Amosi 7:9 - Gourmanchéma Bible

⁹ Isaaka puoliŋuani padibinbina, ya n ye a juana yula po baa bodi. Isalele yaaba n gagidi yaa kaani kuli baa bodi. N baa fiini bu toabu, ban kpa o bado Jeloboami puoliŋuani leni mu jugisiemu.»

U TIENU MAAMA TILI 2013

⁹ Isaaka puoliŋuani padibinbina ya n ye a juana yula po baa bodi. Isidayeli yaaba n gagidi yaa kaani kuli baa bodi. N baa fiini ki sedi o bado Jeroboami puoliŋuani po leni ki jugisiemu.»

Amosi 7:9 ပူးပေါင်းရင်းမြစ်များ

Mi cilima 46:1

Jakobo den fii ki gedi leni wan den pia yaala kuli. O den pundi Beli-Seba dogu nni ki padi a pada o baa Isaaka yaa Tienu po.

2 Bi Badiba 14:24

O den tieni yaala n bia Li Miali Diedo po. Waa den ŋa Nebati bijua Jeloboami n den kuani Isalele yaaba yaa tuonbiadi nni.

Esayi 63:18

A niba yaaba n gagidi ki ŋani den diedi mi diema u yogunu waamu bebe po. Ti yibalinba ŋma ki biidi a *kaangagidiŋamu.

Jeremi 51:51

Ti yaa gbadi u nisugidu yaa yogunu I fe den yen cuo ti hali boncianla. Tii yen bani tin caani ti yula naani, Bi canba n cua yaa yogunu Li Miali Diedo *kaangagidiŋamu nni.

Esekieli 6:3

Ŋan yedi: ‹Cengi mani yinba yaaba n ye Isalele juana po, Li Miali Diedo maama! O Diedo, Li Miali Diedo yedi mine: Yinba yaaba n ye a joaciama leni a joabila po, Yinba yaaba n ye i joatanmabi nni leni ti joaloandi nni, N baa tuogi yi leni bu toabu ki bolini yi juana po padibinbina.

Ose Tili 10:8

Ban den tiendi ti *tuonbiadi ki padi yaa padibinbina po Beti-Afeni juana yula po yeni baa bodi. Ti konkondi leni moabiaditi baa pudi a padibinbina yeni yula po. Isalele yaaba baa yedi a joaciama: «Wuoni mani ti!» Ki yedi a joabila mo: «Baa mani tipo!»

Amosi 3:14

‹Min baa pa Isalele yaaba bi yiema panpaani yaa daali N go baa bolini yaa padibinbina n ye Betela moko. A padibinbina yeni yina baa kua ki baa.

Amosi 5:5

Yin da go lingi nni Betela, Da go gedi mani Giligali moko. Yin da go gedi mani Beli-Seba Kelima bi baa gedini Giligali yaaba ti yonbidi, Ki bolini Betela mo.»

Amosi 7:11

Cengi wan ŋua ki maadi yaala: ‹Bi baa kpa Jeloboami leni ki jugisiega, ki gedini Isalele yaaba mo ti yonbidi yaa kaanu n foagi leni bi diema.› »

Amosi 7:13

Ama ŋan da go pua sawali Betela na, kelima nekanba tie o bado n gagidi yaa kaanu, ki go tie badidiegu mo.»

Amosi 8:14

Isalele yaaba taagi Samali *bulo yeli ki polini Bi polini ki tua: ‹Hali Dana buolu yaaba bulo po, Hali Beli-Seba bogida po.› Bani yaaba n polini yeni kuli baa baa Ki kan go fii hali abada.»

Amosi 9:1

N den laa o Diedo ke o se li *padibinbinli po. O den yedi: «Pua U Tienu diegu bunbunnaada yula po Hali a tanpuuna n begibi, Pua ki mudi ŋa, ŋan baa yaaba n ye U Tienu diegu nni Kuli yula po, ki kpa ba. Yaaba n sieni, n baa kpa ba leni ki jugisiega. Bi siiga nni, oba kuli kan fidi ki sani ki cia, Yeni de, oba kuli kan sani ki cia.

Mise 1:5

Lankuli baa tieni kelima Jakobo puoliŋuani biadima po. Lankuli baa tieni kelima Isalele yaaba tuonbiadi po. Jakobo puoliŋuani yiema ŋoadi ŋmenba? Laa tie Samali ka yo? Juda yaaba buŋoadima ŋoadi ŋmenba? Laa tie Jelusalema ka yo?