Danieli 3:10 - Gourmanchéma Bible

¹⁰ A den ñani li ñoabonli ki yedi ke yua n gbadi a naatuntuna leni mu yelimu, leni ti kogiditi, leni mu sielimu leni a kogididajena leni yaa baantiadi n sieni kuli fuugu, wan labini ki kpiagi li wula nisaali-nannanli ne.

U TIENU MAAMA TILI 2013

¹⁰ A den ñani li ñoamabonli ki yedi, ke yua n gbadi a naatuntuna, mu yelimu, ti gogiditi, mu sielimu, a gogididajena leni yaa baantiadi n sieni kuli fuugu, wan labini ki kpiagi li wula nisaali-nannanli ne.

Danieli 3:10 ပူးပေါင်းရင်းမြစ်များ

1 Bi Badiba Jama 15:16

Dafidi den yedi Lefi buolu yaaba yudanba ke ban tieni bi kpiiba bi yanyanba leni ti baantiadi, ti kogidiciandi leni a kogidibila, ban den ŋanbi ki pua yaadi ki wangi bi pamanli.

1 Bi Badiba Jama 15:28

Isalele yaaba kuli den ban taa Li Miali Diedo ŋantaadikpaku leni li pamanli kpaani ke li yegi leni li naatuntunli leni kakacinba piebima, mu lonmu leni ti kogiditi puama.

2 Bi Badiba Jama 29:25

O den sieni Lefi yaaba Li Miali Diedo diegu nni ke bi kubi ti kogidiciandi leni ti kogidibidi nani Dafidi leni bi o sawalipuaba Gada leni Natan n den bili maama. Kelima li den tie yaa ñoabonli n ñani Li Miali Diedo kani, ke o den maadi leni o sawalipualo.

Pisomi 94:20

Naani a pia u juogu leni bi naa bujiabiadiba, Yaaba n miidi li bali maama ki tiendi ki mabinga?

Mi Ñama 1:16

O den yedi ba: «Yi yaa baa maani Ebilu puoba yaa yogunu, bi yaa baa maa yaa yogunu, yi yaa laa ke li tie bonjaga yin kpa ga. Li yaa tie bonpuoga mo yin cedi gan yaa ye.»

Mi Ñama 1:22

Lanwani Falono den ñani li naa ñoabonli o niba kuli po, ki yedi ba: «Ban mali yaa bonjaga kuli yin taa ki lu ga u kpenciamu nni. Ama yin cedi a bonpola kuli n yaa ye.»

O Yanfuodaano 3:16

Min go laa yaala ki tinga nni nne: Lan bili ke ti buudi n yaa ja naani, mi biadima ye lankane. Mi*teginma n bi baa yaa ye naani yeni, mi biadima ye lankane.

Esayi 10:1

Fala baa baa yaaba n biliti yaa *bali maama n gundi Ki dangi yaa ñoabonbilikaana n ki tiegi,

Danieli 3:11

Yua n ki labini ki kpiagi li kuli mo, bi baa lu o yaa buaga n yigidi ki tuoni boncianla niinni.

Danieli 3:15

Moala yin bogini mani, yi yaa go gbadi a naatuntuna, mu yelimu, ti kogiditi, mu sielimu, a kogididajena leni yaa baantiadi n sieni kuli fuugu, lanyogunu liga yin labini ki kpiagi min teni ke bi tieni yaa nisaali-nannanli yeni. Yi yaa pugi li, lanyogunu-lanyogunu bi baa lu yi yaa buaga n yigidi ki tuoni niinni. O laa bulo n baa fidi ki faabi yi n nuu nni?»

Danieli 6:12

Lani o yibalinba yeni den jaligi ki kua o dieli nni ki sua ke o gba ki jaandi ki miadi o Tienu.

Amosi 6:5

Yi pua ti kogiditi, Ki tama ke bi bani ti baantiadi nani Dafidi yeni.

Jan n diani U Tienu Laabaaliŋamo maama 11:57

Li sua ke bi kopadicianba yudanba leni Falisieninba den ñani li ñoabonli, ke yua n bani Jesu n ye naani, wan teni ban bandi ke bi baa cuo o.