Danieli 4:22 - Gourmanchéma Bible

²² Bi baa deli ki ñani a bi nisaaliba siiga. A baa yaa taa ki ye leni ti fuayandi, bi baa yaa tendi a ti muadi ke a ŋmani nani i ne yeni, ku mangu baa yaa soangidi a. Li baa yaa tie apo yeni hali bina lele n pendi, hali ŋan baa bandi ke Tanpojoma Tienu n die bi nisaaliba diema kuli, ki dini wan bua yua li bali.

U TIENU MAAMA TILI 2013

²² Bi baa deli ki ñani a bi nisaaliba siiga. A baa yaa taa ki ye leni ti fuayandi, bi baa yaa tendi a ti muadi ke a ŋmani nani i ne yeni. Ku mangu baa yaa soangidi a. Li baa yaa tie a po yeni hali binalele n pendi, hali ŋan baa bandi ke tanpolijoma Tienu n die bi nisaaliba diema kuli, ki dindi wan bua yua li bali.

Danieli 4:22 ပူးပေါင်းရင်းမြစ်များ

Mi cilima 11:4

Bi go den yedi: «Cua mani tin cili ki maa u dogu leni ku doanciangu yaagu n baa kpedi ki pundi tanpoli. Lani n tie ti yeli n ña hali boncianla. Ti kan go yadi yadi ki tinga nni mo.»

Mi cilima 28:12

O den dangi ti dangidi, ki laa ke u dendielu se ke u yuli pundi hali tanpoli. O go den laa ke U Tienu malekinba do ki go jii u dendielu yeni po.

2 Samueli 12:7

Natan den yedi Dafidi: «Fini n tie laa nilo. Li Miali Diedo, Isalele yaaba Tienu yedi mine: ‹Mini Li Miali Diedo den dini a li bali ke a tua Isalele yaaba bado, n den faabi a Sayula nuu nni.

2 Bi Badiba Jama 28:9

Li Miali Diedo sawalipualo den ye Samali, ki yi Odedi. O den ñani ki tuogi Isalele toagoli yaali n den kua Samali dogu nni ki yedi ba: «Li Miali Diedo yi yaajanba Tienu pali den beni Juda diema yaaba po. Li tie lani yaa po ke o den taa ba ki teni ba yi nuu nni. Ama yin waani ba yaa fala leni yaa biadima yeni pundi hali n kani.

Pisomi 108:4

Li Miali Diedo, n baa pagi a bi niba siiga, N baa yiini ki pagi a i nilanbuoli siiga.

Pisomi 36:5

O duanu nni o jagi yaala n bia. O se yaa sanu n ki tiegi nni. Waa yiedi yaala n bia.

Jeremi 27:5

ke mini n tagi ki tinga, bi niba leni ti yandi yaadi n ye ki tinga nni leni n paaciamu leni n banma. N baa pa ki tinga min bua yua.

Esekieli 17:3

Ŋan yedi: O Diedo, Li Miali Diedo yedi yaala n tie na: Yaa jiebanciamo n pia yaa fiabi n foagi leni yaa kobidi n foagi, ke o gbanu mo kuli gbie leni yaa kobidi n ñoalini den cua hali Libani diema nni ki ñani sedili tibu yuli po benga.

Danieli 2:21

O lebidi jama leni i yogini. O fiindi bi badiciantianba bi gbandi po, Ki kaandi toaba mo ti gbandi po. Wani n puuni bi yanfodanba mi yanfuoma, Ki go puuni mi banma danba mi bandima

Danieli 4:11

O den paagi oba ki kpaani ki yedi: Pedi mani bu tibu ne ki cuadicuadi bu beni. Ki suodi bu faadi ki yadi bu bonluonkaala Ti yandi n sani ki ña bu soangu nni, Ti bonyugiditi mo n ña bu beni nni.

Danieli 4:21

O bado, ti bundima n tie ne, Tanpojoma Tienu bili ke lini n baa cua fini n diedo po:

Danieli 4:29

Bi baa deli ki ñani a bi nisaaliba siiga, a baa yaa taa ki ye leni ti fuayandi. Bi baa yaa tendi a ti muadi ke a ŋmani nani i ne yeni. Li baa yaa tie apo yeni hali bina lele n pendi, hali ŋan baa bandi ke Tanpojoma Tienu n die bi nisaaliba diema kuli, ki tendi wan bua yua li bali.»

Matie 14:4

Kelima Jan den tua Elodo: «Laa pundi ŋan taa o wan tua a pua.»

Mi Doagidima 18:5

Kelima u tuonbiadi dogini Ki pundi hali tanpoli po, U Tienu mo tiadi Wun tieni yaa biadima kuli.