Danieli 2:11 - Gourmanchéma Bible

¹¹ O bado n puogi yaala pa, nilo kuli ki ye yua n baa fidi ki waani a, li yaa tie i *buli, yi yaa diedi n ki ye bi nisaaliba siiga yaaka.»

U TIENU MAAMA TILI 2013

¹¹ O bado n puogi yaala pa, nilo kuli ki ye yua n baa fidi ki waani a, li yàá tie i tieni, yii yaa diedi n ki ye bi nisaaliba siiga yaa ka.»

Danieli 2:11 ပူးပေါင်းရင်းမြစ်များ

Mi cilima 41:39

Falono den yedi Josefi: «Yaala n teni ke U Tienu waani a line kuli yeni, yua go pia banma, bi yanfuoma nani fini yeni ki ye.

Mi cilima 41:8

Lan fii ki faa Falono yama den yagi. O den teni ke bi yini Ejipiti ñoagidanba leni bi yanfodanba kuli. Falono den togidi ba o dangidi. Oba kuli naa den fidi ki waani Falono li bundima.

1 Bi Badiba 8:27

Ama daa, naani U Tienu baa fidi ki yaa ye ki tinga nni moamoani bi? Diidi baa tanpoli leni o yabinu kuli ki dagidi opo, ki ban buali min maa apo yaa diegu ne.

2 Bi Badiba Jama 6:18

Ama, naani moamoani U Tienu baa fidi ki taani ki yaa ye leni bi niba ki tinga po? Diidi baa tanpoli leni o yabinu kuli ki dagidi opo, ki ban buali min maa apo yaa diegu ne.

Pisomi 132:14

«Lankani n tie n fuodima kaanu yaa yogunu kuli po. N baa yaa ye lienni kelima mini n bua likani.

Pisomi 68:18

Li Miali Diedo toateliti kuli coali tie tuda tuda yo. O Diedo mo ye ti siiga. Sinayi ye o kaangagidiŋamu nni.

Mi Ñama 29:45

N baa ye Isalele yaaba siiga. N baa tie bi Tienu.

Mi Ñama 8:19

N baa tieni mi gagidima, n yaa niba leni a yaa niba siiga. Laa sinankeeni baa tieni saala.› »

Esayi 47:12

Yin yaa baa se yi buligbandi Leni yi ñoagi nni Yin den puni yi yula yaa tuona po Hali yi panma nni Daalinba li fidi yin ti baa ñuadiba lienni. Bi mo, li fidi bi niba n yaa jie yi.

Esayi 57:15

Kelima yua n ye hali Tanpojoma Wani yua n ye hali yaa yogunu kuli Ke o yeli mo gagidi ki ŋani yedi mine: «N ye mi gagidiŋanma nni leni yaa kaanu n kpedi ki cie yaa niinni. Ama n go ye leni ban mabindi yua Leni yua n ye leni li pabiidili, Ke min fidi ki baagi yaaba n ye li pabiidili nni Ki go faabi yaaba n laadi fala bi pala nni.

Esayi 8:18

N ye nekanba mini leni U Tienu n puni nni yaa bila. Ti tie sinankeeni leni mi maalima bonla Li Miali Diedo U Paaciamu Kuli Daano po Isalele diema nni, wani yua n ye Siyono juali yuli po.

Danieli 4:4

A lingida leni bi baabuuba leni bi buligbandanba leni bi ñoagidanba kuli den cua. N den waani ba ti dangidi yeni ama baa den fidi ki bundi npo.

Danieli 5:11

O ja ye a diema nni ke U Tienu Yua n Gagidi ki ŋani banma ye o niinni. A baa n den ye yaa yogunu, bi den laa o niinni mi yanyendima leni u fanu leni yaa yanfuoma n tie U Tienu Yua n Gagidi ki ŋani yaama. Lani yaa po yo ke a baa o bado Nebukanesa den tuni o a lingida leni bi baabuuba leni bi buligbandanba leni bi ñoagidanba kuli yuli,

Mi Coadima 35:34

Yi kan joagini mi diema yin baa gedi ki yaa ban ye naankani yeni, mini nba mo baa ye mi diema nni kelima n tie Li Miali Diedo yua n ye Isalele yaaba siiga.»

Matie 19:26

Jesu den diidi ba ki yedi: «Bi nisaaliba kan fidi la, ama U Tienu wani fidi li bonla kuli.»

Jan n diani U Tienu Laabaaliŋamo maama 1:14

Mi Maama yeni den tua nisaalo, ki ye ti siiga ki gbie leni li*ŋanbili leni i moamoani. Ti den laa o kpiagidi, wani ki Bonjayenyenga yua n ñani Baa kani yaa kpiagidi.

Jan n diani U Tienu Laabaaliŋamo maama 14:17

wani i moamoani Fuoma yeni. Ŋanduna yaaba kan fidi ki ga o cangu kelima baa nua o, baa bani o mo. Ama yinba wani, yi bani o kelima o ye leni yi, ki baa ye yi niinni.

Jan n diani U Tienu Laabaaliŋamo maama 14:23

Jesu den goa ki yedi o: «O nilo yaa bua nni moamoani, o baa kubi n maama, lane n Baa baa bua o. Ti baa cua o kani ki yaa ye o deni.

2 Korenti 6:16

U Tienu diegu pia be ŋantaado leni i *buli? Tinba mo n tie U Tienu yua n fo dieli, nani U Tienu wani oba n yedi maama: «N baa ye leni ba ki cuoni bi siiga ki tie bi Tienu, Bi mo baa tie n niba.

Mi Doagidima 21:3

N den gbadi u nialiciamu ke u maadi u bali kalikaanu kani ki yedi: «Diidi ki le, moala U Tienu yekaanu ye bi nisaaliba siiga. O baa ye leni ba, bi baa tie o nibuolu, wani U Tienu oba baa ye leni ba ki tie bi Tienu.