Danieli 11:22 - Gourmanchéma Bible

²² O baa paadi yaa toagola n cua ki baa o kuli, ki go bolini U Tienu n den bili o *ŋantaado leni yaa nibuolu yaa yudaano yendo.

U TIENU MAAMA TILI 2013

²² O baa paadi yaa toagola n cua ki baa o kuli, ki go bolini U Tienu n den danli leni yaa buolu yaa yudaano yendo.

Danieli 11:22 ပူးပေါင်းရင်းမြစ်များ

Esayi 28:15

Yi tua: «Ti kuani o *ŋantaado leni mi kuuma, Ti bili mi mabilikaama leni bi tinkpiba diema. Yaa yebiadima n kpendi yaa cua mi kan nandi ti, Kelima mi faama n tie ti wuonkaanu, I boandi mo n tie tin yen sani ki deni naani.»

Danieli 11:10

Nijienu po diema bado bijaba baa bogini bu toabu ki taani yaa toagola n yaba hali boncianla. Bi siiga nni yendo baa suagi liiga ki gedi ganu po ki kandi nani u kpenciamu ñima yeni. O yaa lebidi ki goa ki kuni o denpo, o baa baa niganu po diema bado toadieli yaali n pa.

Danieli 11:23

Nibuotoe baa ti danli leni o, ama o baa janbi ba. O paalu baa yaa yabidi ki pugidi baa ke o niba ki fuu.

Danieli 8:25

Kelima o nunfanbiadibu po, o baa baa ki boandi nitoaba. Ti japaadi baa kua o niinni wan bolini bi niba boncianla yaaba n ye leni mi yanduanma. O baa fiini mi yiema bi badiba Bado po. Ama o baa bodi ke nisaalo nuu ki sii o.

Danieli 9:26

Laa binleleeda taalima piiluoba n milie yeni yaa pendi, bi baa kpa o nigagidika ke oba kan ga o. Yaa bado n baa ti cua toagola baa bolini u dogu yeni leni U Tienu kaangagidiŋamu. O bado yeni bolinma baa cua nani yaa ñingola n koadi yeni. Li bili ke mi bolinma baa yaa tiendi hali bu toabu juodima.

Amosi 8:8

Lani yaa po, mi diema kuli baa digibi, Mi diema yaaba kuli baa mua i kumoe, Mi diema kuli baa yaa fiidi ki goa ki ñuandi nani Ejipiti kpenciamu yeni.

Amosi 9:5

O Diedo Li Miali Diedo, U Paaciamu Kuli Daano Sii ki tinga ke ki digibi, Ki fiidi ki goa ki ñuandi nani Ejipiti kpenu yeni. Yaaba n ye kipo ye li paboanli nni.

Nahumi 1:8

O baa bolini o yibalinba nani mi ñincianma yeni, Ki deli ki kuani ba mi kuuma *biigili nni.