Danieli 3:28 - Gourmanchéma Bible

²⁸ Nebukanesa den yedi: «Sadilaki, Mesaki leni Abedi-Nego Tienu n baa ti kpiagidi, wani yua n soani o maleki ki faabi bani o naacenba yaaba n dugi opo ki yie mini o bado yaa ñoabonli. Bi luni bi miana kaa tuo ki kpiagi bontoala kuli se bi Tienu bebe.

U TIENU MAAMA TILI 2013

²⁸ Nebukanesa den yedi: «Sadiraki, Mesaki leni Abedi-Nego Tienu n baa ti kpiagidi, wani yua n soani o maleki, ke o faabi o naacenba yaaba n dugi o po. Bi yie mini o bado yaa ñoamabonli. Bi luni bi miana kaa tuo ki kpiagi bontoala kuli, se bi Tienu bebe.

Danieli 3:28 ပူးပေါင်းရင်းမြစ်များ

Mi cilima 9:26

O go den yedi: «Li Miali Diedo, Sema n ŋua yaa Tienu n baa ti pagidi, Kanana n tua bi yonbo.

1 Bi Badiba Jama 5:20

Bi den baa mi todima ki fidi ki koani leni ba. Hagali yaaba leni yaaba n den ye leni ba kuli den baa bi nuu nni, kelima bu toabu yogunu bi den mia U Tienu todima, ke U Tienu mo den todi ba kelima bi den dugi opo.

2 Bi Badiba Jama 20:20

Bi den faa ki fii ku tiŋapanpangu ki gedi Tekoa yaa fanpienma po. Ban den caa yaa yogunu, Josafati den fii ki sedi ki yedi: «Cengi mani nni yinba Juda yaaba leni yaaba n ye Jelusalema. Yin paagi mani yiba ki yaa dugi Li Miali Diedo yi Tienu po. Lanwani yi baa yaa paa. Yin paagi mani yiba ki yaa dugi o sawalipualo po, Yi baa paadi.»

2 Bi Badiba Jama 32:21

Lanwani Li Miali Diedo den soani maleki Asili bado toagoli nni ke o bolini a jakoanda kuli leni o toatieba yudanba kuli. Asili bado den goa ki kuni o denpo leni i fe. Dayenli o den kua o bulo dieli nni ke o bijaba den kua ki ku o leni ki jugisiega lankani.

Esidirasi 1:3

Yi siiga nni yaaba n tie U Tienu nibuolu kuli n fii ki gedi Jelusalema Juda diema nni ki ban maa Isalele yaaba Tienu diegu, wani yua ke bi kpiagidi o Jelusalema dogu nni. Wani bi Tienu n yaa ye leni ba.

Esidirasi 6:11

Diidi ki le min bili yaa ñoabonli yua n yie laa maama kuli po: Ban fidi o diegu ki ñani ku dafoagidigu lienni ki caani ki joani o kupo, ki mudi o diegu kun tua diegbengu.

Pisomi 103:20

Pagi mani Li Miali Diedo, yinba o malekinba, Yinba yaaba n pia u paalu ki tiendi wan yedi yaala.

Pisomi 147:11

Wani Li Miali Diedo mangidi o pali yaaba n fangi o po, Leni yaaba n dugi o *ŋanbili po.

Pisomi 33:18

Li Miali Diedo nunbu nua yaaba n fangi o. Bani yaaba n dugi o ŋanbili po.

Pisomi 33:21

O teni ke ti pala mani Ti dugi o yegagidikaali po.

Pisomi 34:22

Mi yebiadima ku o nibiado. Yaaba n nani o niteginka baa kua ti buudi cuonu nni.

Pisomi 62:8

N faabima leni n kpiagidi ye U Tienu kane. Wani n tie n tangu yaagu n pia u fidu, Wani n go tie n wuonkaanu mo.

Mi Ñama 20:5

Yin da gbaani ki pugi la, yin da kpiagi la mo, kelima mini Li Miali Diedo yi Tienu n tie yaa Tienu n pia li *nunponli. N guandi baanba yaa biadima panpaani bi bila kani hali nifiima taa bi nifiima naa yaaba n nani nni po.

Esayi 12:2

N *faabima Tienu, n baa dugi apo, n kaa jie, Kelima Li Miali Diedo n tie n paalu leni n yanbu. O tua n faabima.»

