Danieli 3:17 - Gourmanchéma Bible

¹⁷ Ti Tienu, tin ŋua yua baa fidi ki faabi ti. O baa ñani ti yaa buaga n yigidi ki tuoni niinni ki go ga ti fini o bado nuu nni.

U TIENU MAAMA TILI 2013

¹⁷ Ti Tienu, tin ŋua yua n baa fidi ki faabi ti. O baa ñani ti yaa buaga n yigidi ki tuoni niinni, ki go gaa ti fini o bado nuu nni.

Danieli 3:17 ပူးပေါင်းရင်းမြစ်များ

Mi cilima 17:1

Abalama n den pia piiyia n bina yia yaa yogunu, Li Miali Diedo den doagidi Abalama kani ki yedi o: «N tie U Tienu U Paaciamu Kuli Daano. Ŋan yaa cuoni n nintuali ki tiegi,

Mi cilima 18:14

Naani li pia Li Miali Diedo n kan fidi ki tieni yaala? Binli po lan bili yaa yogunu yaa cua, n baa cua a kani Sala baa maa bonjaga.

Jobi 34:29

U Tienu yaa puni nibuoluba bi diemaba mi yanduanma, Ŋme nan baa fidi ki jaligi o lipo? O yaa buli o nunga, ŋme n baa fidi ki diidi o?

Jobi 5:19

Figilima coacoali o baa faabi a leni li paboanli Yaala n bia mo kan nandi a hali abada.

Pisomi 115:3

Ti Tienu ye tanpoli Ki tiendi wan bua yaala kuli.

Pisomi 37:39

Bi niteginkaaba *faabima ña Li Miali Diedo kane Wani n tie bi wuonkaanu li paboanli daali.

Pisomi 37:40

Li Miali Diedo baa faabi ba ki todi ba. O baa ga ba bi nibiadiba kani ki faabi ba, Kelima bi cua ki wuoni o kani.

Pisomi 73:20

Nani o nilo n yen fundi ki fali o dangidi maama. O Diedo, a baa fii ki fali bi jinjindi yene.

Esayi 12:2

N *faabima Tienu, n baa dugi apo, n kaa jie, Kelima Li Miali Diedo n tie n paalu leni n yanbu. O tua n faabima.»

Esayi 54:14

A baa baa u paalu kelima mi *teginma po, Ŋan foagidi a yuli leni ki mabinga, Kelima a kaa go jie liba kuli, Baa ti jawaanciandi mo kan go nagini a kani.

Jeremi 1:8

Da jie ba kelima n ye leni a Ki baa faabi a. Mini Li Miali Diedo n yedi yeni.»

Jeremi 15:20

N baa teni ŋan tua bi naa niba po kumoanguonli. Bi baa tieni leni a bu toabu. Ama bi kan paadi a, Kelima n ye leni a, Ki baa faabi a, ki go kubi a. Mini Li Miali Diedo n yedi yeni.

Jeremi 15:21

N baa faabi a leni bi nibiadiba, N baa faabi a leni ku tugumoangu danba.

Danieli 3:26

Lanwani Nebukanesa den nagini yaa buaga n yigidi yeni buliñoabu kani ki kpaani ki yedi: «Sadilaki, Mesaki, leni Abedi-Nego! Yinba Tanpojoma Tienu naacenba, ña mani ki cua ne.» Sadilaki, Mesaki leni Abedi-Nego den ñani mi fantama nni.

Danieli 6:16

Ama bi jaba yeni den jaligi ki guani o bado kani ki yedi o: «O bado, ŋan tiadi ke Medi yaaba leni Pelisa yaaba balimaama bili ke o bado n ñani yaa ñoabonli bi yaa mabilikaama kan lebidi.»

Danieli 6:23

N Tienu soani o maleki ke o mubini i yangbanli ñoana. Baa tieni nni bonbiadiliba kuli kelima o sua ke mii pia opo tagiliba kuli. Mii tudi fini o bado mo yaa po.»

Danieli 6:27

N bili ke yinba yaaba n ye n diema nni kuli n fangi Danieli Tienu bonŋanla, Kelima wani n tie U Tienu yua n fo, O baa yaa ye hali yaa yogunu kuli. O bali kan gbeni hali abada, O baa yaa die hali yaa yogunu kuli.

Mise 7:7

Ama mini, n baa diidi Li Miali Diedo yo, Ki bili n suginma wani n *faabima Tienu kani, Wani n Tienu baa tuo n miabu.

Luki 1:37

Kelima U Tienu ki pia wan kan fidi yaala.»

Jesu Tondiba Tuona 20:24

Ama mii nua n miali ke li tie bonmoanla, yaala n pia npo mayuli tie ke min fidi ki pundi n nuama bianu, ki dudi o Diedo Jesu n puogi nni yaa tuonli. Lani n tie, ki yaa wangi U Tienu *ŋanbili yaa Laabaaliŋamo.

Jesu Tondiba Tuona 21:13

O den goa ki yedi: «Yi tiendi be n yeni ki buudi ki bua ki biidi n pali? N baa tuo ban loli nni, baa ki kpa nni moko, o Diedo Jesu yeli po, Jelusalema po.»

LOMA YAABA 8:31

Lan tie maama yeni, ti baa yedi lede? U Tienu yaa tie tipo, ŋme baa fidi ki sedi tipo?

2 Korenti 1:10

Wani yua n den faabi ti, go baa faabi ti leni laa kuuma. Ti go sugini ke o go baa faabidi ti.

Hebilunba 7:25

Li tie lani yaa po, ke o baa fidi ki faabi yaaba n nagidi U Tienu kelima o yaa todima po yaa yogunu kuli, kelima o ye ki fo yogunu kuli ki miadi U Tienu bipo.

1 Samueli 17:37

Dafidi go den yedi: «Li Miali Diedo yua n den faabi nni leni o yangbanlo taajenñadi, leni yaa fuayanbiadi n yi ulisi yaa taatali nni, go baa ga nni Filisiti yua na moko yaa nuu nni.» Sayula den yedi Dafidi: «Gedi. Li Miali Diedo n yaa ye leni a.»

1 Samueli 17:46

Dinla Li Miali Diedo baa paadi a ki teni a n nuu nni, n baa pua ki guli a ki jia a yuli. Dinla n baa taa Filisiti yaaba toagoli nikpiema ki teni i kaabi leni ti fuayandi. Lani, ŋanduna kuli baa bandi ke U Tienu ye leni Isalele yaaba.