Danieli 4:27 - Gourmanchéma Bible

²⁷ O den yedi: «Mini ka maa Babilona dogu ne ke u tua badidogu te? U doagidi n paalu n yaba maama leni n bali n pia yaa kpiagidi.»

U TIENU MAAMA TILI 2013

²⁷ O den yedi: «Mini ka maa Babilonni dogu ne, ke u tua badidogu te? U doagidi n paalu n yabi maama leni n bali n pia yaa kpiagidi.»

Danieli 4:27 ပူးပေါင်းရင်းမြစ်များ

Mi cilima 11:4

Bi go den yedi: «Cua mani tin cili ki maa u dogu leni ku doanciangu yaagu n baa kpedi ki pundi tanpoli. Lani n tie ti yeli n ña hali boncianla. Ti kan go yadi yadi ki tinga nni mo.»

1 Bi Badiba 21:29

«Naani a laa Akabi n miini o yuli maama n nintuali? Wan miini o yuli n nintuali yeni, n kan teni laa fala n cua o yaa yogunu. N baa yuandi ki teni laa fala n baa o buolu nni o bijua yaa yogunu yo.»

Pisomi 119:46

N baa togidi a ñoabonbilikaana bi badiba nintuali Ki naa jie feba kuli mo.

Mi Kpanjama 11:2

Yua n pia ti japaadi, bi baa fali o. Ama mi yanfuoma ye leni bi yumiindanba.

Mi Kpanjama 16:6

I moamoani leni mi buama teni ke i tagili gbeni, Li Miali Diedo fangili po teni ke o nilo foagidi leni mi biadima.

Mi Kpanjama 28:13

Yua n wuondi o tagili kan suagi liiga. Ama yua n tuo o tagili ki ŋa i, Bi baa gbadi opo mi niñima.

Esayi 10:13

Kelima o yedi: «N nuu yaa paalu n teni ke n tieni min soani yaala kuli N yanfuoma n teni ke n tieni lankuli kelima n yama fo N ŋmiagi i nibuoli dogi biankpaana Ki kpabidi bi ŋalimani kuli, Ki fagi hali bonŋanla nani o gbanmandaano yeni, N fiini yaaba n bi kaa ti gbandi po.

Esayi 47:10

Yi den dugi yi biadima po, Ki den tua: «Niloba ki nua ti!» Yi yanfuoma leni yi bandima lebidi yi yula, Ki teni ke yi go den li baa tua yi pala nni: «Tinba, tinba bebe lige Yaala n sieni tie fanma.»

Esayi 47:8

Moala cengi mani line, Yinba yaaba n mangidi yi pala leni mi yema, Ki kaa ke yi jigi co Ki tua yi pala nni: «Tinba, tinba bebe lige Yaala n sieni kuli tie fanma. Ti kan tua kpepuona abada Ti kan bandi maakuuga mo n tie yaala.»

Jeremi 29:7

Lingi mani yin ye naankani ti yonbidi yaa dogu nni mi yanduanma. Jaandi mani Li Miali Diedo u dogu yeni ŋamu po, kelima u yaa pia mi yanduanma yo ke yi mo baa ye leni mi yanduanma.› »

Jeremi 38:20

Jelemi den goa ki yedi o: «Bi kan ŋa ŋa bi nuu nni. A yaa cengi Li Miali Diedo n puogi nni min yedi a yaa maama yeni, a baa sua ke li ŋani apo. A baa faabi a miali.

Esekieli 18:7

ki naa janbidi niloba, ki guandi ban ledi o kani ki bili yaala, ki naa su mo. O puuni mi koma n pia yua mi jiema, ki puuni yua n ye mubili mo ti tiayiekaadi.

Esekieli 29:3

Ŋan maadi ki yedi ke mini o Diedo, Li Miali Diedo yedi mi ne: Mini n baa jigidi ki baa ŋa, Fini Ejipiti bado Falono, O ñoabiciamo, Fini yua n laabi a kpeni siiga Ki tua: ‹U kpenciamu tie n yu yo, Mini n tieni u n yuli po.›

Esekieli 29:9

Ejipiti diema baa tua diegbendi leni diewudima, Lanwani bi baa bandi ke n tie Li Miali Diedo, Kelima o yedi: ‹U kpenciamu tie n yu yo Mini n tieni u.›

Joeli 2:14

Ŋme n bani o yaa kan goa ki lebidi o yantiali, Ki seligi yi bonŋanla. Yeni, yi baa fidi ki yaa kpendinni Li Miali Diedo yi Tienu po bu paabu leni a ñincaba.

