Amosi 7:4 - Gourmanchéma Bible

⁴ O Diedo, Li Miali Diedo, den doagidi npo yaa bonlekaala n tie na: N den laa wani o Diedo, Li Miali Diedo kpaani ki tua Ke o baa jia o niba ti buudi leni mi fantama, Mi fantama yeni den teni Ke yaa ñincianma n ye ki tinga tiipo ñuudi, Mi den cili ki buondi mi diema.

U TIENU MAAMA TILI 2013

⁴ O Diedo n Tienu den doagidi n po yaala n tie ne: N den laa wani o Diedo ke o ki kpaani ki tua Ke o baa jia o niba buudi leni u mu. U mu yeni den teni Ke yaa ñincianma n ye ki tinga tiipo ñuudi, U den cili ki buondi mi diema.

Amosi 7:4 ပူးပေါင်းရင်းမြစ်များ

Esayi 27:4

N kan go bieni n pali n duven tikuanu yeni po. Ama n yaa laa konkoni bi kongoaba, N baa pedi i kuli, ki juu i mi fantama.

Jeremi 21:12

Dafidi diegu yaaba, Cengi mani Li Miali Diedo maama! Li Miali Diedo yedi nanda: «Yaa tiendi mani mi *teginma yaa yogunu kuli. Faabi mani ban janbidi yua, Yaa nilo n duoliti o nuu nni. Lani n tie n pali n da ti fii ki be nani mi fantama yeni, Ki cuo maama ke bi kan fidi gbindi ma Kelima yi tuona n bia maama po.»

Jeremi 4:4

Kua mani ku koanciagu Li Miali Diedo po Lebidi mani yi pala Juda leni Jelusalema yaaba Lani n tie n pali n da be ki cuo nani mi fantama yeni, Ki cuo yaa cuoma ke bi kan fidi ki gbindi ma Kelima yi tuadibiada n gundi maama po.

Esekieli 21:3

Ŋan yedi niganu fuali po yaaba: ‹Cengi mani Li Miali Diedo maama! Mini o Diedo, Li Miali Diedo yedi mine: Mini n baa cuoni mi fantama a siiga, Mi baa buoni i tisoangidi leni i tikuondi kuli. Mi fantama yeni kan gbindi Yaala n ye mi fantama yeni niinni kuli baa juu Ki cili niganu ki yaa caa hali nijienu.

Joeli 1:19

Li Miali Diedo, n jigidi ki nua fine Ki kpaani ki miadi a todima! Kelima mi fantama dini li yankpaafuali, U mupienu mo sia i kuani tiidi.

Levi 10:2

Lanyogunu-lanyogunu mi fantama den ñani Li Miali Diedo nintuali ki sia ki buoni ba. Bi den kpe lankani Li Miali Diedo nintuali.

Amosi 1:4

N baa soani mi fantama man buoni o bado Asayeli puoliŋuani. Mi baa je o bado Beni-Adadi badidiegu.

Amosi 1:7

N baa soani mi fantama Gasa dogu bilini nni, Mi baa je likani dieŋama.

Amosi 2:5

N baa soani mi fantama Juda diema nni, Mi baa je yaa dieŋama n ye Jelusalema.»

Amosi 4:11

N den bolini yi siiga bi tianba, Nani min den bolini Sodoma leni *Gomola dogi maama yeni. Yi siiga yaaba n sieni den tie nani ban kuudi Yaa datala mi fantama nni yeni Baa leni lan kuli, yii den lebidi ki guani n kani. Li Miali Diedo n yedi yeni.

Amosi 5:6

Lingi mani Li Miali Diedo ki yaa fo. Lani yaaka o baa cua nani mi fantama Josefi puoliŋuani siiga, Ki buoni yaala n ye Betela kuli, Ke oba kuli kan fidi ki gbindi ma.

Amosi 7:1

O Diedo, Li Miali Diedo den doagidi npo yaa bonlekaala n tie na: N den laa ke wani Li Miali Diedo tagi i naaci, Li moabunli n den cili ki kpedi yaa yogunu. Laa moabunli den tie ban den ceni o bado po ti muadi Ke yaala n go yuandi ki bundi.

Amosi 7:7

Li Miali Diedo den doagidi npo yaa bonlekaala n tie na: N den laa wani o Diedo ke o se u bilinu po, Ban maa yu leni u baabibiigiko, O den muubi o nuu nni u baabibiigiko.

Mise 1:4

O baa ŋmaadi a juana ŋan yaa nandi Nani ti sindi n yen nandi mi fantama kani maama yeni, Ti joaloandi mo baa yagidi Nani yaa ñima n tiini li juali jiidima yeni.

Nahumi 1:6

U Tienu pali yaa beni, oba kuli kan fidi ki sedi. O pali yaa beni boncianla, oba kuli kan fidi ki yaa ye. O pali co nani mi fantama yeni. A tana pudi ki yagidi o nintuali.

Mi Coadima 16:35

Mi fantama den ñani Li Miali Diedo kani, ki buoni kobilie n niba piimuu yaaba n den se ki kubi tulale yeni.

Mi Tiadima 32:22

Kelima n pabienli bia nani mi fantama, Ki co ki pundi hali bi tinkpiba diema nni. N dini ki tinga leni ki bonluonkaala kuli, Ki buoni a juana tanpuuna.

Hebilunba 1:7

Wan maadi malekinba po, o yedi: «O teni ke o malekinba Tua nani u faalu yeni, Ki go teni ke o naacenba tua mupienu.»

Mi Doagidima 4:1

Lani n pendi, n go den laa ke bu buliñoabu yaa tanpoli. Min den kpa gbadi yaa nialu ke u naani leni ban piebi kakaci yeni go den yedi nni: «Do ki cua na, n baa waani a yaa bonla n baa yuandi ki cua tiladi.»