Danieli 10:1 - Gourmanchéma Bible

¹ Pelisa diema bado Silusa bali bintaali binli, U Tienu ñoabonli go den doagidi Danieli, ban go yi yua Belisasa po. Li ñoabonli yeni tie moamoani, ama li gbadima den pa boncianla. Danieli den baa li doagidima li bonlekaala nne.

U TIENU MAAMA TILI 2013

¹ Persi diema bado Sirusi bali bintaali, U Tienu ñoamabonli go den doagidi Danieli, ban go yi yua Belitisasari po. Li ñoamabonli yeni tie moamoani, ama li gbadima den pa boncianla. Danieli den baa li gbadima li bonlekaala nne.

Danieli 10:1 ပူးပေါင်းရင်းမြစ်များ

Mi cilima 41:32

Laa dangidi n tieni figilima lie Falono po yeni, li bua ki yedi ke U Tienu bili ke laa bonla baa tieni tilade. O baa teni lan jaligi ki tieni mo.

2 Bi Badiba Jama 36:22

Pelisa diema bado Silusa bali binkpiali binli, Li Miali Diedo den jagi ke o baa tieni wan den teni ke o sawalipualo Jelemi yedi yaala. O den teni ke Pelisa diema bado Silusa yeni baa li yantiali ki ñani li ñoabonli ki diani li ki soani o diema kuli nni ki yedi:

Esidirasi 3:7

Bi den taa i ligi ki teni yaaba n baa kpie a tana leni yaaba n baa kpie ti daadi. Bi go den teni Sidoni dogu yaaba leni Tili dogu yaaba mi jiema leni li bonñokaala leni mi kpama, ke ban pedi Libani sedili tiidi, ki gedini ti mi ñincianma kani ke u ñinfaalu n figi ki cuani ti hali Jafa dogu po. Likuli den tieni nani Pelisa bado Silusa n den puni u sanu maama.

Esidirasi 4:3

Ama Solobabeli leni Josue leni Isalele yaaba diedanba yaaba n sieni den goa ki yedi ba: «Laa dagidi yin taani leni ti ki maa U Tienu diegu. Ti baa maa gu tinba tibebe kelima ku baa yaa tie li Miali Diedo Isalele yaaba Tienu diegu. Baa Pelisa diema bado Silusa den bili yeni.»

Esidirasi 4:5

Pelisa bado Silusa miali dana kuli, ki yaa caa hali Daliyusa yaa bali yogunu, bi den baa ban suu yaa cancantieba i ligi ke ban moandi ke Jufinba tuona n sedi.

Esidirasi 6:14

Jufinba yudanba den suagi liiga ki maa ke U Tienu sawalipualo Aje leni Ido bijua Sakali den tundi ba ki paagidi bi pala ke li den cuoni bonŋanla. Bi den maa ki gbeni nani Isalele yaaba Tienu ñoabonli n den bili maama leni Pelisa diema badicianba Silusa leni Daliyusa leni Alitakiselisesi kuli ñoabona n den bili maama.

Esidirasi 6:3

«O bado Silusa bali binkpiali binli o den ñani yaa ñoabonli n tie ne: Ban goa ki maa U Tienu diegu yaagu n ye Jelusalema, kun yaa tie ban baa yaa padi a pada naankani. Ban cili li tanpuuli lin yaa pa. Li kpedima baa yaa tie nukpanduna piiluoba.

Esayi 44:28

N maadi Silusa ki yedi ke o tie n yankpaalo. O baa tiendi n yanbuama kuli. O baa yedi Jelusalema dogu po: ‹Ban goa ki maa u!› Ki go yedi U Tienu diegu po mo: ‹Ban cili ku tanpuuli!› »

Danieli 1:17

U Tienu den puni bi jawaanaadiba yeni mi bandima leni mi yanfuoma u cogu leni mi bangima nni. Danieli mo go den baa fidi ki bandi ki go bundi li bonlekaala leni ti dangidi kuli.

Danieli 1:21

Danieli den tuuni yeni hali o bado Silusa bali binkpiali binli.

Danieli 1:7

Mu moagilimu yudaano den lebidi bi yela ki yini Danieli Belisasa, Hanania Sadilaki, Mikayeli Mesaki, Asalia mo Abedi-Nego.

Danieli 10:14

N cua a kani ki baa waani a yaala n baa ti faa ki cua a nibuolu yaaba po. Kelima li go pia li bonlekaala laa yogunu po.»

Danieli 11:2

Moala n baa waani a i moamoani. Diidi ki le, batieba taa go baa je li bali ki ŋoaŋoadi biyaba ki diedi Pelisa diema. Li yaa puoli o badinaalo baa baa mi piama ki cie bikuli. O paalu yaa pugini boncianla kelima o piama yeni po, o baa taani o diema yaaba kuli ban tuogi leni Gileka diema yaaba bu toabu.

Danieli 12:4

Fini Danieli, ŋan kubi mi maama yeni lan yaa tie ŋasiili, ŋan da doagidi li tili yeni n yedi yaala hali mi juodima yogunu n pundi. Li yogunu bi niba boncianla baa cogi li bi bandima n pugini.

Danieli 12:9

O den goa ki yedi nni: «Danieli, ŋan da yagi a yama kelima li baa yaa tie ŋasiili ki puabi ki bili hali mi juodima yogunu.

Danieli 2:21

O lebidi jama leni i yogini. O fiindi bi badiciantianba bi gbandi po, Ki kaandi toaba mo ti gbandi po. Wani n puuni bi yanfodanba mi yanfuoma, Ki go puuni mi banma danba mi bandima

Danieli 4:8

Bu tibu yeni den kpedi ki yabidi ki pa. Bu joma den pundi hali tanpoli. Yua n den ye baa u tinbianu den baa yaa nua bu.

Danieli 5:12

kelima bi den laa ke wani Danieli, o bado n den lebidi yua yaa yeli ki yini o Belisasa, pia yaa yantiali n ŋani ki cie, leni mi bandima leni mi yanfuoma, ki fidi ki bundi ti dangidi leni mi kpanjañuanma, ki go fidi ki galiti yaala n gali. Lani yaa po ŋan teni ban yini wani Danieli, o baa bundi apo laa diani n yedi yaala.»

Danieli 5:17

Danieli den yedi o: «A kubi a paabu, bi ŋan pa nitoa. Ama baa yeni, n baa cogi i diani ne ki go bundi apo.

Danieli 6:28

Wani n ciadi ki faabidi, Ki tieni sinankeeninba leni mi bancianma, Tanpoli leni ki tinga nni kuli. Wani n ga Danieli i yangbanli kani.»

Danieli 8:16

N den gbadi u nialu ke u ñani Ulayi kpenu siiga nni ki kpaani ki yedi o: ‹Gabiyeli, bundi o ja ne po li bonlekaala yeni.›

Danieli 8:26

Ŋan dangi ki laa ke bi maadi yaa tiŋaadi leni yaa yenjuodi maama li bonlekaala nni yeni tie moamoani. Ama ŋan yaa kubi li bonlekaala yeni lan yaa tie ŋasiili, kelima li maadi yaa yogunu n ye hali liiga yaa po.

Luki 1:20

Nani ŋan ki dugi n maama po yaama n baa tieni mi yogunu yaa pundi yeni, a baa tua muulo ki kan go fidi ki maadi hali laa bonla n baan tieni yaa daali.»

Mi Doagidima 19:9

Lani maleki yeni den yedi nni: «Diani yaa maama n tie na: li pamanli ye leni ban yini yaaba ki Pebiga pocaajiema po.» O go den yedi nni: «Mi naa maama tie U Tienu n maadi yaa moamoani.»