Danieli 10:14 - Gourmanchéma Bible

¹⁴ N cua a kani ki baa waani a yaala n baa ti faa ki cua a nibuolu yaaba po. Kelima li go pia li bonlekaala laa yogunu po.»

U TIENU MAAMA TILI 2013

¹⁴ O den yedi nni: n cua a kani ki baa waani a yaala n baa ti faa ki cua a buolu po, kelima li go pia li bonlekaala lanyogunu po.»

Danieli 10:14 ပူးပေါင်းရင်းမြစ်များ

Mi cilima 49:1

Jakobo den yini o bijaba ki yedi ba: «Taani mani ke n baa waani yi yaala n faadi ki ye yi kuli yendo yendo yaa po.

Esayi 2:2

Mi juodima yogunu yaa pundi, Li Miali Diedo bili, Ke o diegu n ye yaa juali po Baa kpedi ki cie a joabila kuli, Baa a joaciama moko. I nilanbuoli kuli mo baa tigibi ki caa likani.

Esekieli 12:27

«O ja na, Isalele buolu yaaba tua ke ŋan laadi yaa bonlekaala yeni Kan tieni moala ka, Ke ŋan pua yaa sawalo mo baa waagi ki daa tieni.

Esekieli 38:16

A baa fii ki cua ki baa n niba Isalele yaaba Nani ti tawadi n yen libini mi diema maama yeni. Laa bonla baa tieni mi juodima yogunu. N baa teni ŋan cua ki baa n diema Ke i nilanbuoli n bandi nni, Fini Gogi n baa teni min gagidi ki ŋanbi bi nintuali yaa yogunu.›

Danieli 10:1

Pelisa diema bado Silusa bali bintaali binli, U Tienu ñoabonli go den doagidi Danieli, ban go yi yua Belisasa po. Li ñoabonli yeni tie moamoani, ama li gbadima den pa boncianla. Danieli den baa li doagidima li bonlekaala nne.

Danieli 12:4

Fini Danieli, ŋan kubi mi maama yeni lan yaa tie ŋasiili, ŋan da doagidi li tili yeni n yedi yaala hali mi juodima yogunu n pundi. Li yogunu bi niba boncianla baa cogi li bi bandima n pugini.

Danieli 12:9

O den goa ki yedi nni: «Danieli, ŋan da yagi a yama kelima li baa yaa tie ŋasiili ki puabi ki bili hali mi juodima yogunu.

Danieli 2:28

Ama tanpoli pia yaa Tienu n doagidi li bondoaginkaala. O bado, wani n waani a yaala n baa ti faa ki cua.

Danieli 8:16

N den gbadi u nialu ke u ñani Ulayi kpenu siiga nni ki kpaani ki yedi o: ‹Gabiyeli, bundi o ja ne po li bonlekaala yeni.›

Danieli 8:26

Ŋan dangi ki laa ke bi maadi yaa tiŋaadi leni yaa yenjuodi maama li bonlekaala nni yeni tie moamoani. Ama ŋan yaa kubi li bonlekaala yeni lan yaa tie ŋasiili, kelima li maadi yaa yogunu n ye hali liiga yaa po.

Danieli 9:22

O den maadi leni nni ki waani nni ki yedi: ‹Danieli, n cua ki baa doagidi apo sawali yeni fuule.

Ose Tili 3:5

Li yaa puoli bi baa lebidi ki cua ki lingi Li Miali Diedo, bi Tienu leni bi bado, Dafidi puoliŋuani siiga. Bi baa faa ki guani Li Miali Diedo kani leni li fangili, ki go baa o *ŋanbili.

Mise 4:1

Mi juodima yogunu yaa pundi, Li Miali Diedo bili, Ke o diegu n ye yaa juali po Baa kpedi ki cie a joabila kuli, Baa a joaciama moko. I nibuoli baa tigibi ki caa likani.

Habakuki 2:3

N jagi ki bili li bonlekaala yeni n baa tieni yaa yogunu. Li yogunu kan pendi. Baa li yaa waagi, ŋan yaa guu. Yen de, li baa cua ke laa pia kuli tama, Li yogunu kan mibidi.

Mi Coadima 24:14

To moala n baa lebidi ki kuni n nibuolu po. Cua ne min tuodi ki waani a, laa nibuolu n baa ti faa ki soani a niba yaa tuona.»

Mi Tiadima 31:21

Fala leni li paboanli buoli boncianla yaa ti nandi ba yaa yogunu, bu naa yanbu, bi puoliŋuani n kan sundi yaabu yaa po yeni, baa yaa tie laa niba po siedi, kelima n bani cain dinla ban jagi yaala hali ke n daa teni ke bi kua min poli ke n baa pa ba yaa diema yeni niinni.»

Mi Tiadima 31:29

Kelima n bani n yaa kpe, yi baa *joagini ki go fiagi yi yula, ki yaadi ki ŋa min bili yipo yaa sanu yeni. Lani, fala baa faa ki ŋma yi yaa yogunu n kpendi po, yaa yogunu ke yi baa tieni mi biadima, hali maama ke yi baa fiini o pali leni yi nii bontienkaala.»

Mi Tiadima 4:30

Laa bonla kuli yaa tieni yi ke yi ye li paboanli nni yaa yogunu, yi baa lebidi ki guani Li Miali Diedo yi Tienu kani ki cengi o nialu.

2 Timote 3:1

N bua ŋan bandi ke a juodidana yaa nagidi, yaa yogini n pa baa cua.

Hebilunba 2:3

Lanwani ti yaa fangi laa tindicianma, o Diedo wani oba n den kpa waani ti yaama yaa maama, ti baa tieni lede ki sani ki cia o cuonu? Yaaba n den gbadi laa maama o Diedo ñoabu nni mo den tieni tipo siedi ke mi tie moamoani.