Danieli 2:44 - Gourmanchéma Bible

⁴⁴ Mi diema yeni batieba yogunu Tanpoli Tienu baa fiini dietoama yaama n kan bodi hali abada. Nibuoto kan fidi ki diedi ma. Mi baa mudi ki gbeni mi diekpiama yeni kuli, ama mani miba baa yaa ye hali yaa yogunu kuli.

U TIENU MAAMA TILI 2013

⁴⁴ Mi diema yeni badiba yogunu, Tanpoli Tienu baa fiini dietoama, yaama n kan bodi abada. Nibuoto kan fidi ki diedi ma. Mi baa mudi ki gbeni mi diekpiama yeni kuli, ama mani miba baa yaa ye hali yaa yogunu kuli.

Danieli 2:44 ပူးပေါင်းရင်းမြစ်များ

Mi cilima 49:10

Li bali yaa gbiamu kan foagidi Juda kani, O badiciamo yaa gbiamu kan fuadi o taana nni. Hali yua n die o n baa cua, Bi niba kuli n baa tuo yua.

2 Samueli 7:13

Wani n baa ti maa npo ku diegu. N baa pugini o bali paalu mo hali yaa yogunu kuli po.

2 Samueli 7:16

N baa teni a diegu nni yua n yaa kubi li bali ki die hali yaa yogunu kuli, a diegu bali baa yaa ye ki pa hali yaa yogunu kuli.› »

Pisomi 145:13

A bali tie yaa bali n ye yaa yogu n tu yaa yogu, A diema mo ye nifiima n tu nifiima kuli nni.

Esayi 60:12

Kelima yaa nibuolu leni yaa diema N kan soani apo kuli baa bodi. Laa nibuoli mo baa bodi cain.

Esekieli 37:25

Bi baa yaa ye min den puni n naacemo Jakobo yaa diema nni, bi yaajanba n den kali yaa diema nni. Bani leni bi bijaba, leni bi bijaba yaa bila baa yaa ye mi niinni yaa yogunu kuli po. N naacemo Dafidi mo baa yaa tie bi bado yaa yogunu kuli po.

Danieli 2:28

Ama tanpoli pia yaa Tienu n doagidi li bondoaginkaala. O bado, wani n waani a yaala n baa ti faa ki cua.

Danieli 2:34

Ŋan den diidi li nisaali-nannanli yeni, o nisaalo nuu n ki lugidi yaa tanli den ñani li juali po ki baa ki pua li nisaali-nannanli yeni taajenfaadi yaadi n tie kudi ki kali leni ku yoagu yeni, ke ti mudi.

Danieli 2:35

Lanwani ti kudi leni ku yoagu leni ti kumoandi leni ŋanjilifa leni wula yeni den taani ki mudi yenma ki tua nani yaa fenma n ye u jalu nni ku fawaagu yogunu yeni. U faalu den liebi ki ñani likuli ke pu kuli ki sieni likani. Ama yaa tanli n den pua li nisaali-nannanli yeni den tua joacianli ki gbieni ki tinga kuli.

Danieli 2:37

A tie bi badiba kuli bado kelima tanpoli Tienu puni a li bali leni u paalu leni u fidu, leni ti kpiagidi.

Danieli 2:43

Nani ŋan den laa ke ti kudi kali leni ku yoagu maama, ama bi kan yaa taa yanyenma leni biyaba nani ti kudi leni ku yoagu n ki taa leni biyaba maama yeni.

Danieli 4:3

N den teni ke bi yini Babilona ñoagidanba kuli ke ban cua n kani ki bundi npo ti dangidi yeni.

Danieli 4:34

Moala mini Nebukanesa, n pagi ki go kpiagi Tanpojoma Tienu ki jigini o yeli. O tuona kuli tiegi moamoani, o bontienkaala kuli dagidi. O fidi ki jiidi yaaba n cuoni leni ti japaadi.»

Danieli 6:26

Lani yaa puoli o bado Daliyusa den soani i nibuoli kuli, leni mi diema kuli yaaba leni i mabuoli kuli, yaaba n ye ŋanduna nni kuli po ki yedi ba: «Mi yanduanma n yaa pugidi yipo.

Danieli 6:27

N bili ke yinba yaaba n ye n diema nni kuli n fangi Danieli Tienu bonŋanla, Kelima wani n tie U Tienu yua n fo, O baa yaa ye hali yaa yogunu kuli. O bali kan gbeni hali abada, O baa yaa die hali yaa yogunu kuli.

Danieli 7:27

Bi baa teni U Tienu niba, wani Tanpojoma Tienu nigagidiŋanba yeni yaa diema n ye ŋanduna nni kuli bali leni mi kpiagidi, ban yaa die. Bi diema baa yaa ye hali yaa yogunu kuli. Ŋanduna bali danba kuli baa tuo bi maama ki yaa tuuni bipo.›

Danieli 8:25

Kelima o nunfanbiadibu po, o baa baa ki boandi nitoaba. Ti japaadi baa kua o niinni wan bolini bi niba boncianla yaaba n ye leni mi yanduanma. O baa fiini mi yiema bi badiba Bado po. Ama o baa bodi ke nisaalo nuu ki sii o.

Mise 4:7

N baa taa yaaba n poagili yeni Ki teni ban tua yaaba n baa sieni, N baa teni ban den deli ki gedini yaaba foagima yeni N tua yaa nibuolu n pia u paalu. Laa yogunu mini Li Miali Diedo baa die ba Siyono juali nni Hali yaa yogunu kuli.

Age Tili 2:22

N baa guli bi batieba, ki bolini i nilanbuoli diema paalu. N baa tudi ki lu ti toateliti leni yaaba n jagi tipo, I taami baa kpe, Bi tanjagiba baa kpa biyaba leni mu jugisiemu.

Age Tili 2:7

N baa guli i nilanbuoli, Ki teni ban tugi bi piama kuli ki cuani ne, Ke n Diegu n gbie leni ŋalimani. Li Miali Diedo U Paaciamu Kuli Daano n yedi yeni.

Matie 28:18

Jesu den nagini ki yedi ba: «U Tienu puni nni u paalu kuli tanpoli leni ki tinga nni kuli.

Jan n diani U Tienu Laabaaliŋamo maama 12:34

Ku niligu den goa ki yedi o: «Ti gbadi U Tienu *balimaama nni ke *U Tienu n Gandi Yua baa ye hali yaa yogunu kuli. Be yaa po ke fini yedi ke li tie tiladi ban fiini o Ja Bijua. O Ja Bijua yeni, tie ŋme yo?»

Hebilunba 12:28

Lanwani, kelima ti baa baa yaa diema n kan digibi, tin yaa ye leni i tuondi, ki kpiagidi U Tienu ki ŋua o leni li fangili leni i jeje ke li mani opo,

Mi Doagidima 11:15

O maleki-leleelo den piebi kakaci. I nialiciami den kpaani tanpoli po ki yedi: «Moala ŋanduna diema tua ti Diedo Leni wani *Gandi Yua yaa yaama O baa die hali yaa yogunu kuli.»

Mi Doagidima 2:27

O baa gobidi ba leni ti kudi badigbiamu, nani ban mudi ti tandi tiadi maama yeni.