Belisasa den teni ke bi lani Danieli ti badijatiamoandi leni wula laanu ki kpaani ki puni o o nitaalo kaanu mi diema bali danba siiga.

Danieli 5:7

Wani o bado den tiani ki yedi ke ban yini Babilona ñoagidanba: bi baabuuba leni bi buligbandanba leni a lingida ban cua o kani. Lani o bado den yedi Babilona ñoagidanba yeni: «Yua n fidi ki cogi yaa diani n tie ne ki bundi npo kuli, n baa teni ban lani o ti badijatiamoandi leni u wula laanu. O baa tua o nitaalo mi diema bali danba siiga.»

Danieli 6:2

Daliyusa den sua ke li ŋani wan gandi niba kobiga n piilie ki dini ba li bali ban yaa tie gufeneelinba yaaba n baa kakali mi diema nni kuli ki yaa die ki gobidi.

Jesu Tondiba Tuona 8:18

Simono n den laa ke bi baa U Tienu Fuoma Yua kelima bi tondiba maani bipo bi nii, o den cuani bipo i ligi ki yedi: