Danieli 2:4 - Gourmanchéma Bible

⁴ Kalide ñoagidanba den maadi Alama maama nni ki yedi o bado: «O bado, ŋan yaa ye hali yaa yogunu kuli. Waani tinba a naacenba ti dangidi yeni, ti baa bundi ti apo.»

U TIENU MAAMA TILI 2013

⁴ Kalide banda den maadi Arameyen maama nni, ki yedi o bado: «O bado, ŋan yaa ye hali yaa yogunu kuli. Waani tinba a naacenba ti dangidi yeni, ti baa bundi ti a po.»

Danieli 2:4 ပူးပေါင်းရင်းမြစ်များ

Mi cilima 31:47

Labana den yini laa kaanu Jegala-Sahaduta ke Jakobo mo den yini gu Galeda.

Mi cilima 41:8

Lan fii ki faa Falono yama den yagi. O den teni ke bi yini Ejipiti ñoagidanba leni bi yanfodanba kuli. Falono den togidi ba o dangidi. Oba kuli naa den fidi ki waani Falono li bundima.

1 Bi Badiba 1:25

Kelima dinla o gedi ki ban kodi i ne leni a naatonbiwubida leni i pe boncianla, ki yini fini o bado bijaba kuli leni bi toatieba yudanba leni o kopadiciamo Abiata. Diidi ki le, bi ban di ki go ñu o kani ki tua: ‹U Tienu n pa o bado Adonija li miafoagili!›

1 Bi Badiba 1:31

Lane Bati-Seba den labini ki pugi o bado ki yedi: «N daano o bado Dafidi n yaa ye hali yaa yogunu kuli!»

2 Bi Badiba 18:26

Hilikiya bijua Eliakimi leni Sebina, leni Yoa den yedi Asili bado guudikaaba yudaano yeni: «Maadi leni tinba a naacenba Alama maama nni kelima ti gba ma. Ŋan da go maadi leni ti Ebilu maama nni, ke yaaba n jagi u dogu bilinciamu po n da gbadi.»

Esidirasi 4:7

Pelisa bado Alitakiselisesi yogunu, Biselami, Mitiledati, Tabeeli leni bi lieba moko den diani li tili ki soani o bado kani. Bi den diani li tili yeni leni Alama yaa diani ki soagini Alama mabuolu nni.

Nehemi 2:3

ama n den goa ki yedi wani o bado: «Fini o bado n yaa ye ki fo hali yaa yogunu kuli. N nunga baa ga lede ki kan biidi n baanba kula n ye yaa dogu nni yaa bodi ke mi fantama dini u bilinciamu buliñoana?»

Esayi 36:11

Eliakimi, Sebina leni Yoa den yedi Asili bado guudikaaba yudaano: «Maadi leni tinba a naacenba Alama maama nni kelima ti gba ma. Ŋan da go maadi leni ti Ebilu maama nni, ke yaaba n jagi u dogu bilinciamu po n da gbadi.»

Esayi 44:25

N biandi tuofaasinankeene fanma Ki jiendi a baayuadiida. N teni ke a banda suligi ki goa puoli Ki lebidi bi bandima ke mi tua yanpiima.

Danieli 1:4

Laa jawaaba kan yaa pia bi gbanu po poadoba kuli. Bi baa yaa pia mi jawaama ki fani, ki pia mi yanfuoma leni mi bandima ki nan fidi ki yaa tuuni wani o bado diegu nni. Bi baa bangi ba Kalide yaaba diani leni bi maama.

Danieli 2:7

Bi den goa ki yedi o mi liema: «O bado n waani tinba a naacenba ti dangidi yeni ti baa bundi ti apo.»

Danieli 3:9

Bi den yedi o: «O bado, ŋan yaa ye hali yaa yogunu kuli.

Danieli 4:19

Bu tibu yeni tie fini o bado yo. A yeli kpedi, a paalu yabidi, a bali kpiagidi yabidi ki pundi hali tanpoli, a diema mo yabidi ke a diedi hali ŋanduna bianu kuli.

Danieli 4:7

N den dua n duanu po ki dangi ki la yaa bonlekaala n tie ne: N den laa ke yaa tibu n kpedi boncianla se ŋanduna kuli siiga.

Danieli 4:9

Bu faadi den ŋani. Bu bonluonkaala mo den yaba ki dagidi, Ke yaala n fo kuli den baadi li bonjekaala bu kani. Ti fuayandi den ye bu soangu nni Ti bonyugiditi mo den tiendi bi tiana bu beni nni, Yaala n fo kuli den baadi li jiema bu kani.

Danieli 5:10

O bado naa den gbadi o bado leni o paatieba fuugu ki kua ban den taani mi jaanjiema po yaa dieli nni ki yedi: «O bado, ŋan yaa ye hali yaa yogunu kuli. A yama n da yagi, a tugusoama mo n da sani.

Danieli 5:8

O bado ñoagidanba kuli den nagini, ama baa den fidi ki cogi i diani yeni ki bundi opo.

Danieli 6:21

Wan den nagidi ku buogu, o den tiani leni li paboanli ki yini Danieli ki yedi: «Danieli, U Tienu yua n fo naacemo, wani a Tienu, ŋan ŋua yua yogunu kuli fidi ki ga ŋa i yangbanli kani bi?»

Danieli 6:6

Lanwani bi jaba yeni den yedi: «Ti kan le tin baa kuli Danieli leni yaala li yaa tie o Tienu *bali maama nni yaaka.»

Danieli 6:7

Lani yaa puoli bi yudancianliediba leni gufeneelinba yeni den jaligi ki gedi o bado kani ki yedi o: «O bado Daliyusa, ŋan yaa ye hali yaa yogunu kuli.

Matie 21:9

Yaa niligu n den ye Jesu liiga leni yaagu n ŋua o puoli kuli den kpaani ki tua: «Dafidi Bijua n baa ti pagidi. U Tienu n seligi yua n kpendi wani o Diedo yaa yeli nni. U Tienu yua n ye hali tanpojoma n baa ti pagidi.»

1 Samueli 10:24

Samueli den yedi bi niba kuli: «Yi nua Li Miali Diedo n gandi yua? Yinba Isalele yaaba kuli siiga yua naani leni o kuli ki ye.» Bi niba kuli den kpaani ki yedi: «U Tienu n pa o bado li miafoagili.»