Danieli 3:1 - Gourmanchéma Bible

¹ O bado Nebukanesa den teni ke bi tieni li wula nisaali-nannanli. Li kpedima den tie nukpanduna piiluoba, li pianu mo nukpanduna luoba. O den teni ke bi sieni li Dula tialu nni ki ye Babilona balinma niinni.

U TIENU MAAMA TILI 2013

¹ O bado Nebukanesa den teni ke bi tieni li wula nisaali-nannanli. Li kpedima den tie nukpanduna piiluoba, li pianu mo nukpanduna luoba. O den teni ke bi sieni li, Dura tialu nni, yuu n ye Babilonni diema nni.

Danieli 3:1 ပူးပေါင်းရင်းမြစ်များ

1 Bi Badiba 12:28

O bado den kpaagikpaagi ki taa wula ki duadi naabila lie ki yedi Isalele yaaba: «Yi caa Jelusalema hali ke li waagi. Diidi, yinba Isalele yaaba Tienu yua n den ñani yi Ejipiti nni nne.»

Esiteri 1:1

Li den tie o bado Asuelusi n die yaa yogunu. Wani Asuelusi den die yaa diecianma n boagidi kobiga n piilie n diema lele, ki cili Inde diema, ki yaa caa hali Etiopi diema.

Pisomi 135:15

Bi nilanba buli tie ŋanjilifa leni wula bebe, Bi nisaaliba n tagi yaala.

Mi Ñama 20:23

Yin da duadi ŋanjilifa *buli bi wula buli, ki da kpiagi i kaa tie mini.

Mi Ñama 32:31

Musa den goa ki gedi Li Miali Diedo kani ki yedi: «Ŋain, ku niligu na tieni ti tuonbiadi boncianla. Bi duadi bi yula po wula bulo.

Esayi 2:20

Laa daali o nisaalo baa taa o buli Yi n tie ŋanjilifa leni wula ke o den tagi ki baa pugi yi yeni Ki lu a dapola leni ti janjandi po.

Esayi 30:22

Yi baa noanli ke ban boali yi nannana yaa ŋanjilifa Leni yaa wula kuli *joagini. A baa pua ki yadi yadi laa joagindi, Ki yedi ba: «Ña mani nekanba.»

Esayi 46:6

Bi yogidi ki ñani bi boagili nni wula yua n bi ye lienni, Ki biigidi bi ŋanjilifa u kpiagu *bonbiigikaala po. Bi pa yua n tuuni i panpaani Ke wan duadi bipo o bulo Ban baa ñuandi ki kpiagidi yua Ki go gbaandi ki pugi yua.

Jeremi 10:9

Hali Talisisi po yo ke bi ñandi ŋanjilifa, Ufasa po yo ke bi ñandi wula. O maano soani leni laa bonla bonŋanla. Bi yen yuandi ki lani i buli yeni Leni yaa tiadi moani colicoli Ki ŋmadi leni yaa tiadi n moani ki suudi. Lankuli tie o tuonsoanbando yaa tuonle.

Jeremi 16:20

Naani o nilo baa fidi ki tagi o yuli po I buli yi n ki tie bonmoanla?»

Danieli 2:48

Li yaa puoli o bado den puni Danieli ti kpiagidi ki puni o yaa paabu n yaba ki pia mayuli boncianla. O den dini o li bali ke o die Babilona leni o tinkundogi kuli, ki go tuni o Babilona ñoagidanba yuli.

Danieli 2:49

Danieli den mia o bado ke o fiini Sadilaki, Mesaki leni Abedi-Nego ke bi tua Babilona tinkundogi koanbala yudanba. Danieli den taagi leni o bado cancantieba.

Danieli 3:14

Wani Nebukanesa den yedi ba: «Sadilaki, Mesaki leni Abedi-Nego, naani li tie moamoane ke yii ŋua n buli, kaa kpiagi min teni ke bi sieni yaa wula nisaali-nannanli yeni mo?

Danieli 3:30

Li yaa puoli o bado den pugini Sadilaki, Mesaki leni Abedi-Nego bala.

Danieli 5:23

A fiini a yuli ki koani leni Tanpoli Diedo ki teni ke bi cuani a kani yaa tadiñoakaamu n den ye o diegu nni ke yi ñuni mi daama mu niinni, fini leni a paatieba leni a puoba leni a poconcona. A pagi i buli yaala n tie ŋanjilifa, yaa ka wula, yaa ka ti kumoandi, yaa ka ti kuboandi, yaa ka ti daadi, yaa ka a tana, yaala n kaa gba, kaa bani liba mo. Ŋaa kpiagi U Tienu yua n kubi a miali leni a cabili kuli o nuu nni.

Danieli 5:4

Bi den ñuni duven ki pagi bi *buli yi n tie wula leni yi n tie ŋanjilifa leni yi n tie kumoandi leni yi n tie kuboandi leni yi n tie daadi leni yi n tie tana kuli.

Ose Tili 2:8

Li tie lani yaa po ke n baa pigini o sanu leni i konkoni, N baa maa u bilinu ki pigini u. O kan go le o sani.

Ose Tili 8:4

Bi dindi bi badiba kaa buali nni min nua yaala, Bi dindi bi yudanba kaa pua nni sawali. Bi taani bi ŋanjilifa leni bi wula ki duadi i *buli. Li tie lani yaa po ke bi baa bodi.

Habakuki 2:19

Fala n baa yi, Yinba yaaba n maadi leni ku daagu ki tua: ‹Fundi,› Ki tua li tanli lini yaali n kan fidi ki maadi mo: ‹Fii ki sedi,› O bulo baa fidi ki doagidi yipo be? Baa ke yi tabini o wula leni ŋanjilifa, o naa fo.

Jesu Tondiba Tuona 17:29

Lani yaa po, kelima ti tie U Tienu bila, laa pundi tin yaa tama ke wani U Tienu naani leni bi nisaaliba n fidi ki taa wula, yaaka ŋanjilifa, yaaka li tanli ki tagi yaa nannanli kelima bi banma leni bi yanfuoma po.

Jesu Tondiba Tuona 19:26

Yi nan laa ki go gbadi Polo yeni n tiendi yaala. O yedi ke bi niba n tagi yaa *buli leni bi nii naa tie bonmoanla. O teni ke bi niba boncianla ga o maama ki yaadi, baa go ŋua i buli, laa tie nekanba Efesa niinni bebe ka, li bua ki yaa tie yene Asi kuli nni.

Mi Tiadima 7:25

Yi baa juu bi buli leni bi nannana kuli mi fantama nni. Yi yama n da kua bi ŋanjilifa bi bi wula yua n maa bipo, ki da taa la yi yula po, ke lan da ti tua diagu yipo, kelima li gundi Li Miali Diedo yi Tienu po.

Mi Doagidima 9:20

O falabiado yeni n kaa den ku yaaba, baa den lebidi bi yama leni bi nii n tagi yaala. Baa den cedi kaa go kpiagidi mu cicibiadimu, i *buli, yaala n tie wula, yaa ka ŋanjilifa, yaa ka ti kumoandi, yaa ka a tana, yaa ka ti daadi, yaala n kaa nua, kaa gba, kaa cuoni mo.