Danieli 11:34 - Gourmanchéma Bible

³⁴ Fala yeni siiga, bi baa baa mi todima waamu bebe. Kelima yaaba n baa taani bipo siiga boncianla baa taani bipo leni i janbe.

U TIENU MAAMA TILI 2013

³⁴ Fala yeni siiga, bi baa baa mi todima waamu bebe, kelima yaaba n baa taani bi po siiga boncianla baa taani bi po leni i janbe.

Danieli 11:34 ပူးပေါင်းရင်းမြစ်များ

Danieli 11:21

Ban ki faadi yua baa ga o kaanu, ama o kan yaa pia badikpiagidi. O baa cua bi niba yama n dua ke baa bangi liba yaa yogunu, ki fie li bali kelima ti ñoamandi leni i janbi po.

Danieli 11:32

Leni o ñoamandi o baa tulini yaaba n miidi U Tienu ŋantaado. Ama U Tienu nibuolu siiga yaaba n bani wani bi Tienu yeni baa yaa se bonŋanla.

Matie 7:15

Yin fangi mani yi yula leni bi sawalipua-faadanba. Bi kpendi yikani ki dingi nani i pe yeni, ama moamoani, bi tie nani yaa fuasangbanbiadi n bua ki bolini yi yeni.

LOMA YAABA 16:18

Kelima laa nibuolu naa tuuni ti Diedo Kilisiti po ka, bi tuuni bi tugiceli po yo. Bi maadi mi madingima leni mi mamanma ki boandi yaaba n ki fani.

Galati 2:4

Laa maama den fii mo kelima bi nitianba yaaba n kaa den tie ti kpiiba moamoani den kua ti siiga nni ŋasiili nni, ki bua ki goandi ti ki bandi tin pia yaa *faabima Jesu Kilisiti nni, ke ban fidi ki go kuani ti li *balimaama yonbidi nni.

2 Timote 4:3

Kelima u yogunu baa ti cua ke bi niba kan go tuo ki yaa ŋua mi bangiŋanma, ama bi baa bua yaala n mani bipo bebe, ki lingi bi bangikaaba ki pugidipugidi, bani yaaba n baa bangi ba ban bua ki yaa gba yaala.

Titi 1:11

Li tie tiladi ŋan mubini bi ñoana, kelima bi yagini ti dietiandi yama ki bangi ki lingi ki baa i janbi ñuadi.

1 Jan 4:1

N buakaaba, yin da dugi mani yaaba n yedi ke bi pia U Tienu Fuoma kuli po. Ama yin biigi ba ki bandi bi yaa pia U Tienu n puuni yaa Fuoma, kelima bi sawalipua-faadanba boncianla yayadi ŋanduna nni.

1 Jan 4:5

Bani, bi tie ŋanduna yaaba, lani n teni bi maama tie ŋanduna yaama, ŋanduna yaaba mo cengi ba.

2 Jan 1:7

Kelima mi tulinma danba boncianla cua ki yayadi ŋanduna nni, yaaba n naa tuo ke Jesu Kilisiti den cua ki tua nisaalo. Laa nibuolu n tie mi tulinma daano leni *Kilisiti-yieka.

Jude 1:4

Kelima bi nitianba wuoni ki kua yi siiga, i Diani n den maadi yaaba yaa bujiali cuonu hali yogu. Bi tie U Tienu yiekaaba, yaaba n lebidi ti Tienu *ŋanbili ke lan tua mi conconma bonla. Bi go yie Jesu Kilisiti, wani yua bebe n tie ti Canbaa leni ti Diedo.

Mi Doagidima 12:13

O bonfuodibiado n den laa ke bi luni o ki tinga nni, o den ŋoadi ki faligidi o pua yua n mali ki bonjaga yeni.

Mi Doagidima 2:20

Ama min fu leni a yaala po tie ke a cedi yaa pua n yi Jesabeli, yua n tua ke o tie sawalipualo, bangi n naacenba ki tulini ba, ke bi tiendi mi *conconma ki go ŋmani ti padinandi.