Amosi 7:12 - Gourmanchéma Bible

¹² Amatisia go den yedi Amosi mo: «Fini, li bonlekaala daano, a caa! Guani a diema Juda po ki yaa ban pua sawali lanpo ke bi puuni a a bonjekaala.

U TIENU MAAMA TILI 2013

¹² Amasia go den yedi Amosi mo: «Fini, li bonlekaala daano, a caa! Guani a diema nni Juda po, ki yaa ban pua saawali lanpo, ki baadi a bonjekaala.

Amosi 7:12 ပူးပေါင်းရင်းမြစ်များ

2 Bi Badiba Jama 16:10

Asa pali den beni o sawalipualo po, ke o den cedi ke bi luoni o li kpaadidieli nni, kelima o maama den bieni o pali. Laa yogunu Asa den cili ki wangi o niba siiga bi tianba fala.

Esayi 30:10

Bi ŋua ki tua yaaba n nua saala bonla: «Da nua mani.» Ki tua bi sawalipuaba mo: «Da pua mani tipo yaa sawalo n tiegi! Yaa banbidi ti mani! Yaa togidi ti mani yaala n mani.

Esayi 56:11

Bi tie sangbantugidanbe Yaaba n ki pia ke bi guo. Bi tie yaa yankpaaba N ki bani ki gagidi liba. Bikuli ŋua bi sancele, Yua kuli bi siiga li lingi o yaa yuceli ŋamu yo.

Esekieli 13:19

Yi fiagidi nni n niba kani, Kelima *olije waamu po leni mu dupenjenmu po, Ki kpaani yaa miana n ki bi pundi ki kpe Ki ŋaani yaa miana n ki bi pundi ki yaa ye. Lani n tie yin pua bi niba mi faama yaa yogunu ke bi cengi yeni.

Amosi 2:12

Ama yi ñuni nasileya yaaba duven, Yi yedi bi sawalipuaba, Ke ban da go pua sawali.

Amosi 7:11

Cengi wan ŋua ki maadi yaala: ‹Bi baa kpa Jeloboami leni ki jugisiega, ki gedini Isalele yaaba mo ti yonbidi yaa kaanu n foagi leni bi diema.› »

Malaki 1:10

Li Miali Diedo, U Paaciamu Kuli Daano go yedi: «Li baa yaa ŋani ki cie yinba bi kopadicianba siiga nni Yendo n luoni n diegu buliñoana, Yin da go cuondi n padibinbinli po mi fantama fanma fanma. N pali ki mani yipo baa waamu. Mii go bua ki ga yi nuu nni padiliba kuli mo.

Matie 8:34

Lane, u dogu nni yaaba kuli den ñani ki baa tuogi Jesu. Ban den laa o bi den mia o ke wan ña bi tinga nni.

Luki 13:31

Laa yogunu *Falisieninba bi tianba den cua o kani ki yedi o: «Ña ne ki gedi potogu kelima *Elodo bua ki kpa ŋa.»

Jesu Tondiba Tuona 16:39

Bi den cua ki mia ba sugili ki ciani ki ñani ba li kpaadidieli nni ki mia ba ban ña u dogu nni.

LOMA YAABA 16:18

Kelima laa nibuolu naa tuuni ti Diedo Kilisiti po ka, bi tuuni bi tugiceli po yo. Bi maadi mi madingima leni mi mamanma ki boandi yaaba n ki fani.

1 Korenti 2:14

Ama li nisaali-yantiali n die yua, kan fidi ki ga yaa bonla n ñani U Tienu Fuoma kani, kelima li tie opo yanluobonla. O kan bandi la kelima li bigidi leni U Tienu Fuoma Yua yaa yantiale.

1 Pieri 5:2

Yin yaa kpaa mani U Tienu yankulu, yu n ye yikani. Yin da tiendi la nani li tie tiladi ka, ama lan yaa tie yi yama po, nani U Tienu n bua maama. Yin da tiendi yeni kelima yi bua ki baa i ligi ka, ama yaa tiendi mani la ke yi yama ye lienni moamoani.

1 Samueli 2:36

Lanwani yua n baa sieni a buolu nni kuli baa cua ki gbaani o nintuali ki mia tanga leni mi jiema ki yedi: N mia ŋa, ŋan kuani nni bi kopadicianba tuona tuonliba niinni min yaa baadi ki di.› »

1 Samueli 9:9

Hali yogu, Isalele diema nni bi yaa den bua ki gedi ki mia U Tienu wan doagidi bipo bonla, bi den yen yedi: «Tin gedi yua n nua saala bonla po.» Kelima moala ban yi yua o sawalipualo, kpiama bi den yi o yua n nua saala bonla.