Esayi 37:36

Li Miali Diedo maleki den ñani ki pua Asili toagoli nni niba kobiga n piinii n tudamuu (185 000). Lan den fii ki faa bikuli den tie tinkpiba.

Esayi 50:10

Yi siiga ŋme n fangi Li Miali Diedo Ki cengi o naacemo nialu? Yua n cuoni li *biigili nni kuli Ki naa pia mi yenma Wan bili o suginma Li Miali Diedo kani Ki yaa dugi o Tienu po.

Danieli 2:47

O bado den yedi Danieli: «I moamoani, a Tienu tie U Tienu ki cie bi niba n ŋua yaala kuli, ki go tie bi badicianba kuli Diedo. Wani bebe n doagidi li bondoaginkaala kelima a fidi ki doagidi npo li bondoaginkaala yeni.»

Danieli 3:25

O den goa ki yedi: «N nan nua niba naa yo ke baa luo mo. Bi cuoni mi fantama nni ke pu kuli ki pia ba. O ninaalo bugima tie nani tienu yeni.»

Danieli 4:34

Moala mini Nebukanesa, n pagi ki go kpiagi Tanpojoma Tienu ki jigini o yeli. O tuona kuli tiegi moamoani, o bontienkaala kuli dagidi. O fidi ki jiidi yaaba n cuoni leni ti japaadi.»

Danieli 6:16

Ama bi jaba yeni den jaligi ki guani o bado kani ki yedi o: «O bado, ŋan tiadi ke Medi yaaba leni Pelisa yaaba balimaama bili ke o bado n ñani yaa ñoabonli bi yaa mabilikaama kan lebidi.»

Danieli 6:26

Lani yaa puoli o bado Daliyusa den soani i nibuoli kuli, leni mi diema kuli yaaba leni i mabuoli kuli, yaaba n ye ŋanduna nni kuli po ki yedi ba: «Mi yanduanma n yaa pugidi yipo.

Matie 4:10

Jesu den yedi o: «Fuadi likani Sutaani, kelima li diani: ‹A baa kpiagi o Diedo a Tienu, Ki yaa jaandi wani bebe.› »

Jesu Tondiba Tuona 4:19

Pieli leni Jan den goa ki yedi ba: «Biigi mani ki le li yaa tiegi U Tienu po ke tin tuo yi yaa maama ki cedi wani U Tienu yaama.

Jesu Tondiba Tuona 5:19

Ama ku ñiagu o Diedo maleki den luodi li kpaadidieli buliñoana ki ñani ba lienni ki yedi ba:

LOMA YAABA 12:1

Lani yaa po n kpiiba, n mia yi ki go tundi yi kelima U Tienu niñingbadima yaa po, ke yin pa U Tienu yi yula nani yaa padili n fo, yaali n gagidi ki mani opo. Lani n tie lan pundi yin yaa kpiagidi o maama.

1 Korenti 13:3

Baa n yaa bi boagidi n piama kuli Ki puni a luoda, Baa n yaa bi baa teni n gbanandi Ban ju mi fantama, N yaa pia mi buama, Li kan todi nni liba.

Filipi 1:20

Nani min bua ki go sugini maama tie ke n kan le i fe liba kuli po. Ama nani lan den kpa tie maama, li go tie yeni moala. N sugini ke Kilisiti baa baa ti kpiagidi n miali yema nni kuli, li yaa tie ke n baa kpe leni n yaa baa ye kuli.

Hebilunba 1:14

Malekinba yeni kuli ki tie fuoma yaaba, yaaba n tuuni wani U Tienu po, wan tuuni yaaba ke bi todi mi *tindima yaa faajieba kaa?

Hebilunba 11:37

Bi den lugidi bine a tana, ki go waani bi tianba falaciamo, ki go jia bi tianba leni ti sasaadi ki jendi ba, ki go ku bi tianba leni mu jugisiemu. Bi nitianba mo den tie luoda ki goagoadi ki yie ti pegbandi leni ti ŋuagbandi, ke bi niba bia bipo ki wangi ba fala.

1 Pieri 1:21

Li tie kelima wani Kilisiti yaa po ke yi daani U Tienu wani yua n den fiini o bi tinkpiba siiga ki puni o ti kpiagidi, ke yin yaa pia li dandanli leni mi suginma wani U Tienu po.

Mi Doagidima 12:11

Bi den paadi o Kelima ki Pebiga soawulima Leni bi siedi maama yaa po, Baa den bua ki ga bi miana, Hali ki baa jie mi kuuma.