Amosi 4:12 - Gourmanchéma Bible

¹² Li tie lani yaa po ke yi baa le Min baa soani yi maama yinba Isalele yaaba. Lanwani, kelima min baa soani yi maama yaa po Yin bogini mani ki tuogi yi Tienu.

U TIENU MAAMA TILI 2013

¹² Li tie lani yaa po yo, ke yi baa le Min baa soani yinba Isidayeli yaaba maama. Nani min baa soani yi maama yeni po, Bogini mani ki tuogi yi Tienu, yinba Isidayeli yaaba.

Amosi 4:12 ပူးပေါင်းရင်းမြစ်များ

Esayi 32:11

Yaa ye mani leni i jeje yinba yaa puoba n dugi yi yula po yeni. Yiedi mani ki sedi mubili. Baa mani ku gbañagidigu ki ñagini yi ciamu nni.

Esayi 47:3

Yi mubima baa doagidi Ban le yi fe. N baa tu n panli Ke niloba mo ki baa yie.

Esayi 64:2

Ŋan den tieni tin kaa den maani yaa bancianma yaa yogunu, A den jiidi ke a joaciama den begibi a nintuali.

Jeremi 5:22

Mini Li Miali Diedo yedi: Naani yi kan yaa fangi nni? Naani yi kan yaa digibi n nintuali? Mini yua n teni ke mi tanbiima n tie mi ñincianma banlu, Yaa banlu ke mi kan fidi ki kandi hali abada Mi ñingola lengidi, ama ŋaa pia paalu. Mi duni, ama mi kan fidi ki kandi.

Esekieli 13:5

Yii den gedi ki maa ki ŋanbi u bilinciamu n den mudi mudi naankani, Ki naa go maa bilinuba mo ki lindi Isalele diema Ke man fidi ki sedi bonŋanla bu toabu nni, Li Miali Diedo pabienli daali.

Esekieli 22:30

N lingi bi siiga yaa niba n baa maa u bilinu ki ga ba, yua n baa fii ki sedi n nintuali u bilinu n padi naankani, ki jaandi mi diema po ke man da bodi. Ama mii laa oba kuli.

Ose Tili 13:8

N baa libi yi nani yaa fuayanbiadiga ke bi cuo o bila yeni. N baa luodi yi bena, Ki ŋmani yi pala. N baa ŋmani yi li buoli nni nani o yangbanñua yeni. Ti fuayandi baa dadi ki toadi yi.

Amosi 2:14

Yua pa mi nuama kan fidi ki sani ki cia O gbanmandaano gbanmanu kan fuoni o, O jakoando kan fidi ki ga o miali.

Matie 24:44

Yeni, yi moko n bogini ki yaa gu, kelima o Ja Bijua baa cua yin ki daani o yaa yogunu.

Matie 5:25

A koanginka yaa cuo ŋa ki caani a li bujiali kani, ŋan mangi leni o tontoni ki daa pundi, ke wan da ti teni o bujialo n cuo ŋa ki teni a sandalima, wan kuani a li kpaadidieli nni.

Mi Doagidima 3:3

Ŋan tiadi ŋan den baa ki go gbadi yaa bangima, ki kubi ma, ki lebidi a yama. A yaa gu bonŋanla, n baa cua a kani nani li conconli yeni, a kan bandi min baa cua ki ludi a yaa yogunu.