Danieli 11:4 - Gourmanchéma Bible

⁴ Ama o paalu yaa yabidi hali boncianla, o diema baa mumudi ki boagidi kaani naa, nintuali leni puoli leni niganu leni nijienu. O puoliŋuani kan diedi ma, mi paalu mo kan go yaa yaba nani man den kpa tie maama, kelima mi baa boagidi boagidi nitoaba n yaa die ma ke laa tie o puoliŋuani.

U TIENU MAAMA TILI 2013

⁴ Ama o paalu yaa yabidi hali boncianla, o diema baa mudi mudi ki boagidi kaaninaa, nintuali, puoli, nuganu leni nujienu. O puoliŋuani kan diedi ma, mi paalu mo kan go yaa yabi, nani man den kpa tie maama, kelima mi baa boagidi boagidi nitoaba n yaa die ma, ke laa tie o puoliŋuani.

Danieli 11:4 ပူးပေါင်းရင်းမြစ်များ

Pisomi 39:6

Diidi, a teni ke n dana foagimu tie nubadiyaagu N miali dana foagimu mo ki da liba a nintuali. O nisaalo leni o paalu kuli tie fawaama bebe.

O Yanfuodaano 4:8

A baa le nilo ke o ye obebe, waa pia lielo, waa pia biga, waa pia naataanu, ama ki nan tuuni o kan cedi. O li bua ki yaa baadi mi piama ki pugide, baa ke o buali o yuli wan tuuni yua yaa po ki naa tiendi liba kuli ki mangidi o pali. Lani moko tie fanma, yanyagikuondi.

Jeremi 12:15

Ama n yaa ŋabi ba yaa yogunu Se mi niñima n goa ki cuo nni bikuli yendo yendo po, Min goa ki guani ba yua kuli o tinga nni, Yua kuli o diema nni.

Jeremi 12:17

Ama bi yaa cengi puu kuli N baa dadi ki ŋabi laa nibuolu. N baa ŋabi li nibuolu ki teni wun kpe. Mini Li Miali Diedo n yedi yeni.

Jeremi 18:7

Yogunuba n yen maadi leni yi nibuoluba, bi diemaba maama ke n baa ŋabi, ki pua, ki go bolini.

Jeremi 31:40

Bi baa biigi bi tinkpiba leni mi fantanpienma joaloangu ki taani leni yaa fanma n bili ki ban pundi hali Sediloni joaloangu ki ban tu i taami buliñoabu nijienu po. Bi baa taa likuli ki gagidi ki ŋanbi Li Miali Diedo po. Bi kan go tudi ki lu la, ki buali ban bolini la.»

Jeremi 45:4

Ŋan baa maadi o maama nne: ‹Diidi n baa bolini min maa yaala. N baa ŋabi min ŋuu yaala. Lani n tie mi naa diema kuli.

Jeremi 49:36

N baa soani Elami kani tafaali naa. I baa ña nijienu, niganu, puoli leni nintuali kuli. N baa lendi ba i tafaali yeni niinni. Li kan yaa pia ki tinga nibuoli siiga Elami yaaba N kan yadi ki pundi naani.

Esekieli 37:9

O den goa ki yedi nni: «Fini o ja na, pua sawali ki maadi leni li miali fuoma, ki yedi ma: ‹O Diedo, Li Miali Diedo yedi ke ŋan ña ki tinga puoli leni ki nintuali, ki ganu leni ki jienu po ki figi bi tinkpiba ne po, ban goa ki baa li miali.› »

Danieli 7:2

O den yedi: «Ku ñiagu n den laa li bonlekaala n dangidi nni ke yaa faali n ñani ki tinga ñoakunnaadi kuli den figi ki fiindi mi ñincianma.

Danieli 7:6

Li yaa puoli n go den nuali ki laa yantoaga ke ki naani leni o namunpieno. O den pia ti bonyugiditi yaa fiabi boninaa o puoli po leni yula naa. Bi den dini o li bali.

Danieli 7:8

Min den diidi a yina yeni yaa yogunu, n den laa ke yintoali, yaali n wa ki cie aya, pudi a siiga ki ŋabi ya n den kpa ye yeni siiga yina taa. Ki yinbiga yeni den pia i nuni nani o nisaalo yeni, ki go pia bu ñoabu ki maadi mi japaamaama.

Danieli 8:22

Li yincianli yeni n den kua ke yaa yinnaada n pudi ki ga li kaanu yeni tie diema naa yaama n baa fii ki ga mi bonkpiama kaanu. Ama laa dienaadima kan yaa pa nani mani mi diekpiama n den pa maama.

Danieli 8:8

Li ŋuabuali yeni paalu den pugidi boncianla. Ama lin den pundi li paalu banlu, li yincianli den kua. Yinciama naa den pudi ki sedi li kaanu ki teli nintuali leni puoli, ganu leni jienu po.

Sakari 2:6

N den buali o: «A caa le?» O den goa ki yedi nni ke wan caa Jelusalema, ki baa n biigi u dogu foagimu leni u pianu.

Sakari 6:5

O den goa ki yedi nni: «Li tie tanpoli faali boninaa, yi n ñani i kaanu kani, yin bi ye naani, ki tinga kuli Diedo kani.»

Matie 12:25

Jesu den bani ban maliti yaala yeni, ki den yedi ba: «Yaa diema n boagidi ki tuogi leni mi yuli kuli baa bodi. Yaa dogu yaaka yaa diegu yaa niba n paadi ki tuogi leni biyaba kuli kan yaa ye.

Luki 12:20

Ama U Tienu den yedi o: ‹O yanluodaano na, dinla yaa ñiagu liga, n baa taa a naano. Ŋan bili yaala kuli baa tua ŋme yaa yaala?› »

Mi Doagidima 7:1

Lani n pendi n den laa malekinba naa ke bi se ki tinga ñoakunnaadi kani. Bi den kubi ki tinga faciannaaditi, ke tin da go figi baa waamu ki tinga nni leni mi ñincianma po leni tibuba kuli po.