Danieli 10:16 - Gourmanchéma Bible

¹⁶ Lani, yua n den naani leni o nisaalo den sii n ñoacuuna. N den fidi ki yaadi n ñoabu ki maadi. N den yedi yua n den se n nintuali yeni: «N daano, li bonlekaala ne po teni ke ti jawaandi cuo nni ke n gbanu kpe.

U TIENU MAAMA TILI 2013

¹⁶ Lani, yua n den naani leni o nisaalo den sii n ñoacuuna. N den fidi ki yaadi n ñoabu ki maadi. N den yedi yua n se n nintuali yeni: «N daano, li bonlekaala ne po teni ke ti jawaandi cuo nni, ke n gbanu kpe.

Danieli 10:16 ပူးပေါင်းရင်းမြစ်များ

Mi Ñama 4:10

Musa den yedi Li Miali Diedo: «O n Diedo mii tie mi maama n dingi yua yaa po. Laa cili wonli bi wonlitunma bi ŋan cili ki maadi leni a naacemo ka, kelima mi maama pa n ñoabu leni n lanbu po.»

Mi Ñama 4:13

Musa den yedi: «O n Diedo, ŋan soani ŋan bua ki soani yua.»

O Yanfuodaano 1:18

A yaa baa mi yanfuoma boncianla, a yanyagidi moko baa yaa yaba. A yaa pugini a bandima, a pugini a fala moko.

Esayi 6:7

O den sii n ñoabu leni li mukuanli ki yedi: «Line sii a ñoacuuna. A tagili ñani, a baa a *tuonbiadi sugili mo.»

Jeremi 1:9

Lan yuandi Li Miali Diedo den tandi o nuu ki sii n ñoabu ki yedi: «Diidi n kuani n maama a ñoabu nni.

Esekieli 1:26

Yaala n den naani leni safili tanli, ki go naani leni li bali kalikaanu den ye yaala n den liibi bi yula po yaa yuli po. Yaala n den naani leni li bali kalikaanu yeni po, o nilo nannanli den se lipo.

Esekieli 3:27

Ama n yaa baa ti maadi leni a yaa yogunu, n baa teni ŋan go fidi ki maadi, ke ŋan yedi ba: ‹O Diedo, Li Miali Diedo n yedi yaa maama nne: Yua n bua ki cengi, n cengi, yua n ki bua cengi mo n da cengi,› kelima bi tie nibuoyieko yo.»

Esekieli 33:22

Ku yenjuogu hali ke o daa den cua n kani, Li Miali Diedo paalu den teni ke n fidi ki maadi. Lan den fii ki faa ku tiŋaagu ke yua n den ŋmadi i yonbi siiga yeni cua n kani, mii go den tie muulo. N di den baa fidi ki maadi.

Danieli 12:8

N den gbadi o maama, ama mii den fidi ki ga ma. Lanwani n den buali o: «Laa bonla kuli baa juodi lede?»

Danieli 4:19

Bu tibu yeni tie fini o bado yo. A yeli kpedi, a paalu yabidi, a bali kpiagidi yabidi ki pundi hali tanpoli, a diema mo yabidi ke a diedi hali ŋanduna bianu kuli.

Danieli 7:15

Mini Danieli yama den yagi boncianla. Min den laa yaa bonlekaala den pia npo i jeje boncianla.

Danieli 7:28

Li maama gbenma n yeni. Mini Danieli yama den yagi, i jeje den cuo nni ke n tugusoama sani ke n nunga gbidi. N den kubi mi maama yeni n pali nni.

Danieli 8:15

Mini Danieli n den diidi li bonlekaala yeni ki bua ki bandi li bundima, yua n naani leni o nisaalo den cua ki sedi n nintuali.

Danieli 8:17

Gabiyeli den nagini min se naankani. Wan den nagini yaa yogunu ti jawaandi den cuo nni ke n baa ki labini. O den yedi nni: ‹Danieli, a tie nisaalo, ama ŋan bandi ke yaa bonlekaala n tie ne waani mi juodima maama fuule.›

Danieli 8:18

Wan den maadi leni nni yaa yogunu n de baa laabi ke ti jawaandi den pugini npo ke n pabi. O den sii nni ki fiini ki sieni nni.

Danieli 8:27

Laa yogunu mini Danieli den tadigi ki yiagi danaba. Min den paagi, n den fii ki go tuuni o bado tuonli. Ama laa bonlekaala den wudi n gbanu, kelima mii den ga lan bua ki yedi yaala.› »

Danieli 9:21

Min den jaandi yeni yaa yogunu, Gabiyeli, min den kpa laa yua li bonlekaala nni yeni den yugi ki jaligi ki cua n kani ku yenjuogu padili yogunu.

Luki 1:64

Lanyogunu lanyogunu Sakali lanbu den tabidi, ke o fidi ki yaadi ki pagi U Tienu.

Luki 21:15

Kelima mini nba baa ti pa yin baa maadi leni yaa yanfuoma ke yi koanginkaaba siiga baa yendo kan fidi ki nia ki yie ma.

Jan n diani U Tienu Laabaaliŋamo maama 20:28

Toma den goa ki yedi o: «N Diedo leni n Tienu.»

Josue 5:14

O den goa ki yedi o: «Mii tie bi siiga oba. N tie Li Miali Diedo toagoli yudaano yo. N pundi moala nne.» Lani Josue den labini ki pugi o ki yedi: «N daano, a bua ki puogi mini a naacemo be?»

Mi Doagidima 1:13

Yua n naani leni o nisaalo den ye i fidisantuankaani yeni siiga. O den laa liadicianli ke li jiidi hali o taafaadi, ki ñaagi o benli wula ñagidu.

Bi Bujiaba 13:8

Manoa den jaandi ki mia Li Miali Diedo ki yedi: «O Diedo, n mia ŋa ŋan teni ŋan bi soani Li Miali Diedo nilo yua yeni n goa ki cua ne ki waani ti tin baa tieni yaala tin baa maa yaa biga yeni po.»

Bi Bujiaba 6:13

Jedeyono den yedi o: «Ŋain, n daano, Li Miali Diedo yaa ye leni ti, be yaa po ke yaa yebiadima n tie na kuli cuo ti? Ti yaajanba n den togidi ti yaa bancianma yaa togida ki tua ke U Tienu den ñani ba Ejipiti diema nni yeni kuli ye le? Moala U Tienu ŋa ti ki taa ti ki teni Madiana yaaba nuu nni.»

Bi Bujiaba 6:15

Jedeyono den yedi o: «Ŋain, n daano, n baa faabi Isalele yaaba lede? Diidi, n baadiegu yaaba tie Manase buolu yaaba siiga yaaba n tadi ki cie. N mo mini n tie n baadiegu yaaba siiga ku bijuogu.»