Danieli 1:2 - Gourmanchéma Bible

² O Diedo den taa Juda diema bado Yeojakimi ki teni Nebukanesa nuu nni, ki teni ke o taa wani U Tienu diegu tiadi ti tiandi. Nebukanesa den taa a kpaada leni mu tadimu ki gedini Sineala diema nni. O den kuani ti tiadi yeni o *bulo dieli nni ki bili ti li ŋalimandieli nni.

U TIENU MAAMA TILI 2013

² O Diedo den taa Juda diema bado Joakimi ki luni Nebukanesa nuu nni, ki teni ke o taa wani U Tienu diegu tiadi ti tiandi. Nebukanesa den taa a kpaada leni mu tadimu ki gedini Sineari diema nni. O den kuani ti tiadi yeni o budieli nni, ki bili ti li ŋalimandieli nni.

Danieli 1:2 ပူးပေါင်းရင်းမြစ်များ

Mi cilima 10:10

O den cili ki diedi Babela leni Eleki leni Akada leni Kaline, yaa dogi n ye Sineala yaa diema nni.

Mi cilima 11:2

Bi den ñani puoli po yaa diema ki ban pundi yaa joaloangu n ye Sineala yaa diema nni ki kali ki baa yaa ye lankani.

2 Bi Badiba 24:1

Yeojakimi bali yogunu, Babilona bado Nebukanesa den baa Juda diema. O den paadi Yeojakimi ki diedi o bina taa. Ama Yeojakimi den yie ke Babilona bado kan go yaa die o.

2 Bi Badiba Jama 36:5

Yeojakimi den dini li bali ki pia piilie n bina muu. O den kali ti gbandi po piiga n binyenli Jelusalema nni. O den tieni yaala n bia Li Miali Diedo o Tienu po.

2 Bi Badiba Jama 36:7

Nebukanesa den tugi Li Miali Diedo diegu nni tiadi ki gedini ti Babilona po ki ban kuani ti wani o bado yaa diegu nni.

Esidirasi 1:7

Nebukanesa n den fie yaa tadimu Li Miali Diedo diegu nni ki ñani mu Jelusalema ki gedi ke ban kuani mu o budieli nni yeni, o bado Silusa den taani mu ki goa ki guani mu.

Esayi 11:11

Laa daali O Diedo baa goa ki tandi o nuu Ki da ki faabi o niba Yaaba n sieni ki ye Asili leni Ejipiti diema nni, Patilosi leni Etiopi, Elami, Sineala, Hamati leni mi ñincianma kpendega nni.

Esayi 42:24

Ŋme n den taa Jakobo puoliŋuani Ki teni ba yaaba n kpabidi ba nuu nni? Ŋme n den taa bani Isalele yaaba Ki teni ba yaaba n fagi ba nuu nni? Naani laa tie Li Miali Diedo Tin tieni yua yaa po ti *tuonbiadi yeni kaa? Baa den bua ki cuoni o sani nni, Baa den cengi o balimaama.

Jeremi 25:1

Ban den maadi leni Jelemi yaa maama Juda buolu yaaba kuli po o bado Yeojakimi Josiasi bijua, yua den tie Juda bado, li den tie Babilona bado Nebukanesa bali binkpiali.

Jeremi 27:16

N maadi leni bi kopadicianba leni li nitaanli kuli ki waani ke Li Miali Diedo yedi: «Yin da cengi mani yi sawalipuaba yaaba n tua yi: ‹Moala ke bi guani ban den taa yaa tiadi Li Miali Diedo diegu nni ki gedini Babilona!› Kelima ban pua yi yaa sawalo kuli tie faame.

Jeremi 28:3

Ne leni bina lie n baa teni ban guani u naa kaanu, Li Miali Diedo diegu nni tiadi, Babilona bado Nebukanesa n den ñani yaadi ne ki gedini ti Babilona diema po yeni kuli.

Jeremi 35:11

Nebukanesa Babilona bado n den cua ki baa mi naa diema, ti den yedi: ‹Fii mani tin gedi Jelusalema ki sani Babilona yaaba toatieba leni Sili yaaba toagoli. Li ga yene ke ti cua ki kali Jelusalema dogu nni.› »

Jeremi 50:2

«Pa mani li laabaalo i nibuoli siiga. Moandi mani ban gbadi la. Caani mani li *tuudicabili. Teni mani ban gbadi li maama, da wuoni mani la. Yedi mani: ‹Bi cuo Babilona!› O *bulo Beli laa i fe boncianla. O bulo Melodaki mo jie ki luodi! Ban tagi yaa nannana laa i fe n yeni! O buli jie ki luodi!

Jeremi 51:44

N baa fii ki sedi Beli po Babilona nni. N baa dadi ki lobidi o ñoabu nni wan kpibi yaala. I nibuoli kan go yaa tigibi ki caa opo. Baa Babilona bilinu ŋmadi ki baa.

Danieli 5:13

Bi den cuani Danieli o bado kani. O bado den buali o: «Fini n tie Danieli, ban cuo yaaba siiga, n baa o bado n den ñani yaaba Juda diema nni ki cuani ne yeni?

Danieli 5:18

O bado, Tanpojoma Tienu den dini a baa Nebukanesa li bali ke o tua badiciamo ki go puni o ti kpiagidi leni ti jigidi ki ñani o yeli.

Habakuki 1:16

Lanwani bi padi a pada bi taali yeni po, Ki juugi yaa sinma n pia u nuulimanu ki kpiagidi yi, Kelima yini n teni ke bi baadi yaa jiema n yaba ki go mani mo.

Sakari 5:11

O den goa ki yedi nni: «Bi caani gu Babilona diema po yo ki baa n maa kupo li dieli. Bi yaa maa ki gbeni li, bi baa sieni gu laanni.»

Mi Tiadima 32:30

Li baa ga lede niyendo n fidi ki deli niba tudili? Niba tudapiiga mo baa sani niba lie nintuali lede? Li yaa bi tie ke bi tanciangu yeni kuadi ba yaaka Li yaa bi tie ke Li Miali Diedo yaa kaa taa ba ki teni yi.

Bi Bujiaba 2:14

Lani yaa po Li Miali Diedo pali den beni Isalele yaaba po ke o den taa ba ki teni yaa toagola n yen fenli yaa nuu nni ke bi den fenli ba. O den taa ba ki teni bi yibalinba yaaba n lindi ba yaa nuu nni ke baa go den fidi ki togidi leni ba, ke li caa kaanu.

Bi Bujiaba 3:8

Li Miali Diedo pali den beni Isalele yaaba po. O den taa ba ki teni Mesopotami diema bado Kusani-Liseyatayimi nuu nni. Bi den tie o bado yeni yonbi hali bina nii.

Bi Bujiaba 4:2

Lani Li Miali Diedo den taa ba ki teni Kanana bado Jabini nuu nni, yua n den kaa Hasoli dociamu. O toatieba yudaano den yi Sisela ki kaa Haloseti-Goyima dogu.

1 Samueli 5:2

Bi den ban kuani ki sieni gu bi *bulo Dagona dieli nni, ki kuli gu leni o bulo yeni nannanli.