Amosi 5:2 - Gourmanchéma Bible

² Isalele yaaba baa nani yaa jafaano n kpe ki daa bani ja yeni. O panma nni, o baa ki kan go fii, O bili tiipo, Oba kuli kan fiini o.

U TIENU MAAMA TILI 2013

² Isidayeli yaaba baa nani li puowandiali yeni. O panma nni, o baa ki kan go fii, O baa ki bili tiipo, ke oba kuli kan fiini o.

Amosi 5:2 ပူးပေါင်းရင်းမြစ်များ

2 Bi Badiba 15:29

Isalele diema bado Peka n den die yaa yogunu, Asili bado Tigilati-Pelesedi den cua ki fie Ijoni leni Abela-Beti. Maaka leni Janaaki leni Kedesi leni Hasoli leni Galaadi leni *Galile leni Nefitali diema kuli, ki cuo bi niba ti yonbidi ki gedini ba Asili.

2 Bi Badiba 17:16

Bi den ŋa Li Miali Diedo bi Tienu ñoabona kuli ki duadi bi yula po naabila lie, ki kpie ku dafoagidigu o bulo*Asitate po ki pugi ki jaandi tanpoli gola, ki ŋoadi*Baali.

Esayi 14:21

Bogini mani ki kpa a bonjala. Kelima bi baanba tagili po. Ban da ti fii ki diedi ki tinga, Ki gbieni li ŋandunli leni mi biadima.

Esayi 24:20

Ki tinga jadibi nani o dañolo yeni. Ki yoagibi nani ku diewudingu yeni, Ki biadima n kubi ga, Ki baa baa ki kan go fii mo.

Esayi 3:8

Jelusalema tuudi, Juda mo ŋmadi ki baa Kelima bi ñoana leni bi tuona pegidi ki noanli Li Miali Diedo kpiagidi leni mi kafaama.

Esayi 37:22

yedi mine: ‹Line n tie Li Miali Diedo n maadi yaa maama ki yie opo: Siyono niba fali a, bi ñuadi a, Jelusalema niba ŋua ki duani bi yula a puoli po.

Esayi 43:17

«Wani yua n gedi bu toabu leni ti toateliti leni i taami, Li toagoli leni a jakoanda li tuogili po, Bi duani, ki kan go fii, Bi gbindi, Bi buodi nani ku fidisancabigu yeni.

Jeremi 14:17

Yedi ba yaa maama n tie na: «N mua ku ñiagu leni u yensiinu ki naa cedi, Kelima u nafanu pua n niba. Laa yebiadima pa hali boncianla.

Jeremi 18:13

Lani n teni ke Li Miali Diedo yedi nanda: Buali mani i nibuoli siiga, Ŋme n kpa gbadi laa bonla buolu? Isalele soani yaa tuona n gundi boncianla.

Jeremi 2:27

Bani yaaba n tua ku daagu: «A tie n baa!» Ki tua li tanli mo: «A mali nni!» Kelima bi teni nni bi cakodigu, ki naa diidi nni. Bi yaa ye mi yebiadima nni bi yen yedi: «Fii ki faabi ti.»

Jeremi 31:4

Yinba n niba Isalele yaaba, N baa goa ki mangi yi yema! Yi baa ña leni mu lonmu, Ki taani leni yaaba n jeli ki mangidi yi pala yaa siiga.

Jeremi 4:20

Bi puuni laabaalibiado n tu laabaalibiado Mi diema kuli jugi cain. Bi li cua ki ludi ti yenme ki jugi ti gbandiena. Bi li cua yenme ki bolini ti diena.

Jeremi 50:32

Ti japaadi daano tuudi ki baa. Oba mo ki ye yua n baa fiini o. N baa sia o dogi mi fantama, Man je yaala n gaani ki lindi yi.

Jeremi 51:64

‹Babilona n baa bodi cain maama n yeni. Min baa teni yaa fala n baa o yeni. O kan fidi ki fii ki sedi.› » Jelemi maama kuli n yeni.

Jeremi 8:4

Ŋan yedi ba: Li Miali Diedo yedi nanda: «Naani yua n baa ki yen fii kaa? Naani yua n jadi ki ŋa u sanu ki yen ti guani?

Jeremi 9:21

Li Miali Diedo ñoabonli nne: Bi niba baa kpe ki wudi nani ti bugidi yeni i kuani nni Nani ban yendi yaa dikala Ki luni yua n yendi puoli po yeni, Oba kuli kan nuadi ba.

Jeremi 9:9

A juana po, N baa mua ki figindi. Mi fanpienma nni, i yankpaakaani nni N baa wanli i wanli kelima bi juu ba. Oba ki poandi likani. Baa go gba yankuli lanbu, Ki cili tanpoli nuani ki ban taani leni ti yandi, Likuli bodi cain.

Jeremi Bubula 2:13

N go baa yedi a be? N baa sua ke ŋme n de leni a? N baa baagi a lede, Siyono *powandiali? Kelima yaa yebiadima n ŋma ŋa Yaba ki pundi mi ñincianma. Ŋme n baa fidi ki paagi a?

Ose Tili 14:1

U Tienu baa waani Samali yaaba fala, Kelima bi yie o. Bi yibalinba baa kpa ba leni mu jugisiemu. Bi baa ŋma ki midi bi biwaala, Ki lidi bi tugipunba mo.

Ose Tili 6:2

Dana lie siiga o baa pa ti li miali, Li dataali daali mo o baa pa ti u fidu.

Amosi 8:14

Isalele yaaba taagi Samali *bulo yeli ki polini Bi polini ki tua: ‹Hali Dana buolu yaaba bulo po, Hali Beli-Seba bogida po.› Bani yaaba n polini yeni kuli baa baa Ki kan go fii hali abada.»

Amosi 9:11

Laa yogunu, n go baa sieni Dafidi diegu, Yaagu n baa. N baa maa ki fiini ku diegbenbuona. N go baa ŋanbi gu kun tua Nani kun den kpa tie maama hali yogu.