Danieli 12:3 - Gourmanchéma Bible

³ Yaaba n pia mi yanfuoma baa yendi nani tanpoli yenma yeni, bani yaaba n bangi yaa niba n yaba ke bi lebidi ki ŋoadi mi *teginma, baa yendi nani a ŋmabila yeni hali yaa yogunu kuli.

U TIENU MAAMA TILI 2013

³ Yaaba n pia mi yanfuoma baa yendi, nani tanpoli yenma yeni, bani yaaba n bangi yaa niba n yabi ke bi lebidi ki ŋoadi mi teginma, baa yendi nani a ŋmabila yeni hali yaa yogunu kuli.

Danieli 12:3 ပူးပေါင်းရင်းမြစ်များ

Mi Ñama 34:35

Isalele yaaba den yen diidi Musa nunga ki laa ke o nunga ñuliti. Lane Musa den yen pigini o nunga li cabili hali wan baa ti goa ki kua ki maadi leni Li Miali Diedo yaa yogunu.

Mi Kpanjama 11:30

O niteginka bontienkaala tie li miali tibu. O yanfodaano baadi bi niba ke bi ŋua o kelima o yanfuoma po.

Mi Kpanjama 3:35

Ti kpiagidi n tie bi yanfodanba biinu, ama bi yanpiidanba wani yaa biinu tie i fe yo.

Mi Kpanjama 4:18

Bi niteginkaaba n tagi yaa sanu tie nani u tiŋafaanu yenma yene. Mi baa yaa yendi, ki yendi ki pugidi hali u yensiinu.

O Yanfuodaano 12:9

O yanfodaano ki den tie yanfodaano bebe ka, o go bangi bi niba wan bani yaala moko. O cengi, ki biigi ki jajabi ki dagini yaa kpanjama n ki wa.

Esayi 53:11

Wan laa yaa fala lipo yeni, O baa le li ñuadi Leni ban baa bandi o maama po Wani n naacemo yua n tiegi yeni baa saa niba boncianla po moamoani Ki taa bi tagili ki tugi.

Jeremi 23:22

N juogu daali bi yaa den ye lienni, Bi den baa fidi ki teni n niba n gbadi n maama, Ki teni ban ŋa bi tagibiadu leni bi tuongunda.»

Danieli 11:33

Bi siiga nni yaaba n pia mi yanfuoma ki cie baa todi bi niba boncianla bani mo n baa mi yanfuoma. Ama bi siiga nni bi baa kpa bi nitianba leni mu jugisiemu, bi tianba leni mi fantama, ki gedini bine ti yonbidi, ki fie bi tianba mo yaa piama. Li baa yaa tie yeni hali danaba.

Danieli 11:35

Bi siiga bi yanfodanba boncianla baa kpe. Bi kuuma baa ŋanbi bi nibuolu yaaba ki teni ban pendi paipai nani ban yen jugi ti kudi ki ñani ti joagindi maama yeni. Li baa yaa tie yeni hali mi juodima yogunu n pundi, kelima mi kan tieni se u yogunu pundi.

Danieli 12:10

Bi niba boncianla baa ŋuudi ki pendi paipai ki ŋanbi nani ban yen jugi ti kudi ki ñani ti joagindi maama yeni. Bi nibiadiba baa yaa tiendi mi biadima, bi siiga nni oba kuli kan ga liba, ama yaaba n pia mi yanfuoma baa ga.

Matie 13:43

Laa yogunu bi niteginkaaba baa yendi nani u yienu yeni bi Baa yaa diema nni. Yua n pia a tuba ki baa gbadi wan gbadi.

Matie 19:28

Jesu den goa ki yedi ba: «N waani yi i moamoani, li bonla kuli yaa goa ki pandi yaa yogunu, ke o *Ja Bijua mo kali o bali kalikaanu po leni ti kpiagidi kuli, yinba yaaba n ŋua nni, yi moko baa kali piiga n bali kalikaani lie po ki jia Isalele piiga n buoliedi buudi.

Matie 24:45

Ŋme n tie yaa naacendugika n pia mi yanfuoma, ke o canbaa guuni o o niba ke wan yaa tendi ba mi jiema li yogunu yaa pundi?

Jan n diani U Tienu Laabaaliŋamo maama 4:36

Yua n yendi baadi o panpaani ki taagi ti kpaandi yaa miali n kan gbeni po, ke yua n buu leni yua n yendi kuli n taani ki mangi bi pala.

Jan n diani U Tienu Laabaaliŋamo maama 5:35

Wani Jan n den tie yaa fidisanga n co ki yieni. Yi den tuo ki mangi yi pala o yenma nni u yogunu waamu.

Jesu Tondiba Tuona 13:1

Kilisiti n yini yaaba yaaba n ye Antiosa siiga den pia bi sawalipuaba leni bi bangikaaba. Bi yela den tie Banabasa, Simeyono ke bi go yi o Nijeli, (lani n tie o niboano), leni Silena yua Lusiyusa, leni Manayena yua n den taani ki fandi leni *Elodo leni Solo.

1 Korenti 3:10

Nani U Tienu n puni nni yaa *ŋanbili po, n den pu li tanpuuli nani o diemaa-yanfodaano yeni, ke nitoa mo ŋuandi lipo. Die yua kuli n fangi o yuli leni wan ŋuandi lipo maama.

Efesa 4:11

O puni bi nitianba ke ban yaa tie tondiba, bi nitianba ban yaa tie sawalipuaba, bi nitianba ban yaa tie o Laabaaliŋamo wangikaaba, bi nitianba mo ban yaa tie bi yankpaaba bi bi bangikaaba.

Hebilunba 5:12

Moala li bi pundi ke yinba n yaa tie bangikaaba, ama yi go baa bua ban yaa bangi yi mi bangicilikaama U Tienu maama bangima siiga. Kelima yi tua nani yaaba n da baa ñu mi naaŋanma bebe, ki kan fidi ki ga yaa jiema n juagi.

2 Pieri 3:15

Yin yaa nua mani ke ti Diedo n pia yaa juunli tie yi *tindima po, nani ti kpibuado Polo moko n den diani yipo maama ki ŋua U Tienu n den puni o yaa yanfuoma.

Mi Doagidima 1:20

Ŋan laa ke n muubi yaa ŋmabileleeda n jienu nni yeni, leni wula fidisantuankaani lele yeni tie line: A ŋmabileleeda tie Kilisiti n yini yaaba nitaanleleeda yaa malekinba, fidisantuankaani lele yeni mo tie Kilisiti n yini yaaba nitaana lele yeni.»

Bi Bujiaba 5:31

Li Miali Diedo, a yibalinba n bodi yeni, Ama yaaba n bua ŋa, ban yaa tie nani u yienu yeni, Wun kpadi yaa yogunu.» Mi yanduanma den tieni mi diema nni hali bina piinaa.