Danieli 2:12 - Gourmanchéma Bible

¹² Lanwani o bado pali den fii ki beni boncianla. O den ñani li ñoabonli ke ban kpa Babilona ñoagidanba kuli.

U TIENU MAAMA TILI 2013

¹² Lanwani, o bado pali den fii ki beni boncianla. O den ñani li ñoamabonli ke ban kpa Babilonni banda kuli.

Danieli 2:12 ပူးပေါင်းရင်းမြစ်များ

Jobi 5:2

Li mutuoli n baa kpa o yanpiidaano, Li nunponli mo n baa je o yanluodaano.

Pisomi 76:10

U Tienu n fii yaa yogunu ki baa jia ti buudi Ki faabi ki tinga niñinniba. Joma

Mi Kpanjama 16:14

O bado pabienli kpendinni mi kuuma, Ama o yanfodaano wani baa fidi ki kuugi li.

Mi Kpanjama 19:12

O bado pabienli tie nani o yangbanlo dunli yene. O ŋanma mo tie nani ku mangu ti muadi nni yeni.

Mi Kpanjama 20:2

Yaa bado yaa pali n beni tie nani yaa yangbanlo n duni yeni. Yua n bieni o bado pali mo lingi o yuli po janjanma.

Mi Kpanjama 29:22

Yaa nilo n pia li pali cidi mi janjanma, Yua yaa pali n fiidi tonma tudi boncianla.

Danieli 2:24

Li yaa puoli Danieli den gedi Aliyoki kani, o bado n den puogi yua ke wan kpa Babilona ñoagidanba. O den gedi o kani ki yedi o: «Ŋan da kpa Babilona ñoagidanba. Ciani nni o bado kani ke n baa bundi opo o dangidi.»

Danieli 2:5

O bado den goa ki yedi ba: «Min jagi ki bili yaala tie ke yi yaa waani nni ti dangidi yeni leni ti bundima, bi baa pedi ki jendijendi yi ki mumudi yi diena ŋan tua diegbena.

Danieli 3:13

Lani Nebukanesa pali den fii ki beni hali boncianla ke o yedi ke ban cuani Sadilaki, Mesaki leni Abedi-Nego o kani. Bi den cuani ba o nintuali.

Danieli 3:19

Lani yaa po Nebukanesa pali den beni ke li kandi ke o nunga lebidi ki biagi Sadilaki, Mesaki leni Abedi-Nego po. O den teni ke bi tongi ki buaga ke li cie ban den yen tongidi ga maama taalima lele.

Danieli 5:19

Kelima wani U Tienu n den ñani o yeli maama po, i nibuoli kuli leni diema kuli yaaba leni i mabuoli kuli den jie o ki digibi o nintuali. O den kpaani wan bua ki kpa yaaba, ki ŋaani wan bua ki ŋa yaaba. O den duondi wan bua yaaba, ki jiindi wan bua ki jiini yaaba.

Matie 2:16

Elodo n den sua ke a banda yeni boandi o, o pali den beni boncianla. O den soani ban ban kpa yaa bonjala n pia bina lie lie leni yaaba n ki pundi yeni kuli, ki ye Betelema leni u tinkundogi nni kuli, nani a banda n den waani o ke o sua ke laa biga baa pia yaa bina banlu.

Matie 5:22

Ama mini n yedi yi, yua n bieni o pali o lielo po kuli, li pundi ban bu leni o, yua n yedi o lielo: ‹O yanpiidaano na›, li pundi ke yi *cancannikpeliba taancianli n cuo o. Yua n yedi o lielo: ‹O yanluodaano na,› li pundi ban cuo ki kuani o ku *fantanbuogu nni.