Amosi 9:8 - Gourmanchéma Bible

⁸ Diidi, mini Li Miali Diedo, U Tienu maani n nuni Yinba, yaa diema yaaba n pia ti *tuonbiadi po. N baa bolini ma, man da go ye ki tinga nni.

U TIENU MAAMA TILI 2013

⁸ Diidi, mini o Diedo U Tienu maani n nuni Yinba, yaa diema n pia ti tuonbiadi po. N baa bolini ma, man da go ye ki tinga nni.

Amosi 9:8 ပူးပေါင်းရင်းမြစ်များ

Mi cilima 6:7

Li Miali Diedo den yedi: «N baa bolini min den tagi yaa nilo ki ñani o ki tinga nni cain ki cili o nilo ki yaa caa hali ti denyandi leni li bonbalinkaala leni tanpoli yaa bonyugiditi, kelima n lebidi n yama. Mii sugini ke n go den tagi ba.»

Mi cilima 7:4

Li sieni dana lele ke n baa teni ki tabolinkaaga n mii dana piinaa leni ñadi piinaa n baa bolini min den tagi yaala ke li fo ki tinga nni kuli.»

1 Bi Badiba 13:34

Laa bonla den kuani Jeloboami diegu yaaba ti tuonbiadi nni. Lani yaa po mo n teni ke bi bodi cain mi tinfanma nni.

Mi Kpanjama 15:3

Li Miali Diedo nuni nua i kaani kuli, O diidi bi nibiadiba leni bi niŋanba kuli.

Mi Kpanjama 5:21

Li Miali Diedo nua nilo kuli bontienkaala. Ŋan tagi yaa sanu kuli o nua.

Jeremi 30:11

Kelima n ye leni a ki baa faabi a N baa bolini i nibuoli kuli Min yayadi a naani kuli. Ama n kan bolini fini wani ba. N baa faligi a nani lan pundi maama, N kan bi fidi ki ŋa ŋa nani yua n ki pia tagiliba yeni.»

Jeremi 44:27

Diidi n baa faami bipo ki teni fala n baa ba. N kan pa ba yemanma. Juda yaaba, yaaba n kaa Ejipiti diema nni kuli, bu toabu leni mi koma n baa je bikuli cain.

Jeremi 46:28

Fini Jakobo, n naacemo Da jie liba, Li Miali Diedo n yedi yeni. Kelima n ye leni a N baa bolini i nibuoli kuli Min den yadi yi yaaba yaa siiga yeni. Ama fini wani, n kan bolini a N baa mabini a nani lan pundi maama bebe N kan ŋa ŋa nani yua n ki pia tagili yeni.»

Jeremi 5:10

Do mani u dogu bilini po, Ki pua ki mumudi i. Ama da bolini i mani cain. Ñani mani i beni kelima Li Miali Diedo ki die yi.

Ose Tili 1:4

Li Miali Diedo den yedi Ose: «Yini ki biga yeni Jisileeli, kelima li kan go waagi leni min baa waani Jehu puoliŋuani fala, kelima bi yaaja Jehu yeni n den wuli yaa nimiana soama Jisileeli dogu nni po. N baa bolini Isalele diema bali.

Ose Tili 1:6

Gomela didi go den punbi ki mali Ose po bonpuoga. Li Miali Diedo den yedi Ose: «Yini ki biga yeni Lo-Luhama lani n tie: “Ban ki gba yua po mi niñima,” kelima n kan go fidi ki waagi ki gba Isalele yaaba po mi niñima. N kan go tieni bipo sugili.

Amosi 3:12

Li Miali Diedo yedi yaa maama n tie na: «Nani o yangbanlo n yen cuo ki yanga, O yankpaalo n ga taana lie bi tubijenga maama yeni, Li baa tie yeni Isalele yaaba po, Bani yaaba n ye Samali Ki dua i duanŋami leni yaa cabiladikaana n ŋani po. Bi siiga nni tianba bebe n baa sieni.»

Amosi 7:17

Ŋan tieni laa bonla yeni, Li Miali Diedo n yedi yaala n tie na: ‹A pua baa tua poconconli u dogu nni, Bi baa kpa a bijaba leni a bisiaba leni mu jugisiemu. Bi baa biigi a kuani leni u baabu ki boagidi, Fini aba mo baa n kpe nilandiema nni, Bi baa gedini Isalele yaaba ti yonbidi yaa kaanu n foagi leni bi diema.› »

Amosi 9:10

Bu toabu baa je n niba siiga, ti tuonbiadi danba kuli, Bani yaaba n tua: ‹A kan teni fala n nagini ti, A kan teni fala n baa ti.›

Amosi 9:4

Bi yibalinba yaa cuo ba ki gedini ti yonbidi, N baa teni ban kpa ba lipo leni ki jugisiega. N baa maani n nuni bipo, Ki kan yaa tiendi yaala n ŋani se yaala n bia.»

Mi Tiadima 4:31

Kelima Li Miali Diedo yi Tienu tie mi niñingbadima Tienu, yua n kan ŋa yi ki kan bolini yi mo. O kan sundi wan den poli ki kuani yaa *ŋantaado leni yi baanba.

Mi Tiadima 6:15

Kelima Li Miali Diedo yi Tienu yua n ye yi siiga yeni pia li *nunponli. Li Miali Diedo yi Tienu pali baa be yipo, wan bolini yi mi tinfanma nni.