Danieli 2:47 - Gourmanchéma Bible

⁴⁷ O bado den yedi Danieli: «I moamoani, a Tienu tie U Tienu ki cie bi niba n ŋua yaala kuli, ki go tie bi badicianba kuli Diedo. Wani bebe n doagidi li bondoaginkaala kelima a fidi ki doagidi npo li bondoaginkaala yeni.»

U TIENU MAAMA TILI 2013

⁴⁷ O bado den yedi Danieli: «I moamoani, a Tienu tie U Tienu ki cie bi niba n ŋua yaala kuli, ki go tie bi badicianba kuli Diedo. Wani bebe n doagidi li bondoaginkaala, kelima a fidi ki doagidi n po li bondoaginkaala yeni.»

Danieli 2:47 ပူးပေါင်းရင်းမြစ်များ

Mi cilima 41:39

Falono den yedi Josefi: «Yaala n teni ke U Tienu waani a line kuli yeni, yua go pia banma, bi yanfuoma nani fini yeni ki ye.

2 Bi Badiba 5:15

Lanwani Naama den goa ki gedi U Tienu nilo kani wani leni o naacenba kuli. Wan den pundi, o den sedi Elise nintuali ki yedi o: «Moala n bandi ke Tienu ki ye ŋanduna nni kaantogu, li yaa tie Isalele diema nni yaaka. Lanwani ŋan tuo ki ga mini a naacemo n puni a yaa paabu.»

Jobi 12:19

O caani bi kopadicianba ti yonbidi, Ki tudi ki lu yaa badiba n se bonŋanla.

Pisomi 136:2

Pagi mani U Tienu yua n cie ban ŋua yaala kuli, Kelima o ŋanbili ye hali yaa yogunu kuli!

Pisomi 136:3

Pagi mani Li Miali Diedo, bi diediba kuli yaa Diedo, Kelima o ŋanbili ye hali yaa yogunu kuli!

Pisomi 72:11

Bi badiba kuli baa gbaani o nintuali, I nibuoli kuli baa tuuni opo.

Pisomi 82:1

Asafi yanbu. U Tienu se o nitaanli siiga tanpoli, Ki ja ti buudi leni o naacenba ki tua:

Pisomi 96:4

Kelima Li Miali Diedo yaba ki pundi ki baa ti pagidi. O pia i jeje ki cie i *buli kuli.

Esekieli 26:7

Mini o Diedo, Li Miali Diedo yedi mi ne: ‹N baa teni bi badiba kuli bado Babilona bado Nebukanesa n ña nijienu po leni i taami leni ti toateliti leni bi tanjagiba, leni bi niba boncianla leni bi toatieba boncianla ki baa yinba Tili diema yaaba.

Danieli 11:36

Nijienu po diema bado yeni baa yaa tiendi wan bua yaala kuli. O baa gbengi oba ki kpiagi o yuli ki tama ke o cie U Tienu leni i buli kuli, ki go maadi U Tienu yua n cie ban ŋua yaala kuli po mi biadikandikaama. Wan tieni yaala kuli baa cuoni opo bonŋanla hali U Tienu pabienli n doagidi. Lanwani U Tienu n den bili yaala kuli baa tieni.

Danieli 2:19

Lanwani li bondoaginkaala yeni den doagidi Danieli po ku ñiagu ti dangidi nni. O den jaandi ki kpiagi Tanpoli Tienu.

Danieli 2:22

O doagidi yaala n duagi cain, O bani yaala n ye li *biigili nni Kelima mi yenma gaani ki lindi o

Danieli 2:28

Ama tanpoli pia yaa Tienu n doagidi li bondoaginkaala. O bado, wani n waani a yaala n baa ti faa ki cua.

Danieli 2:29

O bado, ŋan den dua a duanu po, yaa bonla n baa ti cua yaa yogunu n tie ne yaa pendi, den kua a yantiali nni. Yua n doagidi yaa bonla n wuo den waani a yaala n baa ti cua.

Danieli 2:30

Li bondoaginkaala yeni n doagidi npo yeni, laa tie ke n yanfuoma cie yaaba n fo kuli ka, ama li tie ke fini o bado n baa ki bandi a dangidi bundima ki go bandi a yama n jagi yaala.

Danieli 2:37

A tie bi badiba kuli bado kelima tanpoli Tienu puni a li bali leni u paalu leni u fidu, leni ti kpiagidi.