Amosi 6:13

Yi mangidi yi pala kelima yi diedi Lodebadi, Yi tua: «Naani tii fidi ki cuo Kanayima yaaba leni ti paalu kaa?»

Jonasi 3:9

Li fidi ke yeni U Tienu baa lebidi o yanjagili ki jiini o pali tipo ki kan bolini ti.»

Habakuki 1:11

Bi pendi tontoni nani ku tafaaciangu N yen figi ki pendi maama yeni. Bi tie *tuonbiadi danba, Ki dugi bi paalu po, Ki nua ke bi fidu n tie bi tienu.»

Sofoni 2:15

Lani n tie yaala n baa baa laa dogu yaaba, Bani yaaba n den pia ti japaadi ki jigini bi fidiceli, Ki tama ke liba kuli kan baa ba, Ke baa pia kuli bilie. Diidi likani n tua paboanli kaanu maama! Likani tua ti yandi wuonkaanu! Yaaba n tagi likani kuli fuoni ki fegini bi yula.

Matie 3:8

Yin yaa tuuni mani yaa tuona n doagidi ke yi lebidi yi yama.

Luki 11:41

Pa mani a luoda yaala n ye yi pala tugu nni lani, yaala n sieni kuli baa ŋanbi yipo.

Jesu Tondiba Tuona 24:25

Ama Polo n den maadi mi *teginma, li yukubili, leni U Tienu buudi yaadi n baa ti cua yaa maama fuuli yeni, ti jawaandi den cuo Felisi ke o yedi o: «Moala po, a baa fidi ki ña. N yaa go ti baa li lenli n baa yini a.»

Jesu Tondiba Tuona 26:20

N den kpa wangi Damasa yaaba, ki yuandi ki wangi Jelusalema yaaba, leni Jude yaa diema nni yaaba kuli. N go den wangi bi nilanba moko, ke ban lebidi bi yama ki ŋoadi U Tienu, ki yaa tuuni yaa tuona n doagidi ke bi lebidi.

Jesu Tondiba Tuona 8:22

Lani yaa po ŋan biidi a pali a yanjagibiadili po ki ŋa li ki mia o Diedo li yaa baa tuo wan pa ŋa sugili ŋan pia yaa yanmaalima po.

2 Korenti 5:11

Lanwani, kelima ti bani li fangili o Diedo po n tie yaala, ti moandi ki maadi ki guli bi niba. U Tienu bani ti cain, n sugini ke hali yi pala tugidi nni yi moko bani ti.

Galati 5:13

N kpiiba, U Tienu den yini yi ke yin yaa die yi yula. Yin da taa laa yudiedima ki yaa tiendi yi gbanandi bonbuakaala. Ama, mi buama po, yin yaa tuuni ki todi yiyaba.

Galati 5:22

Ama U Tienu Fuoma n baa cuani yaa bonluonkaala tie: mi buama, li pamanli, mi yanduanma, li juunli, mi ŋanma, ti bulicindi, ti dugidi, mi dingima, leni li yukubili.

Galati 5:6

Kelima Jesu Kilisiti nni ki kua ku koanciagu, bi ki da kua, ka pia mayuli, kali li dandanli yaali n doagidi mi buama nni.

Efesa 4:28

Yua n den kpa su, wan da go su. Ama wan yaa tuuni li tuonli nani lan dagidi maama, ke wan yaa pia wan baa fidi ki pa a luoda yaala.

Mi Tiadima 24:13

A baa guani ŋan ga o kani yaala a panli po yeni u yienu n kua yaa yogunu. Lani n tie wan baa o kpalipinkaabu ki pini ki duani ki nan gaali a. Li baa yaa tie apo *teginma tuonle Li Miali Diedo a Tienu nintuali.

Mi Tiadima 32:27

Li yaa tie ke n den jie yibalinba sugidi, Ke bi koanginkaaba mo n da boandi bi yula ki yedi: ‹Ti nuu n pia u paalu, Laa tie Li Miali Diedo kaa tieni laa bonla kuli.›

Mi Tiadima 8:17

Yin fangi mani yi yula ki da ti yedi yi pala nni: ‹Ti paalu leni ti nuu fidu n teni ke ti baa yaa ŋalimani n tie ne.›

1 Pieri 4:8

Yaala n cie likuli tie ke yin yaa bua mani yiyaba leni yi pala kuli, kelima mi buama doagini ti tuonbiadi boncianla.