Danieli 11:36 - Gourmanchéma Bible

³⁶ Nijienu po diema bado yeni baa yaa tiendi wan bua yaala kuli. O baa gbengi oba ki kpiagi o yuli ki tama ke o cie U Tienu leni i buli kuli, ki go maadi U Tienu yua n cie ban ŋua yaala kuli po mi biadikandikaama. Wan tieni yaala kuli baa cuoni opo bonŋanla hali U Tienu pabienli n doagidi. Lanwani U Tienu n den bili yaala kuli baa tieni.

U TIENU MAAMA TILI 2013

³⁶ Nujienu po diema bado yeni, baa yaa tiendi wan bua yaala kuli. O baa gbengi oba ki kpiagi o yuli, ki tama ke o cie U Tienu leni i buli kuli, ki go maadi U Tienu yua n cie ban ŋua yaala kuli po mi mabiadima. Wan tieni yaala kuli baa cuoni o po bonŋanla hali U Tienu pabienli n doagidi. Lani, U Tienu n den bili yaala kuli baa tieni.

Danieli 11:36 ပူးပေါင်းရင်းမြစ်များ

Pisomi 136:2

Pagi mani U Tienu yua n cie ban ŋua yaala kuli, Kelima o ŋanbili ye hali yaa yogunu kuli!

Pisomi 33:10

Li Miali Diedo fidi i nibuoli n jagi yaala. O biani bi niba yanjaga fanma.

Mi Kpanjama 19:21

O nisaalo pali nni a yanjaga yaba hali boncianla, Ama Li Miali Diedo n bili yaala yeni, lani n baa tieni.

Esayi 10:23

Lan bili ke yaa bolinma n baa tieni yeni, N Diedo Li Miali Diedo U Tienu U Paaciamu Kuli Daano teni Ke mi cili mi tuonli mi diema nni kuli.

Esayi 10:25

Li yaa waagi waamu kuli, N pabienli baa gbeni yipo, N pabienli yeni mo baa cuani bi bolinma.»

Esayi 10:5

Li Miali Diedo yedi: «Fala n baa Asili yaaba yaaba n tie n pabienli gbadunduli! Yaa gbiamu n ye bi nuu nni yeni doagidi n pabienli.

Esayi 14:13

A den tua a pali nni: ‹N baa do tanpoli. N baa bili n bali kalikaanu U Tienu ŋmabila yula po. N baa do ki kali i *buli kadikaanu juali po hali nijienu po.

Esayi 14:14

N baa do ti tawadi tanpojoma. Mini leni Tanpoli Badiciamo n baa yaa tie yenma.›

Esayi 26:20

Gedi mani n niba, kua mani yi diena nni Ki jili ki luoni yi buliñoana. Wuoni mani yi yula u yogunu waamu Hali o pabienli n kuugi.

Esayi 30:33

Bi tuodi ki bogini u juukaanu hali yogu, Li kaanu tie o bado moko yaa po yo. Li tie buogu yaagu n ñua ki go pia. Bi dogini likani yaa daadi n yaba boncianla mi juuma po. Li Miali Diedo ñoabu fawaama n baa cuoni ti nani li cidibili yeni.

Esayi 46:10

Hali mi cilima n den wangi yaala n baa faa ki cua, Hali yogu mo, N den tuodi ki wangi yaala n daa tieni. N yedi: n yanjagili baa tieni. N baa tieni min bua yaala mo.

Esayi 57:9

Yi yen fii ki gedi o bado kani leni mi kpama, Ki sogi yi yula tulale bonŋanla. Yi soani yi tonda hali foagima Ki tudi ki diindi ba bi tinkpiba diema nni.

Esekieli 28:2

«O ja na, ŋan yedi Tili bado ke o Diedo, Li Miali Diedo yedi mi ne: A pali den gbie leni ti japaadi ke a yedi: ‹N tie tienu yo, N kaa mi ñincianma siiga, i tieni bali kalikaanu po.› Ama, a li tie nisaale, ŋaa tie Tienu, Ki tama ke a yantiali tie U Tienu yantiale.

Esekieli 35:13

N den gbadi yin den maadi npo yaa japaamaama Leni yin den maadi npo yin bua yaa macagindi kuli.

Danieli 11:16

O baa tieni wan bua maama ke oba kuli kan yie opo. O baa kali yaa diema n ŋani ki cie diema kuli niinni ki yaa bolindi yaala n baa o nuu nni kuli.

Danieli 11:3

Ama o jakoando baa je li bali ki yaa die Gileka diema leni u paaciamu ki yaa tiendi wan bua yaala kuli.

Danieli 11:37

O bado yeni kan yaa fangi o baanba buli bi bi puoba bubuado. O kan yaa fangi buloba kelima o baa yaa tama ke o cie bikuli.

Danieli 12:7

Yua n den yie len tiadi yeni den yugidi o ganu leni o jienu ki tegini tanpoli, ki taa yua n ye hali yaa yogunu kuli yeli ki poli ki yedi ke li baa yaa tiendi ki pundi bina taa leni boagidima. O go den yedi ke li bonla yeni baa tieni ki gbeni U Tienu n den gagidi ki ŋanbi yaa nibuolu fidu n baa gbeni cain yaa yogunu.»

Danieli 2:47

O bado den yedi Danieli: «I moamoani, a Tienu tie U Tienu ki cie bi niba n ŋua yaala kuli, ki go tie bi badicianba kuli Diedo. Wani bebe n doagidi li bondoaginkaala kelima a fidi ki doagidi npo li bondoaginkaala yeni.»

