Danieli 10:12 - Gourmanchéma Bible

¹² O go den yedi nni: «Danieli, ŋan da jie liba kelima hali ŋan den cili yaa daali ki kuani a yama ki bua ki bandi yaala n tiendi, ki go miini a yuli a Tienu nintuali, o ga a miabu. Li tie a miabu yeni yaa po yo ke n cua.

U TIENU MAAMA TILI 2013

¹² O go den yedi nni: «Danieli, ŋan da jie liba, kelima hali ŋan den cili yaa daali ki kuani a yama, ki bua ki bandi yaala n tiendi, ki go miini a yuli a Tienu nintuali, o gaa a miabu. Li tie a miabu yeni yaa po yo, ke n cua.

Danieli 10:12 ပူးပေါင်းရင်းမြစ်များ

Pisomi 69:10

A diegu yankuali cuo nni hali boncianla. Yaaba n sugidi a yeni, bi sugidi baali n yaa po.

Esayi 35:4

Yedi mani yaaba yaa tugusoama n tiini: «Paagi mani yi pala ki da jie mani Yi Tienu n tie na. O baa tu yipo i panpaani. O baa pa yua kuli o panpaani Wani oba n kpendi ki baa faabi yi.»

Esayi 41:10

Ŋan da jie Kelima n ye leni a. Ŋan da nua leni yanbani Kelima n tie a Tienu. N baa pugidi a fidu N baa cua ki todi a N kubi a leni n nijienu yu paani li bonla kuli.

Esayi 41:14

Li Miali Diedo yedi: «Da jie liba fini Jakobo buolu yu n tadi nani o sidibilo yeni. Yinba Isalele yaaba, yaaba n tadi nani bi tinkpiba yeni, N kpendi ki baa ga yi, Mini yi daafaabika, Isalele Tienu Yua n Gagidi ki ŋani.

Esayi 58:9

Lanwani yi yaa yini, Li Miali Diedo mo baa tuo. Yi yaa kuudi, O baa yedi: «Mini nne!» Yi yaa paadi leni ki mabinga Ki cedi li jamuali Leni yaa maama n ki pia fuoma,

Esayi 65:24

Lanwani hali ke bi daa jaandi ki mia nni N baa tuo bipo. Hali ke bi daa maadi ki gbeni mo N baa guani bipo.

Danieli 10:11

O ja yeni den yedi nni: «Danieli, U Tienu buado, U Tienu soani nni a kani moala ne. Lanwani ŋan sedi ki moandi ki ga min baa yedi a yaala.» Wan den yedi nni yeni, n den fii ki sedi ki digibi.

Danieli 10:19

O den yedi nni: «N Tienu buado, da jie liba, duani a yama. Goa ki paagi a pali ki paagi aba.» Wan den maadi leni nni yeni, n go den goa ki baa u fidu ki yedi o: «N daano, maadi, kelima a goa ki paagi nni.»

Levi 16:29

Line n tie yaa *bali maama n kan pendi hali abada. Cilele yaa danpiiga daali, yi baa loli yi ñoana ki waani yi yula fala. Yi kan soani tuonliba kuli, baa u dogu maabiga, baa yaa caano n kaa yi siiga kan soani tuonliba kuli.

Levi 16:31

Laa daali baa tie yipo *fuodima daali. Yi baa loli yi ñoana ki waani yi yula fala. Li tie yaa bali maama n kan pendi hali abada.

Mi Coadima 29:7

Cilele yaa danpiiga daali, yi baa taani ki tieni taangagidikaali, ki loli bu ñoabu. Yi kan soani tuonliba kuli.

Matie 28:10

Jesu den yedi ba: «Yin da jie mani, gedi mani ki ban waani n kpiiba ke ban gedi Galile, bi baan le nni lanpo.»

Matie 28:5

Maleki yeni den yedi bi puoba: «Yinba wani n da jie mani, n bani ke yi lingi Jesu ban den joani yua li *dapoanpoanli po.

Marki 16:6

O den yedi ba: «Yin da jie mani, yi lingi Nasaleti yua Jesu, ban den joani yua li *dapoanpoanli po. Waa go ye ne, o fii bi tinkpiba siiga. Diidi mani ban den duani o naankani.

Luki 1:13

Ama Maleki den yedi o: «Sakali, ŋan da jie, U Tienu ga a miabu, a pua Elisabeta baa maa apo bonjaga, ŋan yini o Jan.

Luki 1:30

Maleki den yedi o: «Maliyama, ŋan da jie, kelima a baa li ŋanbili U Tienu kani.

Luki 2:10

Maleki den yedi ba: «Da jie mani. Kelima n cuani yipo o laabaaliŋamo, yua n baa tua bi niba kuli po pamancianli.

Luki 24:38

Jesu den yedi ba: «Be n teni ke yi yama yagi yeni, be yaa po ke yi pia laa yanmaalibuolu yi pala nni?

Jesu Tondiba Tuona 27:24

ki yedi nni: ‹Polo, ŋan da jie liba. Li tie tiladi ŋan pundi ki sedi *Sesa nintuali. U Tienu go ŋanbi apo ki puni a ke yaaba n ye leni a ku ñinbiagu na niinni kuli siiga, baa yendo kan bodi.›

Mi Doagidima 1:17

Min den laa o yaa yogunu, n den baa o taana kani nani n kpe yeni. O den maani npo o jienu ki yedi: «Ŋan da jie liba. Mini n tie o kpialo leni o juodika,