Amosi 2:4 - Gourmanchéma Bible

⁴ Li Miali Diedo yedi mi ne: «Juda yaaba tieni tuongunda taa, Li pundi baa bona naa, ya n teni ke n kan lebidi min jagi yaala. Bi fali n *balimaama, Kaa kubi n ñoabona mo, Bi yaadi ki ŋoadi i *buli yaala n tie faama, Bi yaajanba n den ŋua yaala.

U TIENU MAAMA TILI 2013

⁴ O Diedo yedi mi naa maama: «Juda yaaba tieni tuongundataa, Li pundi baa bonanaa, Ya n teni ke n kan lebidi min jagi yaala. Bi fali n bali maama, Kaa kubi n ñoamabona mo, Ki ŋoadi i buli, Bi yaajanba n den ŋua yaala.

Amosi 2:4 ပူးပေါင်းရင်းမြစ်များ

2 Bi Badiba 17:19

Ama Juda yaaba moko naa den kubi Li Miali Diedo bi Tienu ñoabona. Bi den ŋoadi Isalele yaaba n den ŋua yaala.

2 Bi Badiba Jama 25:14

Amatisia n den paadi Edomi yaaba, ki lebidi kuni, o den teni ke bi taa Edomi yaaba *buli ki cuani o kani, ki teni ke bi tua o buli. O den gbaani i kani, ki juu ipo tulale.

2 Bi Badiba Jama 30:7

Da tieni mani nani yi yaajanba leni yi kpeliba, yaaba n ki den tiegi Li Miali Diedo bi yaajanba Tienu po, ke o den ŋa ba fala nni nani moala yin nua maama.

Nehemi 1:7

Ti tudi apo, tii kubi ŋan den teni a naacemo Musa yaa balimaama, yaa ñoabonbilikaana leni yaa mabilikaama.

Nehemi 9:26

Ama baa yeni bi den fii ki fiini mi yiema apo. Bi den luni a bali maama, Bi den ku a sawalipuaba yaaba n den tigini ba Ke ban guani a kani. Bi den tudi apo tudicianma.

Esayi 28:15

Yi tua: «Ti kuani o *ŋantaado leni mi kuuma, Ti bili mi mabilikaama leni bi tinkpiba diema. Yaa yebiadima n kpendi yaa cua mi kan nandi ti, Kelima mi faama n tie ti wuonkaanu, I boandi mo n tie tin yen sani ki deni naani.»

Esayi 44:20

O di mi fantanpienma, O yanpiima teni ke o yaadi. O kan fidi ki ga o miali. O kan fidi ki yedi: «Min kubi yaala n nuu nni, laa tie boandi kaa?»

Jeremi 16:11

Lanwani a baa guani ba: ‹Li tie kelima yi baanba ŋa nne. Mini Li Miali Diedo n yedi yeni. Yi tiini ki ŋua i *buli, ki baa yaa kpiagidi i, Ki gbaandi i, ki go pugi i Ama mini wani, bi ŋa nni, Baa go kubi n *balimaama.

Jeremi 16:12

Yimo go tieni mi biadima ki cie yi baanba. Diidi yi siiga nni yua kuli ŋua O pajagindi tundiyuodi ki naa cengi nni.

Jeremi 17:27

Ama yi yaa cengi nni, ki naa gagidi ki ŋanbi mi fuodima daali ki tugi a tugikpiaga ki nan tagini ki kua Jelusalema buliñoana kani mi fuodima daali, lanwani n baa juu u dogu buliñoana mi fantama. Mi baa buoni Jelusalema badidiedi, ki nan kan gbindi mo.»

Jeremi 6:19

Ki tinga, cengi bonŋanla! Diidi, mini n teni ke mi yebiadima ŋma bi naa niba, Li tie bi yanjagibiada panpaani yo. Kelima baa soangi bi yama ki ga n maama, Bi fali n *balimaama mo.

Jeremi 8:2

Bi baa deni laa kpaba u yienu nni, o ŋmaalo nni, leni a ŋmabila nintuali, ban den bua yaaba ki pugi ba yeni. Bi kan wodi a kpaba yeni, bi kan piini a mo. Ama a baa tua bugidi u tingbanu po.

Jeremi 8:9

Bi yanfodanba fiagi Bi jie hali boncianla, bi cuo ba. Diidi bi fali Li Miali Diedo maama Bi yanfuoma pia bipo mi laa fuome?