Danieli 3:15

Moala yin bogini mani, yi yaa go gbadi a naatuntuna, mu yelimu, ti kogiditi, mu sielimu, a kogididajena leni yaa baantiadi n sieni kuli fuugu, lanyogunu liga yin labini ki kpiagi min teni ke bi tieni yaa nisaali-nannanli yeni. Yi yaa pugi li, lanyogunu-lanyogunu bi baa lu yi yaa buaga n yigidi ki tuoni niinni. O laa bulo n baa fidi ki faabi yi n nuu nni?»

Danieli 3:28

Nebukanesa den yedi: «Sadilaki, Mesaki leni Abedi-Nego Tienu n baa ti kpiagidi, wani yua n soani o maleki ki faabi bani o naacenba yaaba n dugi opo ki yie mini o bado yaa ñoabonli. Bi luni bi miana kaa tuo ki kpiagi bontoala kuli se bi Tienu bebe.

Danieli 3:29

Lani yaa po, n bili yaa ñoabonli n tie na: yua n maadi yaala n bia Sadilaki, Mesaki leni Abedi-Nego Tienu po kuli, wan tie yaa mabuolu yua kuli bi baa pedi ki jendijendi o, ki mumudi o diegu mo kun tua diegbengu, kelima tientoa kuli ki ye yua n baa fidi ki faabi o niba nande.»

Danieli 4:17

A den laa yaa tibu n yaba ki pa ke bu joma pundi hali tanpoli, ke baa yua n den ye u tinbianu baa yaa nua bu.

Danieli 4:25

Li bonla yeni kuli den tieni o bado Nebukanesa.

Danieli 4:32

Ki tinga kuli niba buli ki tie opo pu. O tiendi tanpoli yaaba leni ŋanduna yaaba kuli wan bua yaala. Oba kuli ki ye yua n baa fidi ki yie opo ke o kan tieni wan bua yaala, yaaka ki buali o: ‹A tiendi be nne?›

Danieli 5:11

O ja ye a diema nni ke U Tienu Yua n Gagidi ki ŋani banma ye o niinni. A baa n den ye yaa yogunu, bi den laa o niinni mi yanyendima leni u fanu leni yaa yanfuoma n tie U Tienu Yua n Gagidi ki ŋani yaama. Lani yaa po yo ke a baa o bado Nebukanesa den tuni o a lingida leni bi baabuuba leni bi buligbandanba leni bi ñoagidanba kuli yuli,

Amosi 3:7

Lanwani o Diedo, Li Miali Diedo kan tieni liba kuli, Kaa waani o naacenba bi sawalipuaba o ŋasiili.

1 Korenti 14:25

Yaala n wuo o pali nni kuli baa wuodi. Lanwani o baa labini U Tienu nintuali ki kpiagi o ki yedi ke U Tienu ye yi siiga moamoani.

Mi Tiadima 10:17

Kelima Li Miali Diedo yi Tienu tie ban pugi yaala kuli yaa Tienu, bi diediba kuli yaa Diedo, U Tienu yua yaa yeli n yaba ki pia u paalu leni i jeje. Waa tiendi gagidima bi niba siiga, waa gaani suuli mo.

1 Timote 6:15

Li yogunu yaa pundi, U Tienu baa teni ke o doagidima yeni n tieni, Wani U Tienu yua bebe n pia ti kpiagidi, Yua yaa bali n cie batoali kuli, Wani bi badiba kuli Badiciamo Leni bi diediba kuli yaa Diedo.

Josue 22:22

«U Tienu, U Tienu, Li Miali Diedo, U Tienu, U Tienu wani Li Miali Diedo bani yaala yaa po ke ti tieni yeni. Isalele yaaba kuli moko baa bandi la. Li yaa tie ke ti fiini yieme, bi ke ti tieni tudibiadime Li Miali Diedo po, wan da cedi tin yaa ye.

Mi Doagidima 1:5

leni Jesu Kilisiti yua n tie o siedi-dugika leni o nikpialo yua n kpa fii bi tinkpiba siiga, leni ŋanduna badiba kuli bado, n pa yi li *ŋanbili leni mi yanduanma! Wani yua n bua ti ki den faabi ti leni ti *tuonbiadi kelima o soama yaa po,

Mi Doagidima 17:14

Bi baa tuogi bu toabu leni ki Pebiga, ama ki Pebiga baa paadi ba kelima o tie bi diediba Diedo leni bi badiba Bado. Wan den yini ki gandi yaaba, yaaba n tie o nidugikaaba, baa taani leni o ki moko n paadi ba.»

Mi Doagidima 19:16

O yeli yaali n tie na diani ki taabi o kpalibu leni o panli kuli po: Bi badiba Bado Leni bi diediba Diedo.