Danieli 2:21 - Gourmanchéma Bible

²¹ O lebidi jama leni i yogini. O fiindi bi badiciantianba bi gbandi po, Ki kaandi toaba mo ti gbandi po. Wani n puuni bi yanfodanba mi yanfuoma, Ki go puuni mi banma danba mi bandima

U TIENU MAAMA TILI 2013

²¹ O lebidi jama leni i yogini. O fiindi bi badiciantianba bi gbandi po, Ki kaandi toaba mo ti gbandi po. Wani n puuni bi yanfuodanba mi yanfuoma, Ki go puuni mi banma danba mi banma

Danieli 2:21 ပူးပေါင်းရင်းမြစ်များ

1 Bi Badiba 10:24

Bi niba kuli den moandi ki bua ki le Salomono ki gbadi o yanfomaama, U Tienu n den puni o yaama.

1 Bi Badiba 3:28

Isalele yaaba kuli den gbadi o bado n den jia yaa buudi. Bi den fangi o kelima bi den laa ke U Tienu yanfuoma ye o niinni ki gobidi o ke o ja ti buudi.

1 Bi Badiba Jama 22:12

Ŋan yaa faami bonŋanla, ke Li Miali Diedo mo n pa ŋa mi gbadima, mi yanfuoma, ki go pa ŋa li bali Isalele yaaba po, ke ban fidi ki kubi Li Miali Diedo, a Tienu *balimaama!

1 Bi Badiba Jama 29:30

Laanne ke bi go togidi o bali leni o jama, leni yaala n den tieni o yogunu Isalele diema nni leni yaa diema n sieni yaa niinni.

Esiteri 1:13

Wani o bado yaa den pia maamaba, mi yen maadi ki kadi yaaba n bani li bali maama leni li bujiali nintuali. Lani yaa po o den boe leni bani yaaba n tie o tundikaaba.

Jobi 12:18

O faabidi bi niba leni bi badibiadiba tugumoangu, Ki goa ki luo bi badiba yeni leni i baabi.

Mi Ñama 31:3

N gbieni o leni U Tienu Fuoma leni mi yanfuoma, mi banma leni i tuonbuoli kuli banma.

Mi Ñama 31:6

N teni ke Ahisamaka bijua Oholiabi, Dana buolu yua baa tua opo todika. N puni mi yanfuoma a tuonsoanbanda ke ban taani ki soani min puogi a yaa tuonli kuli.

Danieli 1:17

U Tienu den puni bi jawaanaadiba yeni mi bandima leni mi yanfuoma u cogu leni mi bangima nni. Danieli mo go den baa fidi ki bandi ki go bundi li bonlekaala leni ti dangidi kuli.

Danieli 10:1

Pelisa diema bado Silusa bali bintaali binli, U Tienu ñoabonli go den doagidi Danieli, ban go yi yua Belisasa po. Li ñoabonli yeni tie moamoani, ama li gbadima den pa boncianla. Danieli den baa li doagidima li bonlekaala nne.

Danieli 11:6

Binaba yaa pendi, wani leni nijienu po yaa diema yaa bado baa danli. Niganu po diema bado bisalo baa kuni nijienu po diema bado ki teni ku danligu n yaa pa. O pua yeni paalu kan suagi ki yaa ye, o calo kan yaa ye, bi biga mo kan yaa ye. Ama wani leni yaaba n den ciani o leni o baa leni o calo yua n den baa yaa kubi o baa kpe.

Danieli 2:20

Danieli den yedi: «U Tienu yeli n yaa pia ti kpiagidi hali yaa yogunu kuli. Wani n die mi yanfuoma leni u paalu kuli.

Danieli 2:23

N baanba Tienu, N jaandi a ki pagi a Kelima a puni nni mi yanfuoma leni u fidu, Ki go teni ke n bandi tin mia ŋa yaala, Lani n tie ke a doagidi tipo yaala n paki o bado.»

Danieli 2:9

Yi yaa waani nni ti dangidi yeni, buyendi n baa baa yikuli po. Yi juogi ki baa yaa pua nni mi faama leni i boandi hali u yogunu n lebidi. Waani nni mani ti dangidi yeni, lani n baa bandi ke yi baa fidi ki bundi ti npo.»

Danieli 4:14

Malekinba n cuani mi maama yeni. Yeni de, bani n caa li ñoabonli yeni, ke yaaba n fo kuli n bandi ke Tanpojoma Tienu n die bi nisaaliba diema ki dindi wan bua yua li bali, ki fiindi lienni yua n tie taliga ki cie o lieba.

Danieli 4:17

A den laa yaa tibu n yaba ki pa ke bu joma pundi hali tanpoli, ke baa yua n den ye u tinbianu baa yaa nua bu.

Danieli 4:22

Bi baa deli ki ñani a bi nisaaliba siiga. A baa yaa taa ki ye leni ti fuayandi, bi baa yaa tendi a ti muadi ke a ŋmani nani i ne yeni, ku mangu baa yaa soangidi a. Li baa yaa tie apo yeni hali bina lele n pendi, hali ŋan baa bandi ke Tanpojoma Tienu n die bi nisaaliba diema kuli, ki dini wan bua yua li bali.

Danieli 4:32

Ki tinga kuli niba buli ki tie opo pu. O tiendi tanpoli yaaba leni ŋanduna yaaba kuli wan bua yaala. Oba kuli ki ye yua n baa fidi ki yie opo ke o kan tieni wan bua yaala, yaaka ki buali o: ‹A tiendi be nne?›

Danieli 7:25

O baa maadi ki sugi Tanpojoma Tienu, ki yaa mabindi o nigagidiŋanba. O go baa jagi ke o baa lebidi wani U Tienu niba jaanma yogini leni bi *balimaama, ki teni U Tienu nigagidiŋanba yeni o nuu nni hali lan pundi bina taa leni boagidima.

Luki 21:15

Kelima mini nba baa ti pa yin baa maadi leni yaa yanfuoma ke yi koanginkaaba siiga baa yendo kan fidi ki nia ki yie ma.

LOMA YAABA 13:1

Nilo kuli n tuo ki yaa ŋua mi diema bali danba n bili yaala, kelima bali kuli ki ye kaa ñani U Tienu kani. U Tienu n dini yaa bali danba n ye kuli.

1 Korenti 1:30

Ama yinba, U Tienu teni ke yi ye Jesu Kilisiti nni. O go teni ke Jesu tie tipo mi yanfuoma, leni mi *teginma, leni mi gagidiŋanma, leni mi *daafaabima.

Jaki 1:17

Li semoanli leni yaa paabu n ŋani kuli ñani tanpoli po, mi yenma Baa kani, wani yua n ki lebidi, ke lebidima jinjingu mo ki ye o niinni.

Jaki 1:5

Yi siiga niloba yaa luo mi yanfuoma, wan mia U Tienu yua n puuni bi niba kuli leni ti bulicindi kaa fu leni ba, o baa pa o ma.

Mi Doagidima 19:16

O yeli yaali n tie na diani ki taabi o kpalibu leni o panli kuli po: Bi badiba Bado Leni bi diediba Diedo.