Amosi 9:12 - Gourmanchéma Bible

¹² Dafidi puoliŋuani go baa diedi Edomi yaaba, yaaba n sieni leni i nilanbuoli kuli, Ban den kpa diedi yaaba ki yedi ke bani moko tie n yaa niba. Li Miali Diedo, yua n baa teni lani kuli n tieni ki dudi, n yedi yeni.»

U TIENU MAAMA TILI 2013

¹² Davidi puoliŋuani go baa diedi Edomi yaaba, yaaba n sieni leni i nilanbuoli kuli, Ban den kpa diedi yaaba, ki yedi ke bani moko tie n yaa nibe. O Diedo, yua n baa teni lani kuli n tieni ki dudi, n yedi yeni.»

Amosi 9:12 ပူးပေါင်းရင်းမြစ်များ

Mi cilima 27:29

Bi niba kuli n miini bi yula a kani. I nibuoli kuli n labini a nintuali Ŋan tua a naataani canbaa. A naa yaa bila n labini a nintuali. Ti solindi n yaa ye leni yua n soli a. Li seli n yaa ye leni yua n gaali a kuli.»

Mi cilima 27:37

Isaaka den goa ki yedi o: «Diidi n bili ke wan yaa tie a canbaa, n puni o o naataani kuli ke ban yaa tie o naacenba, n puni o ŋalikama leni o duvenpaano. N bijua be go sieni ke n baa fidi ki tieni apo?»

Pisomi 60:8

U Tienu maadi o *kaangagidiŋamu nni ki yedi: «N baa koani ki paadi. N baa boagidi Sikema diema, Ki biigi Sukoti joaloangu.

Esayi 11:14

Bi baa taani ki baa Filisiti yaaba nintuali po. Ki taani ki fagi puoli yaaba. Edomi leni Moabi yaaba baa le fala bi nuu nni. Bi baa diedi Amoni yaaba.

Esayi 43:7

Mini leni yua n taa yeli kuli Mini n tagi yua Ki tieni ki go ŋanbi o n kpiagidi po yeni Guani o mani.»

Esayi 63:19

Li waagi ke ti tie nani ŋan kaa gobidi yaaba yeni, A yeli n ki maa yaaba yaa po yeni. Ŋain, diidi ki le! Li yaa bi tie ke a dadi ki padi ti tawadi ki bi jiidi yo, Se a juana n yaa bi padi ki baali a nintuali.

Esayi 65:1

N cedi ke yaaba n ki bi miadi liba Cua ki mia nni. N cedi ke yaaba n ki bi lingi nni laa nni, N yedi yaa nibuoli n ki bi yi n yeli yeni po: «Mini nne, mini ligi nne!»

Jeremi 14:9

Be n teni ke a tie nani yaa ja yaa pali n biidi yeni Nani yaa jakoando n kan fidi ki faabi oba kuli yeni? Baa leni lankuli, Li Miali Diedo, a ye ti siiga, Ti taagi a yeli. Ŋan da lu ki diani ti.»

Jeremi 15:16

N yaa li gbadi a maama kuli, N li yen ga ma hali bonŋanla. A maama yeni mani ki go nuagi npo bonŋanla, Kelima fini Li Miali Diedo U Paaciamu Kuli Daano n die nni. A yeli mo ye n niinni.

Malaki 1:4

Edomi yaaba, bani Esayu puoliŋuani yeni yaa fii Ki yedi ke bi bolini bi dogi, Ama bi baa guani ki maa bi ci.» Li Miali Diedo, U Paaciamu Kuli Daano baa guani ki yedi: «Cedi ba mani ban goa ki maa bi ci, N didi go baa bolini i. Bi niba baa yaa yi bi diema: “Mi biadima diema,” Bani, mi niba mo, bi baa yaa yi ba: “Li Miali Diedo pali n be yaa nibuolu po yogunu kuli.”

Jesu Tondiba Tuona 15:17

Lanwani yaa nisaaliba n sieni kuli baa lingi o Diedo, Bani min yini yaaba ke ban tua n niba yeni.

Jesu Tondiba Tuona 15:18

O Diedo, yua n tiendi wan jagi yaala, Hali yogu yeni n yedi yeni.› »