Amosi 4:7 - Gourmanchéma Bible

⁷ N den yie yipo ki sieni ki taaga Hali ke u jetaagu da sieni ŋmaali taa. N den yen teni ke ki taaga n mii u naa dogu nni Ki lagidi ki ŋa u naa dogu. N den yen teni ki taaga n mii u naa kuanu nni, Ki cedi u naa kuanu mo n luo ga ki kuodi.

U TIENU MAAMA TILI 2013

⁷ N den yie yi po, ki sieni ki taaga Hali ke u jetaagu da sieni ŋmaalitaa. N yen teni ke ki taaga n mi u naa dogu nni Ki lagidi ki ŋaa u naa dogu. N yen teni ki taaga n mi u naa kuanu nni, Ki cedi u naa kuanu mo n luo ka, ki kuodi.

Amosi 4:7 ပူးပေါင်းရင်းမြစ်များ

Mi Ñama 10:22

Musa den tandi o nuu tanpoli po ke yaa biigili n kpiagi boncianla den ye Ejipiti diema nni kuli hali damuna taa.

Mi Ñama 10:23

Oba naa den nua o yua, oba kuli naa den fidi ki fii o kaanu hali laa dataada kuli. Ama mi yenma den ye Isalele yaaba n den ye yaa kaani nni kuli.

Mi Ñama 8:22

Musa den goa ki yedi: «Laa dagidi tin tieni yeni kelima tin baa padi yaa pada Li Miali Diedo ti Tienu po tie ti cagindi Ejipiti yaaba po. Naani ti baa fidi ki padi bi nunbu nni yaa pada n tie bipo ti cagindi ke bi kan lugidi ti a tana?

Mi Ñama 9:26

Ama Gosena yaa diema nni wani, Isalele yaaba n den ye naankani yeni, tatana naa den tieni.

Mi Ñama 9:4

Li Miali Diedo baa tieni mi gagidima Isalele yaaba yaa yangola leni Ejipiti yaaba yaa yangola siiga. Yaaba n tie Isalele yaaba yaa yangola kan bodi ba.

Esayi 5:6

N baa lu ki diani u kuanu yeni. Oba kan coandi coandi i tiidi yeni beni. Oba kan ko ki gaani ki lindi yi. I konkoni leni a kongoaba baa pudi lienni. N baa waani a tawala mo n da go cedi taaga n mii u niinni.

Jeremi 14:22

Naani i nibuoli buyuodi siiga pia yaa bulo n baa fidi ki teni ki taaga n mii? Ti tawadi yaadi n kpendinni ki taaga ye le? Naani laa tie fini Li Miali Diedo ti Tienu kaa? Ti dugi apo, kelima fini n tiendi laa bonla kuli.

Jeremi 14:3

Bi paatieba tuuni taliginba u kpenu po Ke ban ban kabidi mi ñima. Bi fii ki gedi a caana po, baa ban baa ñima. Bi guani denpo leni bi coakuoma, I fe leni i tagili cuo ba ke bi libini bi yula.

Jeremi 14:4

Ki tinga pudi ki yagidi Kelima taaga ki go ye mi diema nni. Bi kpakpaaba jigi cie, baa bani ban kuandi bi yula naani.

Jeremi 3:3

Lanwani n yie kaa puni a taaga, Ki tayuankaaga mo naa cua. A li baa pia a poconcona leni mi kafaama, Ŋaa ban jie baa fe mo.

Joeli 2:23

Yinba Siyono yaaba mo, yin mangi yi pala, Kelima Li Miali Diedo yi Tienu po. O baa pa yi ki taaga ki yogunu yaa pundi, O baa pa yi ki takpiaga leni ki tajuodikaaga Nani wan den tiendi maama u yogu nni yeni.

Sakari 14:17

Lanwani li yaa tie ke ki tinga nilanbuoli siiga, nilanbuoluba yie, Kaa caa Jelusalema ki ban kpiagidi Li Miali Diedo, U Paaciamu Kuli Daano, Taaga kan mii laa niba diema nni.

Jan n diani U Tienu Laabaaliŋamo maama 4:35

Yii tua ke ŋmaali naa ka sieni yin taani ti kpaandi? Ama mini wani n yedi yi, yaadi mani ki nuali i kuani, i beni ki pundi yin taani ti kpaandi.

1 Korenti 4:7

Ŋme teni ke a cie a lieba? A pia be ke U Tienu ka puni a? Li yaa tie yeni, be n teni ke a kpiagi a yuli nani U Tienu ka puni a la yeni?

Mi Tiadima 11:17

Lanwani Li Miali Diedo pali baa be yipo. O baa luoni tanpoli ke ki taaga kan go mii, ki tinga mo kan go yaa luoni bonŋanla. Lani yi baa bodi tontoni Li Miali Diedo n puni yi yaa dieŋanma yeni niinni.

Jaki 5:17

*Elia den tie nisaalo nani tinba yeni. O den jaandi jaandimoani ke ki taaga n da mi. Ki taaga naa den baa laa diema nni baa waamu hali bina taa leni boagidima.

Mi Doagidima 11:6

Bi pia u paalu ki baa luoni tanpoli ke ki taaga n da mi ban baa pua sawali yaa yogunu. Bi go pia u paalu ki baa teni i kpeni ñima n lebidi ki tua soama, ki go teni o falabiado buoli kuli n baa ki tinga nni ban bua yaa yogunu kuli.