Danieli 4:19 - Gourmanchéma Bible

¹⁹ Bu tibu yeni tie fini o bado yo. A yeli kpedi, a paalu yabidi, a bali kpiagidi yabidi ki pundi hali tanpoli, a diema mo yabidi ke a diedi hali ŋanduna bianu kuli.

U TIENU MAAMA TILI 2013

¹⁹ Bu tibu yeni tie fini o bado yo. A yeli ñani, a paalu yabidi, a bali kpiagidi yabidi ki pundi hali tanpoli, a diema mo yabidi ke a diedi hali ŋanduna bianu kuli.

Danieli 4:19 ပူးပေါင်းရင်းမြစ်များ

Mi cilima 31:35

Lasela den yedi o baa: «N diedo ŋan da biidi a pali ke mii fidi ki fii a nintuali kelima bi puoba n yen pia yaala yeni n pia nni moala.» O den lingi ki naa la ti baayuatiadi.

Mi cilima 32:18

O den teni li ñoabonli yua n ye liiga ki yedi o: «N kpelo Esayu yaa tuogi leni a ki buali ki yedi a: ‹A tie ŋme yaa yua? A caa le? Ŋan deli yaa yankulu tie ŋme yaa yu?›

Mi cilima 40:12

Josefi den yedi o: «Ti dangidi yeni bundima n ne: i bentaadi yeni tie dana taa yo.

1 Bi Badiba 18:7

Abidiasi n den ye u sanu nni, Elia den tuogi o. Abidiasi den bandi o, ki labini ki yedi o: «Fini n daano Elia liga yo?»

Mi Ñama 32:32

Moala n mia ŋan tieni bipo bi tuonbiadi sugili, yeni yaaka n mia ŋan duuni ki ñani n yeli ŋan diani li yaa tili nni.»

Jeremi 29:7

Lingi mani yin ye naankani ti yonbidi yaa dogu nni mi yanduanma. Jaandi mani Li Miali Diedo u dogu yeni ŋamu po, kelima u yaa pia mi yanduanma yo ke yi mo baa ye leni mi yanduanma.› »

Jeremi 4:19

Ŋain n tugu, n tugu koani! Ŋain n tugu nni, n tugu nni! Ŋain n pali koani! N tugusoama sani, n kan fidi ki yaa ŋmini N gba li naatuntunli piebima Leni bu toabu kuudi.

Danieli 1:7

Mu moagilimu yudaano den lebidi bi yela ki yini Danieli Belisasa, Hanania Sadilaki, Mikayeli Mesaki, Asalia mo Abedi-Nego.

Danieli 2:26

O bado den yedi Danieli, ban den lebidi yua yaa yeli ki yini o Belisasa: «Gbadi, a baa fidi ki waani nni min dangi yaa dangidi ki go bundi ti npo?»

Danieli 2:37

A tie bi badiba kuli bado kelima tanpoli Tienu puni a li bali leni u paalu leni u fidu, leni ti kpiagidi.

Danieli 4:24

Lani yaa po o bado, tuo ki ga n tundi ne: cedi a *tuonbiadi ki yaa tiendi yaala n tiegi. Cedi a biadima ki yaa gba fala danba po mi niñima, daalinba yeni a baa yaa baa ye.»

Danieli 5:12

kelima bi den laa ke wani Danieli, o bado n den lebidi yua yaa yeli ki yini o Belisasa, pia yaa yantiali n ŋani ki cie, leni mi bandima leni mi yanfuoma, ki fidi ki bundi ti dangidi leni mi kpanjañuanma, ki go fidi ki galiti yaala n gali. Lani yaa po ŋan teni ban yini wani Danieli, o baa bundi apo laa diani n yedi yaala.»

Danieli 5:18

O bado, Tanpojoma Tienu den dini a baa Nebukanesa li bali ke o tua badiciamo ki go puni o ti kpiagidi leni ti jigidi ki ñani o yeli.

Danieli 5:19

Kelima wani U Tienu n den ñani o yeli maama po, i nibuoli kuli leni diema kuli yaaba leni i mabuoli kuli den jie o ki digibi o nintuali. O den kpaani wan bua ki kpa yaaba, ki ŋaani wan bua ki ŋa yaaba. O den duondi wan bua yaaba, ki jiindi wan bua ki jiini yaaba.

Danieli 7:15

Mini Danieli yama den yagi boncianla. Min den laa yaa bonlekaala den pia npo i jeje boncianla.

Danieli 7:28

Li maama gbenma n yeni. Mini Danieli yama den yagi, i jeje den cuo nni ke n tugusoama sani ke n nunga gbidi. N den kubi mi maama yeni n pali nni.

Danieli 8:27

Laa yogunu mini Danieli den tadigi ki yiagi danaba. Min den paagi, n den fii ki go tuuni o bado tuonli. Ama laa bonlekaala den wudi n gbanu, kelima mii den ga lan bua ki yedi yaala.› »

Habakuki 3:10

A juana laa ŋa ki digibi. Mi ñima ña tanpoli ki cuudi ki tinga nni. Mi ñincianma fu ki fiindi a ñinguona Ke a pua ki yugi hali tanpoli.

1 Samueli 1:15

Ana den goa ki yedi: «A-a, n daano, mii ñuni ka. N tie ti yanyagidi n kubi yaa pua. N cua ki doagidi ki waani Li Miali Diedo n payianu.

1 Samueli 24:8

Dafidi den maadi yeni ki yie o niba po ke baa bibi Sayula. Lani yaa puoli Sayula den fii ki ñani ku tanlongu nni ki ban caa.

1 Samueli 26:15

Dafidi den yedi Abineli: «Ŋaa tie ja kaa? Ŋme ye ki de leni a Isalele yaaba siiga? Lanwani be n teni ke ŋaa guudi a daano o bado? Kelima o nilo bi cua yikani ki baa kpa a daano o bado.

1 Samueli 3:17

Eli den yedi o: «Li Miali Diedo yedi a be? Ŋan da wuoni nni liba kuli. A yaa wuoni nni baa mayenma, U Tienu n yedi a yaala kuli nni, wani U Tienu n cuo ŋa o cuonbiadu.»