Amosi 4:8 - Gourmanchéma Bible

⁸ N den teni ke dogi lie bi dogi taa yaaba caa dotogu nni Ki bua mi ñinñokaama, Bi ñunñuunu naa den gbendi. Ama baa leni lani kuli, yii den lebidi ki guani n kani. Li Miali Diedo n yedi yeni.

U TIENU MAAMA TILI 2013

⁸ N den teni ke dogilie bi dogitaa yaaba caa dotogu nni, Ki bua mi ñinñokaama, Bi ñuñuunu naa den gbendi. Ama ba leni lani kuli, yii den lebidi ki guani n kani. O Diedo n yedi yeni.

Amosi 4:8 ပူးပေါင်းရင်းမြစ်များ

1 Bi Badiba 18:5

Akabi den yedi Abidiasi yeni, fii ki goagoadi mi diema nni ki gedi a ñinbuna leni i fuani kuli kani. Daalinba ti baa le yaa muadi n baa faabi i taami leni i *buomi. Yeni ti kan kpakpa ti yandi.»

Esayi 9:12

Isalele yaaba naa guani U Tienu yua n pua ba kani. Bi naa lingi Li Miali Diedo U Paaciamu Kuli Daano.

Jeremi 23:14

Ama Jelusalema sawalipuaba kani, N laa yaa bonla n gundi hali boncianla. Bi pia mi conconma Ki cuoni i boandi nni. Bi paagidi yaaba n tiendi mi biadima pala, Ki baa teni ke oba kan pegidi ki ŋa o biadima. N nuni po bikuli tie nani Sodoma yeni. Jelusalema niba mo nani *Gomola yene.»

Jeremi 3:3

Lanwani n yie kaa puni a taaga, Ki tayuankaaga mo naa cua. A li baa pia a poconcona leni mi kafaama, Ŋaa ban jie baa fe mo.

Jeremi 3:7

N den yedi n yuli: ‹O yaa ban tieni laa bonla kuli ki gbeni, o baa guani n kani. Ama o naa guani. O naataanpuoga Juda yua tie janbi daano yeni laa laa bonla.›

Jeremi 5:3

Li Miali Diedo, ŋan bua yaala ki tie i moamoani kaa? A pua ba, laa koani ba mo. A nugi ba bonŋanla Bi yie baa ga a bangima, Bi juagi bi pala ki cie ku tangu. Bi yie ke bi kan lebidi bi yama.

Ose Tili 11:5

Bi kan go lebidi ki gedi Ejipiti po, Ama Asili yua baa diedi ba ki tua bi bado, Kelima bi yie kaa bua ki lebidi ki guani n kani.

Ose Tili 7:10

Bani Isalele yaaba japaadi kpaani Ki tieni bipo yaa siedi n bia. Baa leni lani kuli, baa lebidi bi yama Ki guani Li Miali Diedo bi Tienu kani, Baa leni lani kuli, bi naa lingi o.

Amosi 4:6

Mini mo den tuuni mi koma yi dogi nni kuli, Ki go tendi ke mi jiema poadi yi diedi nni kuli. Ama baa leni lani kuli yii den lebidi ki guani n kani. Li Miali Diedo n yedi yeni.

Mise 6:14

Yi baa di ki kan guo, Koma kan ña yipo. Yin baa bili yaa kpaandi ke tin faa ki todi yi, Kan kuani yi fuoma, Baa yin baa kubi yaala, n baa teni bu toabu n bolini likuli.

Age Tili 1:6

Yi buu boncianla ki nan yendi waamu, Yi di, ama yii guodi, Yi ñu ke yi ñunñuunu naa gbendi, Yi bobi ti tiadi ke yi wadi naa gbendi, Yua n tuuni ki gaani i panpaani Li tie nani o ŋu li boagicibinli nni yeni.

Age Tili 2:17

N den teni ke yi kuani faani, A baayuana den kua i, A tatana moko den baa ki biidi yi bonluonkaala. Ama leni lani kuli, Yii lebidi yi yama ki guani n kani. Li Miali Diedo n yedi yeni.