Danieli 2:27 - Gourmanchéma Bible

²⁷ Danieli den maadi o bado nintuali ki yedi: «O bado, ŋan buali yaa bondoaginkaala yeni, bi ñoagidanba leni bi baabuuba leni a lingida leni bi buligbandanba kan fidi ki waani a la.

U TIENU MAAMA TILI 2013

²⁷ Danieli den lebidi o bado nintuali, ki yedi: «O bado, ŋan buali yaa bondoaginkaala yeni, bi ñoagidanba, a baabuula, a lingida leni bi buligbandanba kan fidi ki waani a la.

Danieli 2:27 ပူးပေါင်းရင်းမြစ်များ

Mi cilima 40:8

Bi den goa ki yedi o: «Ti dangi ti dangidi ki naa pia yua baa bundi tipo ti dangidi n bua ki yedi yaala.» Josefi den goa ki yedi ba: «U Tienu kaa bani bonla kuli n bua ki yedi yaala? Togidi nni mani yi dangidi.»

Mi cilima 41:8

Lan fii ki faa Falono yama den yagi. O den teni ke bi yini Ejipiti ñoagidanba leni bi yanfodanba kuli. Falono den togidi ba o dangidi. Oba kuli naa den fidi ki waani Falono li bundima.

Esayi 19:3

Ejipiti yaaba jama kuli baa gbeni. N baa biani bi yanjaga fanma. Bi baa bu i buli leni a baayuadiida, Ki bu yaaba n maadi leni bi tinkpiba leni a lingida.

Esayi 44:25

N biandi tuofaasinankeene fanma Ki jiendi a baayuadiida. N teni ke a banda suligi ki goa puoli Ki lebidi bi bandima ke mi tua yanpiima.

Jeremi 10:7

Fini i nibuoli kuli bado, ŋme n kan jie ŋa? Fini n tie lan pundi ban fangi yua Kelima i nibuoli yanfodanba kuli siiga, Leni mi diema buoli kuli siiga, Oba kuli kan niagi leni a.

Danieli 1:20

O bado n den buali ba yaala kuli yaa niinni, yaala n bua yanfuoma leni banma kuli, o den sua ke bi cie yaa lingida leni yaa baabuuba n ye o diema nni kuli taalima piiga.

Danieli 2:2

O den teni ke bi yini a lingida leni bi baabuuba leni Kalide ñoagidanba kuli ke ban waani o o dangidi. Bi den cua o bado kani.

Danieli 4:7

N den dua n duanu po ki dangi ki la yaa bonlekaala n tie ne: N den laa ke yaa tibu n kpedi boncianla se ŋanduna kuli siiga.