Danieli 4:6 - Gourmanchéma Bible

⁶ ‹Belisasa, a lingida yudaano, n bani ke U Tienu Yua n Gagidi ki ŋani banma ye a niinni, bondoaginkaalaba ki paki a. Bundi npo min den laa yaa bonlekaala n dangidi nni.

U TIENU MAAMA TILI 2013

⁶ ‹Belitisasari, a lingida yudaano, n bani ke U Tienu Yua n Gagidi ki ŋani banma ye a niinni, bondoaginkaaliba ki paki a. Bundi n po min den laa yaa bonlekaala n dangidi nni.

Danieli 4:6 ပူးပေါင်းရင်းမြစ်များ

Mi Ñama 7:11

Ama Falono den yini bi yanfodanba leni a lingida leni Ejipiti ñoagidanba, bani moko den tieni laa bancianma leni bi ñoagi.

Esayi 8:19

Bi yaa yedi yi: «Gedi mani ki ban bu ku baagu yaaba n maadi leni bi tinkpiba leni yaaba n soabidi ki bunbidi, ki go wangi yaala n faadi ki ye. Naani u nibuolu kan yaa bu U Tienu ka? Naani bi baa miadi bi tinkpiba n yaa todi yaaba n foo?»

Danieli 1:17

U Tienu den puni bi jawaanaadiba yeni mi bandima leni mi yanfuoma u cogu leni mi bangima nni. Danieli mo go den baa fidi ki bandi ki go bundi li bonlekaala leni ti dangidi kuli.

Danieli 2:2

O den teni ke bi yini a lingida leni bi baabuuba leni Kalide ñoagidanba kuli ke ban waani o o dangidi. Bi den cua o bado kani.

Danieli 2:48

Li yaa puoli o bado den puni Danieli ti kpiagidi ki puni o yaa paabu n yaba ki pia mayuli boncianla. O den dini o li bali ke o die Babilona leni o tinkundogi kuli, ki go tuni o Babilona ñoagidanba yuli.

Danieli 4:15

Mini o bado Nebukanesa n den dangi yaa dangidi n yeni. Belisasa, ŋan bundi ti npo kelima yaa ñoagidanba n ye n diema nni kuli ki fidi ki bundi ti npo. Ama fini, a baa fidi kelima U Tienu Yua n Gagidi ki ŋani yaa banma ye a niinni.› »

Danieli 5:11

O ja ye a diema nni ke U Tienu Yua n Gagidi ki ŋani banma ye o niinni. A baa n den ye yaa yogunu, bi den laa o niinni mi yanyendima leni u fanu leni yaa yanfuoma n tie U Tienu Yua n Gagidi ki ŋani yaama. Lani yaa po yo ke a baa o bado Nebukanesa den tuni o a lingida leni bi baabuuba leni bi buligbandanba leni bi ñoagidanba kuli yuli,

Danieli 5:7

Wani o bado den tiani ki yedi ke ban yini Babilona ñoagidanba: bi baabuuba leni bi buligbandanba leni a lingida ban cua o kani. Lani o bado den yedi Babilona ñoagidanba yeni: «Yua n fidi ki cogi yaa diani n tie ne ki bundi npo kuli, n baa teni ban lani o ti badijatiamoandi leni u wula laanu. O baa tua o nitaalo mi diema bali danba siiga.»