Danieli 4:1 - Gourmanchéma Bible

¹ Mini o bado Nebukanesa den ye n diegu nni, n den ye likani leni mi yemanma.

U TIENU MAAMA TILI 2013

¹ Mini o bado Nebukanesa den ye n diegu nni, n den ye likani leni mi yemanma.

Danieli 4:1 ပူးပေါင်းရင်းမြစ်များ

1 Bi Badiba Jama 12:18

Dafidi den ñani ki tuogi ba ki yedi ba: «Yi yaa kpendi leni mi yanduanme n kani ki baa todi nni, n yantiali baa taani leni yi. Ama li yaa tie ke yi bua ki boandi nni yo ki todi n koanginkaaba ki nan sua ke tugutongu naa ye n niinni, ti baanba Tienu n yaa nua la ki jia ti buudi ti siiga!»

Esidirasi 4:17

O bado maguankaama n tie ne: «N diani yinba gufeneeli Lehumi leni o tidianlo Simesayi leni yi lieba yaaba n kaa Samali dogu nni leni tinbuotoana ya n ye u kpenu nintuali po. N fuondi yi.

Esidirasi 5:7

Bi den diani ki yedi: «Ti fuondi a o bado Daliyusa.

Esiteri 3:12

O ŋmakpialo piiga n dataali daali bi den yini o bado tidianla ke bi diani Hamana n yedi ba yaala kuli. Bi den diani ki soani mi diema kuli nni bi yudancianba leni bi badibaanba leni nibuolu kuli yudanba kani. Bi den diani ki soani diebiga kuli po nani kan dangi maama leni yaa nibuolu n ye ki niinni n maadi yaa mabuolu. Bi den diani nani o bado Asuelusi wani oba n diani, ki taa o bado ñoagima ki pua ki tieni o maalima.

Esiteri 8:9

Laa yogunu, yaa ŋmaalo n yi Sifana ki tie citaa piilie n dataali daali bi den yini o bado tidianla ke bi diani Malidoke n yedi ba yaala kuli. Bi den diani ki soani Jufinba po, leni bi yudancianba, leni a koanbala leni a baditiebila yaaba n die mi diema kobiga n piilie n diebileleeda, ki cili puoli po Inde diema ki yaa caa hali Etiopi diema nintuali po. Bi den diani ki soani diebiga kuli po nani ban dangi laa diebiga nni maama, leni yaa nibuolu n ye ki niinni n maadi maama.

Danieli 3:29

Lani yaa po, n bili yaa ñoabonli n tie na: yua n maadi yaala n bia Sadilaki, Mesaki leni Abedi-Nego Tienu po kuli, wan tie yaa mabuolu yua kuli bi baa pedi ki jendijendi o, ki mumudi o diegu mo kun tua diegbengu, kelima tientoa kuli ki ye yua n baa fidi ki faabi o niba nande.»

Danieli 3:4

O kpakpaanlo den kpaani ki yedi: «Yinba i nibuoli kuli niba leni diema kuli niba leni i mabuoli kuli niba, bi bili yipo yaa ñoabonli n tie na:

Danieli 6:25

O bado den teni ke bi cuani yaa jaba n den kuli Danieli yeni, ki luni ba i yangbanli buogu nni, bani leni bi puoba leni bi bila. I yangbanli den cuo ba ki mumudi bi kpaba kuli hali ke bi daa pundi ku buogu tinga.

Danieli 6:27

N bili ke yinba yaaba n ye n diema nni kuli n fangi Danieli Tienu bonŋanla, Kelima wani n tie U Tienu yua n fo, O baa yaa ye hali yaa yogunu kuli. O bali kan gbeni hali abada, O baa yaa die hali yaa yogunu kuli.

Danieli 7:14

O den dini o nisaalo yeni li bali ki puni o ti kpiagidi leni mi diema ke i nibuoli kuli leni mi diema yaaba kuli leni i mabuoli yaaba kuli n tuo ki yaa ŋua o. O bali baa yaa ye hali yaa yogunu kuli, li kan gbeni, o diema mo kan bodi abada.

Sakari 8:23

Laa yogunu, nilanba piiga, yaaba n ki taa mabuolu Baa taani ki muubi Jufiyendo liadili ki yedi o: ‹Ti bua ki yegi leni a ki gedi, Kelima ti gbadi ke U Tienu ye leni yi.› »

Jesu Tondiba Tuona 2:6

Ban den gbadi ku fuugu yeni, bi den taani ki yaba. Li den paki ba boncianla, kelima yua kuli den gba ke bi maadi o mabuocele nni.

LOMA YAABA 1:7

N diani yipo, yinba yaaba n ye Loma ki tie U Tienu buakaaba kuli, wan yini yinba yaaba ke yi gagidi opo. Ti Baa U Tienu leni o Diedo Jesu Kilisiti n pa yi li ŋanbili leni mi yanduanma.

Efesa 1:2

Ti Baa U Tienu leni o Diedo Jesu Kilisiti *ŋanbili leni o yanduanma n yaa ye leni yi.

1 Timote 1:2

N diani apo li tili, fini Timote, yua n tie n bimoanga li*dandanli nni. U Tienu yua n tie Baa leni ti Diedo Jesu Kilisiti yaa *ŋanbili leni o niñingbadima leni o yanduanma n yaa ye leni a.

1 Pieri 1:2

U Tienu yua n tie Baa den gandi yi nani wan den tuodi ki bani ki jagi maama, ki teni ke o Fuoma gagidi yi ke yin yaa tuodi ki tiendi Jesu Kilisiti n yedi yaala, ke o soama mo n mii ki ŋanbi yi. Li *ŋanbili leni mi yanduanma n yaa pugidi yipo boncianla.