Danieli 10:19 - Gourmanchéma Bible

¹⁹ O den yedi nni: «N Tienu buado, da jie liba, duani a yama. Goa ki paagi a pali ki paagi aba.» Wan den maadi leni nni yeni, n go den goa ki baa u fidu ki yedi o: «N daano, maadi, kelima a goa ki paagi nni.»

U TIENU MAAMA TILI 2013

¹⁹ O den yedi nni: «N Tienu buado, da jie liba, duani a yama. Guani ki paagi a pali ki cuo ki sieni a gbanu.» Wan den maadi leni nni yeni, n go den guani ki baa u fidu ki yedi o: «N daano, maadi, kelima a guani ki paagi n gbanu.»

Danieli 10:19 ပူးပေါင်းရင်းမြစ်များ

Pisomi 138:3

Min den jaandi ki mia ŋa yaa daali, A den guani npo A den puni nni li papaali leni u fidu.

Esayi 35:4

Yedi mani yaaba yaa tugusoama n tiini: «Paagi mani yi pala ki da jie mani Yi Tienu n tie na. O baa tu yipo i panpaani. O baa pa yua kuli o panpaani Wani oba n kpendi ki baa faabi yi.»

Esayi 41:10

Ŋan da jie Kelima n ye leni a. Ŋan da nua leni yanbani Kelima n tie a Tienu. N baa pugidi a fidu N baa cua ki todi a N kubi a leni n nijienu yu paani li bonla kuli.

Esayi 41:14

Li Miali Diedo yedi: «Da jie liba fini Jakobo buolu yu n tadi nani o sidibilo yeni. Yinba Isalele yaaba, yaaba n tadi nani bi tinkpiba yeni, N kpendi ki baa ga yi, Mini yi daafaabika, Isalele Tienu Yua n Gagidi ki ŋani.

Danieli 10:18

Lani, yua n naani leni o nisaalo yeni didi go den sii nni ki paagi nni.

Danieli 9:23

Ŋan cili ki jaandi ki miadi U Tienu todima yaa yogunu, U Tienu ñoabonli ñani ke n cua ki baa waani a li, Kelima U Tienu bua ŋa. Moandi ki ga li ñoabonli yeni, Leni li bonlekaala mo n bua ki yedi yaala.

Age Tili 2:4

Li tie lani yaa po ke mini, U Tienu yedi Solobabeli leni Yehotisadaka bijua bi kopadicianba bado Josue leni yaa niba n sieni kuli ke ban paagi bi pala. Li Miali Diedo n yedi: ‹Fii mani ki cili ki yaa tuuni, Kelima n baa yaa ye leni yi, Li Miali Diedo U Paaciamu Kuli Daano n yedi yeni.

Sakari 8:13

Juda yaaba leni Isalele yaaba, Yaala n den baa yi den tua Ti solindi makpanjama i nilanbuoli siiga. Ama, n baa faabi yi ki teni yin tua li seli makpanjama bi siiga. Yin da go jie mani, paagi mani yi pala!»

Sakari 8:9

Li Miali Diedo, U Paaciamu Kuli Daano yedi yaa maama n tie na: «Paagi mani yi pala, Yinba, yaaba n gba u naa yogunu, N sawalipuaba n den waani yaa ñoaniani, Yaa yogunu ke bi den pu li tanpuuli, Ki baa goa ki maa n diegu.

Jan n diani U Tienu Laabaaliŋamo maama 11:3

A naataanpola yeni den soani u tondu Jesu kani ki yedi o: «Ti Daano, a buado yia.»

Jan n diani U Tienu Laabaaliŋamo maama 11:36

Lani yaa po Jufinba den yedi: «Diidi ki le mani wan den bua o maama.»

Jan n diani U Tienu Laabaaliŋamo maama 11:5

Jesu den bua Malata leni o waalo leni Lasala.

Jan n diani U Tienu Laabaaliŋamo maama 14:27

N ŋa yipo mi yanduanma. N puni yi n yaa yanduanme. Mii puuni yi ma nani ŋanduna n puuni maama ka. Yin da yagi mani yi yama, yin da jie mani.

Jan n diani U Tienu Laabaaliŋamo maama 16:33

N waani yi lani ke yin yaa pia mi yanduanma n niinni. Ŋanduna nni yi baa le o falabiado, ama yin paagi mani yi pala. Mini, n paadi ŋanduna.»

Jan n diani U Tienu Laabaaliŋamo maama 19:26

Jesu n den laa o naa leni wan bua yaa ŋoadika ke o se leni o, o den yedi o naa: «Pua, no a bijua nna.»

Jan n diani U Tienu Laabaaliŋamo maama 21:20

Pieli den jili ki laa Jesu n bua yaa ŋoadika ke o se bi puoli. Laa ŋoadika n den kpagini ki nagini Jesu ban den taani ki di ban den cuo Jesu yaa ñiagu, ki den buali Jesu: «N Diedo, ŋme n baa janbi a?»

1 Korenti 16:13

Yin yaa gu mani, ki yaa se ke li pa li *dandanli nni, tua mani jaba, paagi mani yiba.

2 Korenti 12:9

Ama o den yedi nni: «N *ŋanbili dagidi apo kelima n paaciamu tuuni ki pundi li bianu ku tadingu nni.» Lani yaa po n baa kpiagidi n yuli ki pugidi n tadingu nni ke Kilisiti yaa paaciamu n yaa ŋua nni.

Efesa 6:10

N majuodikaama n tie na: Yin yaa baadi mani yi fidu o Diedo kani leni o paaciamu yu n cie li bonla kuli nni.

2 Timote 2:1

Lanwani fini n biga, yaa paagidi a pali yaa *ŋanbili n ye Jesu Kilisiti nni niinni.

Josue 1:9

Ŋan da sundi ke n teni a yaa ñoabonli n tie na: Ŋan paagi aba ki paagi a pali. Ŋan da jie liba kuli, ŋan da cedi liba n wudi a gbanu, kelima mini Li Miali Diedo a Tienu ye leni a ŋan fii ki baa tieni yaala kuli nni.»

Mi Doagidima 1:17

Min den laa o yaa yogunu, n den baa o taana kani nani n kpe yeni. O den maani npo o jienu ki yedi: «Ŋan da jie liba. Mini n tie o kpialo leni o juodika,

Bi Bujiaba 6:23

Li Miali Diedo den yedi o: «Ŋan duani a yama, ŋan da jie, a kan kpe.»