Danieli 5:19

Kelima wani U Tienu n den ñani o yeli maama po, i nibuoli kuli leni diema kuli yaaba leni i mabuoli kuli den jie o ki digibi o nintuali. O den kpaani wan bua ki kpa yaaba, ki ŋaani wan bua ki ŋa yaaba. O den duondi wan bua yaaba, ki jiindi wan bua ki jiini yaaba.

Danieli 5:20

Ama wan den fiini o yuli ki juagi o pali ki cuoni leni ti japaadi yaa yogunu, bi den ga o bali, ki fie o kpiagidi.

Danieli 7:8

Min den diidi a yina yeni yaa yogunu, n den laa ke yintoali, yaali n wa ki cie aya, pudi a siiga ki ŋabi ya n den kpa ye yeni siiga yina taa. Ki yinbiga yeni den pia i nuni nani o nisaalo yeni, ki go pia bu ñoabu ki maadi mi japaamaama.

Danieli 8:19

O den yedi nni: ‹N baa waani a yaala n baa cua U Tienu pabienli juodima yogunu, kelima li bili o pabienli juodima n baa cua yaa yogunu no.

Danieli 8:4

N den laa ke li petonli yeni to leni li yina ki tiegi nintuali leni nijienu leni niganu. Yangiba kuli mo kan den fidi ki tuogi leni li lan gedi kaanu, oba kuli kan den fidi ki ga wan paadi yaaba. Li den tiendi lin bua yaala kuli ke li paalu pugidi.

Sakari 11:16

kelima n baa cuani mi diema po yaa yankpaalo n kan yagi o yama yaa pe n baa bodi po. O kan gedi ki ban lingi yaa pebiga n yaadi. O kan bu yaa pia n poagili. O kan ŋmandi nni yaa pe n pia laafia, ban guo. Ama o baa yaa ŋmani yaa pe n pia mi kpama, ki ŋmani ki ban taani leni a taawuoga kuli.»

Jan n diani U Tienu Laabaaliŋamo maama 5:30

N kan fidi ki tieni pu n yuceli po. N ja ti buudi nani min gba U Tienu kani maama. N ja yaa buudi n tiegi, kelima mii lingi ki baa tiendi n yaa yanbuama, kali yua n soani nni yaa yanbuama.

Jan n diani U Tienu Laabaaliŋamo maama 6:38

Kelima mii ñani tanpoli po ki jiidi ki baa tiendi n yanbuama ka, kali yua n soani nni yaa yanbuama.

Jesu Tondiba Tuona 4:28

Ban den taani yeni, bi den tieni ŋan den tuodi ki bili yaala kelima a paaciamu leni a yanjagili po.

Mi Tiadima 10:17

Kelima Li Miali Diedo yi Tienu tie ban pugi yaala kuli yaa Tienu, bi diediba kuli yaa Diedo, U Tienu yua yaa yeli n yaba ki pia u paalu leni i jeje. Waa tiendi gagidima bi niba siiga, waa gaani suuli mo.

2 Tesaloniki 2:3

Yin da tuo ke oba kuli n boandi yi, baa lan tie yaala kuli, ki yedi ke laa daali pundi, kelima laa daali kan cua se mi dandanyiema n kpa cua, ke mi biadima daano n doagidi, wani yua n baa gedi mi bodima po yeni.

2 Tesaloniki 2:4

O baa fiini o yuli ki yie bi niba n nua yaala nani li tie U Tienu yeni, bi ban kpiagidi yaala kuli. O baa kua ki kali hali U Tienu dieli ki yini o yuli U Tienu.

2 Tesaloniki 2:8

Lanyogunu mi biadima daano baa doagidi, o Diedo Jesu n baa bolini yua leni o ñoabu fawaama. O cuama kpiagidi baa biidi o tuonli cain.

Josue 22:22

«U Tienu, U Tienu, Li Miali Diedo, U Tienu, U Tienu wani Li Miali Diedo bani yaala yaa po ke ti tieni yeni. Isalele yaaba kuli moko baa bandi la. Li yaa tie ke ti fiini yieme, bi ke ti tieni tudibiadime Li Miali Diedo po, wan da cedi tin yaa ye.

Mi Doagidima 10:7

O maleki-leleelo yaa bogini ki baa piebi o kakaci, U Tienu bondoaginkaala baa tieni ki dudi nani wan den tuodi ki waani o naacenba, bi sawalipuaba maama.»

Mi Doagidima 12:14

Lani bi den puni o pua yeni jiebanciamo fiabi boni lie ke wan yugi ki gedi o kaanu yu n ye mi fanpienma nni, ban baan kubi o naanpo ki yaa dindi o hali bina taa leni boagidima, wan foagidi leni o wa yeni.

Mi Doagidima 13:1

Lani n den laa ki fuayanga ke o ña mi ñincianma nni. O den pia yina piiga leni yula lele. O yinpiiga yeni siiga yinli kuli den ciibi ki badifogiliga. Yaa yela n tie sugidi U Tienu po den taabi o yula po.

Mi Doagidima 17:17

Kelima U Tienu puni ba yaa yantiayenli ki baa tieni o yanjagili, ki pa ki fuayanga bi bali hali U Tienu maama n tieni ki dudi.

Mi Doagidima 17:3

O den taa nni nani ti dangidi yeni ki gedini nni mi fanpienma po. N den laa o pua ke o jagi yaa fuayanga n moani, ke yaa yela n sugidi U Tienu taabi ki kaani kuli. Ki den pia yula lele leni yina piiga.