Amosi 3:2 - Gourmanchéma Bible

² «N den gandi yinba bebe Ki tinga nibuoli kuli siiga. Li tie lani yaa po ke n baa cuo yi u cuonbiadu Yin tieni yaa tudima kuli po.

U TIENU MAAMA TILI 2013

² «N den gandi yinba bebe Ki tinga nibuoli kuli siiga. Li tie lani yaa po yo, ke n baa cuo yi u cuonbiadu Yin tieni yaa tudima kuli po.

Amosi 3:2 ပူးပေါင်းရင်းမြစ်များ

Mi cilima 10:32

Nowe yaa bijaba yaa gaani den tie yeni nani bi nifiima leni bi nibuoli n tie maama. Hali ki tabolinkaaga n pendi, bani n tie yaaba n den yadi ki gbie li ŋandunli nni kuli.

Mi cilima 18:19

N den gandi wani ke wan bili li ñoabonli o bijaba po leni o diegu yaaba po, yaaba n baa ŋua o puoli ke baa kubi Li Miali Diedo yaa sanu ki go tieni yaala n tiegi ki yaa kubi mi *teginma. Li tie lani yaa po ke Li Miali Diedo baa tieni Abalahama po wan den niani o yaala kuli.»

Pisomi 147:19

O doagidi o maama Jakobo po, O mabilikaama leni o ñoabona wani Isalele po.

Mi Ñama 32:34

Ŋan gedi moala ki ban ciani ku niligu min den waani a naankani. Diidi ki le n maleki baa kua a liiga ki yaa ciagi a. Ama n pantuuli daali yaa cua n baa guani ba bi tuonbiadi panpaani ki tundi ba tundifala bi tuonbiadi po.»

Esayi 63:19

Li waagi ke ti tie nani ŋan kaa gobidi yaaba yeni, A yeli n ki maa yaaba yaa po yeni. Ŋain, diidi ki le! Li yaa bi tie ke a dadi ki padi ti tawadi ki bi jiidi yo, Se a juana n yaa bi padi ki baali a nintuali.

Jeremi 1:15

Kelima diidi daa, N baa yini mi diema yaaba, Yaaba n goa nijienu po kuli. Bikuli baa cua ki kali bi bali kalikaani po Jelusalema dogu buliñoabu kani Ki gaani ki lindi i naa bilini Yi n ye Juda dogi nintuali kuli.

Jeremi 10:25

Teni a pabiencianli n jiidi i nilanbuoli po Bani yaaba n ki bani a Leni yaa nibuoli n ki jaandi ki miadi a todima yeni po. Kelima bi di Jakobo buolu. Bi dini o hali ki bolini o Ki teni ke o tinga tua paboanli kaanu.

Jeremi 11:22

Lani yaa po yo ke Li Miali Diedo U Paaciamu Kuli Daano maadi mi naa maama: «Diidi mani n baa yie bipo. Ki jugisiega baa je bi jawaaba Mi koma mo n baa je bi bisiaba leni bi bijaba kuli.

Jeremi 13:21

A baa yedi be ŋan den tama ke yaaba n tie a danlinba yaa ti cua Ki pua ki paadi a ki diedi a yaa daali? Li baa koani a nani u maditugukoanu n yen cuo yaa pua n baa maa maama yeni.

Jeremi 14:10

Li Miali Diedo yedi bi naa niba yaa maama n tie na: «Bi faadi ti puagidi Bi kan fidi ki kali kaanyendu.» Li Miali Diedo ki ye leni ba. Moala o tiadi bi tagili po Ki waani ba fala bi tuonbiadi po.

Jeremi 9:25

Bani n tie na: Ejipiti yaaba, Juda yaaba, Edomi yaaba, Amoni buolu yaaba, Moabi yaaba, leni yaaba n yen kugini ki kuo bi langbiadi kuli Yaaba n ye mi fanpienma nni, Kelima i nibuoli kuli pala naa lebidi Isalele yaaba kuli pala naa kua ku koanciagu.

Esekieli 5:9

Kelima yi cagindi po, n baa tieni yaala hali yin ye ke n daa tieni yi la, n kan go faa ki tieni yi li buolu mo.

Esekieli 9:6

Kpa mani hali ki bolini a jakpela, bi jawaaba leni bi jafanba, a bila leni bi puoba. Ama yin da sii yua n pia maalima o yutunli po kuli. Yin cili n diegu kani.» Bi den cili ki ku yaa nikpela n den ye U Tienu diegu nintuali.

Danieli 9:12

A tieni ti ŋan den yedi ke a baa tieni tinba leni yaa batieba n die ti kuli yaala. A luni ti o falabiado. Yaa fala n tieni Jelusalema nni buolu daa kpa tieni kaanuba ŋanduna nni.

