Amosi 6:1 - Gourmanchéma Bible

¹ Fala baa baa yaaba n ye Siyono leni mi yanduanma, Leni yaaba n ye Samali juali po kaa bangi liba. Fala baa baa laa paatieba, Yaaba n tie i nibuoli kuli siiga yaa nibuolu n tugi li yuli, Isalele yaaba n caa bani yaaba yaa kani, ke bi todi ba.

U TIENU MAAMA TILI 2013

¹ Fala baa baa yaaba n ye Siyon leni mi yanduanma, Ki go baa yaaba n ye Samari juali po kaa bangi liba po. Fala baa baa laa paatieba, Yaaba n tie i nibuoli kuli siiga yaa nibuolu n tugi li yuli, Isidayeli yaaba n caa bani yaaba yaa kani, ke bi todi ba.

Amosi 6:1 ပူးပေါင်းရင်းမြစ်များ

1 Bi Badiba 16:24

o den da Semeli kani Samali juali kujapiena tudaluoba (6 000). O den maa li juali yeni yuli po u dogu ki yini u Samali, li juali daano n yi maama.

Pisomi 123:4

Ti coagi leni bi japaadanba ñuali, Leni bi kafaadanba mo yaa faliga.

Mi Kpanjama 1:32

Kelima bi yanpiidanba n yie mi yanfuoma yeni, lani n baa kpa ba, bi yanluodanba n duani bi yama leni bi yanluoma kaa bangi lipo yeni, lani n baa bolini ba.

Esayi 33:14

Ti jawaandi cuo ti *tuonbiadi danba Siyono tugu nni, Mi digibima cuo a sugida. Ti siiga ŋme n baa fidi ki sedi yaa fantama n buondi kani? Ti siiga ŋme n baa fidi ki sedi yaa fantama n kan gbindi kani?

Jeremi 2:3

Isalele, a den li ye mini Li Miali Diedo bebe yaa po yo. A den tie n bonbaakaala kuli yaa bonkpiala. Yaaba n den ŋmani la kuli den kua i tagili nni, Mi yebiadima mo den yen ŋma ba. Li Miali Diedo n yedi yeni.

Jeremi 48:11

Li Miali Diedo yedi: «Moabi den ye leni mi yanduanma hali o panma nni. Bi naa gedini o yonbidi dietoama nni. Waa den yagini o yama bonliba kuli po, Nani yaa daama n baani yeni. Bi naa taa ma ki kuodi ki lebidi tiatoagu nni Maa lebidi, mi li baa tie yenma. Baa mi nuulu moko naa lebidi.

Jeremi 49:31

O yedi: ‹Fii mani ki ban koani leni yaa nibuolu yaa niba N kaa leni mi yanduanma, kaa bangi liba kuli po. Li Miali Diedo n yedi yeni. Bi dogu naa pia buliñoabu ki buali sendabiga. U li ye u bebe yo.›

Jeremi 5:5

N baa gedi a nigbenga po Ki ban maadi leni ba nba. Kelima ban wani bani Li Miali Diedo sanu Bi bani bi Tienu balimaama. Bi bani bi Tienu n bua yaala.» Ama bikuli tie yenme Bi miidi li balimaama Ki fidi bani leni U Tienu *ŋantaado.

Jeremi 7:4

Yin da dugi mani yi boandi po ki yedi: ‹Nekanba n tie Li Miali Diedo diegu, Li Miali Diedo diegu, Li Miali Diedo diegu nne!›

Jeremi Bubula 1:1

Jam, li ga lede, Yaa dogu n den gbie bonŋanla yeni N di ti bili bonkuongu, Ki naani leni li kpepuoli! I nibuoli diema siiga, Jelusalema den tie dociamu Ki tie badisalo a dogbenga po, Mani n di goa ki tuuni li tuonpaali!

Amosi 3:2

«N den gandi yinba bebe Ki tinga nibuoli kuli siiga. Li tie lani yaa po ke n baa cuo yi u cuonbiadu Yin tieni yaa tudima kuli po.

Amosi 3:9

Kpaani mani ki yedi yaaba n ye a dieŋama nni ki ye Asidodi leni Ejipiti: «Cua mani ki taani Samali juana yula po, Ki diidi ki le yaa janjancianma leni yaa mabinli n ye lienni.»

Amosi 4:1

Yinba yaa popiada n ye Samali juali po, Ki gbengi nani Basana tialu naañuana yeni, Cengi mani yaa maama n tie na: «Yi mabindi taliginba, ki ŋmaadi ki midi a luoda, Ki tua yi ciaba: ‹Taa mi daama ki cuani tin ño.› »

Amosi 5:27

Kelima n baa gedini yi ti yonbidi hali Damasa dogu liiga. Yua yaa yeli n tie Li Miali Diedo U Tienu, U Paaciamu Kuli Daano, n yedi yeni.»

Amosi 8:14

Isalele yaaba taagi Samali *bulo yeli ki polini Bi polini ki tua: ‹Hali Dana buolu yaaba bulo po, Hali Beli-Seba bogida po.› Bani yaaba n polini yeni kuli baa baa Ki kan go fii hali abada.»

Amosi 9:10

Bu toabu baa je n niba siiga, ti tuonbiadi danba kuli, Bani yaaba n tua: ‹A kan teni fala n nagini ti, A kan teni fala n baa ti.›

Mise 3:1

Mini Mise den yedi bani, Jakobo puoliŋuani yudanba, cengi mani: «Naani laa tie yinba yaa tuonli ka yin bi yaa ja yaa buudi n tiegi?

Sofoni 1:12

Laa yogunu, N baa gaani ki liini Jelusalema nni kuli leni mu fidisanmu, Ki faligi yaa niba n ye leni mi yanduanma, Ki maadi bi pala nni ki tua: ‹Li Miali Diedo kan fidi ki tieni liba kuli, Li yaa tie yaala n ŋani bi yaala n bia.›

Jaki 1:18

O yanbuama po, o den mali ti kelima i moamoani maama yaa po ke tin yaa tie o tagima kuli siiga li bonkpiala.

Jaki 5:5

Yi den ye ŋanduna nni leni mi yemanma ki go kuandi yi yama yi gbanandi bonbuakaala nni. Yi den di ki gbengidi nani a yanwubida ban wubi yaaba mi kodima daali po yeni.

1 Pieri 5:7

Yin tuni mani wani U Tienu yi yanyagidi kuli kelima wani oba n kubi yi.

Bi Bujiaba 18:7

Bi jamuudiba yeni den mibidi ki ban pundi Layisi dogu. Bi den laa likani yaaba n ye leni mi yanduanma nani Sidoni yaaba yeni. Liba kuli ki den yagini bi yama, baa den bangi liba po. Mi diema nni ki den pia yua n die ba ki mabindi ba. Bi den foagi leni Sidoni yaaba, baa den tuugi leni nitoaba mo.