Amosi 9:7 - Gourmanchéma Bible

⁷ Li Miali Diedo yedi: «Yinba, Isalele yaaba, yii tie npo yenma leni Etiopi yaaba ka yo? N den ñani yinba Isalele yaaba Ejipiti diema nni, Nani min den ñani Filisiti yaaba Kafitodi diema nni maama, Nani min go den ñani Sili yaaba mo Kili diema nni maama yeni. Naani yii bani lipo?»

U TIENU MAAMA TILI 2013

⁷ O Diedo yedi: «Yinba Isidayeli yaaba, yii tie n po yenma leni Etiopi yaaba ka yo? N den ñani yinba Isidayeli yaaba Ejipiti diema nni, Nani min den ñani Filisiti yaaba Kafitori diema nni maama, Nani min go den ñani Siiri yaaba mo Kili diema nni maama yeni. Naani yii bani lipo?»

Amosi 9:7 ပူးပေါင်းရင်းမြစ်များ

2 Bi Badiba 16:9

O mo den tieni Akasi n mia yaala ki gedi ki baa Damasa ki paadi u. O den cuo bi niba ti yonbidi ki gedini ba Kidi, ki teni ke bi ku Letisini mo.

2 Bi Badiba Jama 14:12

Asa leni o toatieba den ŋoadi ki deli ba ki ban pundi Gelali dogu nni. Bi den baa lankani ke bi siiga baa yendo ki den fidi ki ciadi, kelima Li Miali Diedo leni o toagoli n den pua ba. Juda diema yaaba den fagi boncianla ki tugi ki kuni bi denpo.

2 Bi Badiba Jama 14:9

Asa leni o toatieba den ñani ki baa tuogi leni ba bu toabu Tisefati joaloangu nni ki kuu leni Malesa.

Mi Ñama 12:51

Laa daali lige kakap ke Li Miali Diedo den teni ke Isalele yaaba kuli ñani Ejipiti diema nni ki cuoni caga caga nani bi toacaga n tie maama.

Esayi 20:4

Yeni moko Asili bado baa gedini Ejipiti kpaada leni ban cuo yaaba Etiopi diema nni ti yonbidi, li nipanba leni li jakpela ke baa yie pu, kaa pili pu kuli mo. Laa bonla baa yaa tie fe Ejipiti po.

Esayi 22:6

Elami bali li luoli. Bi toatieba leni bi tanjagiba nagidi. Kili diema yaaba ñani bi gbankoanditi bu toabu po.

Esayi 43:3

Kelima n tie Li Miali Diedo yi Tienu Isalele yaaba Tienu Yua n Gagidi ki ŋani, yi Candaano. N puni Ejipiti diema yi *daafaabima po Etiopi leni Seba mo n lebidi ki ga yi kaanu.

Jeremi 13:23

Naani Etiopi yua baa fidi ki lebidi o boanu? Naani o naamunpieno wani baa fidi ki lebidi o gbanu lega? Naani yinba wani n maani ki tieni yaala n gundi yeni, Yi go baa fidi ki tieni yaala n ŋani?

Jeremi 47:4

Filisiti diema yaaba bodima daali pundi, Li daali pundi baa hali maama Ke niloba ki ye ki baa todi Tili leni Sidoni dogi. Li Miali Diedo baa bolini Filisiti diema yaaba kuli Ki taani leni yaaba n sieni ki ye Kafitodi kpendegili po.

Ose Tili 12:13

Jakobo den sani ki gedi Alama diema, O den ban kua li tuonli kelima o pua po. O den kpaa ti yandi kelima o pua po.

Amosi 1:5

N baa mudi Damasa sendabila ya n luondi u dogu buliñoabu. N baa bolini Bekati Afeni yaaba, N baa bolini yaa bado n kaa Beti-Edena. Sili niba mo baa gedi ti yonbidi Kili dogu po. Li Miali Diedo n yedi yeni.»

Amosi 2:10

N den ñani yi Ejipiti diema nni Ki kubi yi hali bina piinaa mi fanpienma nni, Hali ke yi ban diedi Amola yaaba diema.

Mi Tiadima 2:23

Kafitodi yaaba, yaaba n den ñani Kafitodi diema n den bolini Afi yaaba, bani yaaba n den ye i tinkundogi ki taa ki ti pundi hali Gasa dogu ki mo kali bi yaa kaanu.