Ose Tili 2:13

N baa teni yaala n bi tie o pamanli kuli n gbeni, Lani n tie a bina *jaanma, Wan jaani yaa jaanma ŋmapaano kuli, Mi fuodima dana leni o taanciama kuli.

Ose Tili 5:3

N bani yi, yinba Isalele buolu yaaba, Yinba Isalele yaaba yeni kuli ki tie n canba ka. Kelima Efilayima buolu yaaba yie kaa ŋua nni, Isalele yaaba mo cagini bi yula.

Ose Tili 8:13

Bi padi npo ti yandi, Ki ŋmani li nandi. Li Miali Diedo pali ki mani lipo. N tiani bi biadima, Ki baa waani ba fala kelima bi tuonbiadi po. Bi baa goa ki gedi Ejipiti.

Ose Tili 9:9

Bi feli ti tuonbiadi nni, Nani lan den tie maama Gibeya dogu yogunu. Li Miali Diedo baa tiadi bi tagili po, Ki waani ba fala kelima bi tuonbiadi po.

Amosi 2:4

Li Miali Diedo yedi mi ne: «Juda yaaba tieni tuongunda taa, Li pundi baa bona naa, ya n teni ke n kan lebidi min jagi yaala. Bi fali n *balimaama, Kaa kubi n ñoabona mo, Bi yaadi ki ŋoadi i *buli yaala n tie faama, Bi yaajanba n den ŋua yaala.

Amosi 3:3

Naani niba lie baa taani ki fii sanu Kaa kpa juogi ki dagini lipo?

Amosi 6:1

Fala baa baa yaaba n ye Siyono leni mi yanduanma, Leni yaaba n ye Samali juali po kaa bangi liba. Fala baa baa laa paatieba, Yaaba n tie i nibuoli kuli siiga yaa nibuolu n tugi li yuli, Isalele yaaba n caa bani yaaba yaa kani, ke bi todi ba.

Mise 2:3

Li tie lani yaa po ke Li Miali Diedo yedi yaa maama n tie na: «Diidi, n jagi ke n baa teni fala n baa yaa nibuolu n tie na. Yi kan fidi ki ciadi, Laa yogunu yi kan go fidi ki yaani yi yula Ki cuoni leni ti japaadi, Kelima u yogunu yeni baa bia.

Nahumi 3:4

Ninife tie nani li poconconli yeni. U tie nani yaa poŋamo n pia u ñoagu Ki biidi bi niba yeni. O boandi yaa nibuoli n sieni leni o *conconma, Ki teni ke bi tua o yonbi.

Jesu Tondiba Tuona 17:26

O den tagi jayendo ki teni ke ŋanduna nibuoli kuli ñani o kani, ki go teni ke bi yayadi ki ye ki tinga kuli nni. Hali ban daa den ye, o den bili ban baa ye yaa yogunu leni ban baa ye naankani.

LOMA YAABA 2:9

Yaaba n tiendi mi biadima kuli, ki cili Jufinba ki ŋoadi bi nilanba, baa le fala leni ti yanyagidi.

1 Korenti 8:3

Ama yua n bua U Tienu kuli, U Tienu mo bani wane.

Mi Tiadima 10:15

Ama Li Miali Diedo den gandi yi yaajanba ki kuani o yama bi niinni. Bi yaa puoli ke o den gandi yinba leni yi yaa puoliŋuani i nibuoli kuli siiga nani yin nua la maama dinla.

Mi Tiadima 26:18

Li Miali Diedo go niani yi ke yi baa yaa tie wani oba n die yaaba nani wan yedi maama, ki go yaa kubi o bali maama kuli.

Mi Tiadima 32:9

Kelima Li Miali Diedo biinu n tie o niba Jakobo n tie o yaa biinu.

Mi Tiadima 4:32

Buali mani ki bandi yaa dana n den pendi hali yogu, ya n den ye ke yi daa ye, ki cili U Tienu n den tagi o nisaalo ki tinga nni yaa daali, ki cili puoli ki yaa caa hali nintuali. Naani laa bonla buolu kpa tieni, bi yi kpa gbadi bi maadi li buolu maama?

Mi Tiadima 7:6

Kelima yi tie yaa nibuolu n gagidi ki ŋani Li Miali Diedo yi Tienu po. Li Miali Diedo yi Tienu gandi yi ke yin tua i nibuoli siiga, o yaa nibuoliceli mi tinfanma nni.

1 Pieri 4:17

U yogunu pundi ke ti buudi baa cili leni U Tienu diegu. Lanwani li yaa tie ke ti buudi cili leni tinba, yaaba n yie kaa tuo ki tiendi U Tienu Laabaaliŋamo n yedi yaala mo yaa juodima baa tie lede?