Jeremi 9:14

Lani n teni Li Miali Diedo U Paaciamu Kuli Daano, Isalele Tienu yedi nanda: Lani yaa po n baa ñuni bi naa niba ti loabidi, ki teni ban yaa ye leni li paboanli.

Esekieli 13:22

Kelima yi faama po, yi den wudi o niteginka gbanu Baa ke mini nba ki den bua ki biidi o pali, Kelima yi paagi bi nibiadiba gbani Ke ban da lebidi bi yama ki ŋa bi *tuonbiadi ki yaa ye.

Esekieli 20:13

Ama Isalele yaaba den fiini npo mi yiema mi fanpienma nni. Baa den ŋoadi n mabilikaama, ki den luni n ñoabona, o nilo n baa kubi ki go tieni yaala, ki fidi ki yaa ye. Bi go den joagini yogunu kuli n fuodima dana. N go den yuandi ki jagi ke n baa wuli bipo n pabienli mi fanpienma nni, ki bolini ba.

Esekieli 20:16

N den poli yeni kelima bi den ŋa n balimaama ki naa ŋua n ñoabona, ki naa den kubi n fuodima dana, lankuli kelima bi den puni bi yula bi buli.

Esekieli 20:18

N den yedi bi bijaba mi fanpienma nni: ‹Yin da ŋoadi yi baanba ñoabona ki da kubi bi bogida, ki da gedi ki ban joagini yi yula leni bi buli.

Esekieli 20:24

N den poli kelima baa den tieni n mabilikaama n yedi yaala, ki den fali n bali maama ki go den joagini n fuodima dana, ki den cedi ke bi baanba buli baa dia ba.

Esekieli 20:30

Lani yaa po ŋan yedi Isalele buolu yaaba ke o Diedo Li Miali Diedo maadi mi ne: ‹Be yaa po ke yi baa joagini yi yula ki togidi yi baanba, ki conbi ki ŋoadi bi cagindi?

Esekieli 22:28

U sawalipuaba yen bobi ki lebidi bi yula ke ban da bandi ba, nani ban boali yaa bilini li muanli yeni, ki laadi bonlekafanla, ki go bu yaa baagu n tie faama. Bi tua: ‹O Diedo, Li Miali Diedo yedi mi ne!› Ke Li Miali Diedo mo naa yedi liba kuli.

Esekieli 22:8

A fali n *kaangagidiŋamu, ki go joagini n fuodima dana.

Ose Tili 12:2

Efilayima buolu yaaba ŋua ki deli u faalu, Bi tiini ki ŋua puoli faalu, Daali kuli, bi pugidi mi faama leni li mabinli, Bi kuani o *ŋantaado leni Asili yaaba, Ki tugi bi kpama ki ban kuadi Ejipiti po.»

Ose Tili 12:3

Li Miali Diedo baa bu leni Juda diema yaaba moko, O baa waani bani Jakobo buolu yaaba fala Kelima bi bontienkaala po. O baa guani ba bi panpaani nani bi tuona n tie maama.

Ose Tili 6:11

Yinba Juda yaaba moko, N bili u yogunu ki baa waani yi fala Yin tieni yaala kuli po, N yaa goa ki kpeninni n niba Yaaba n den ye ti yonbidi yaa yogunu.

Amosi 1:3

Li Miali Diedo den yedi mi ne: «Damasa yaaba tieni tuongunda taa, Li pundi baa bona naa, ya n teni ke n kan lebidi min jagi yaala. Bi den ŋma ki midi Galaadi diema yaaba Leni yaa teliti yaa taana n pia ti kudi ke ti sondi.

Amosi 3:2

«N den gandi yinba bebe Ki tinga nibuoli kuli siiga. Li tie lani yaa po ke n baa cuo yi u cuonbiadu Yin tieni yaa tudima kuli po.

Mise 6:12

U dogu nni piada mabindi a luoda. U dogu nni yaaba kuli pua mi faama ki janbidi bi lieba.

Habakuki 2:18

Ki tagi o *bulo, pia be yaa fuome? Li li tie o nisaalo n tagi yaa bonyuodi leni ti kudi bebe. Laa bangi nilo bontoala kuli se faama bebe. O bulo pia be yaa fuome yua tagi opo, Ke o baa dugi opo, Wani yua kan fidi baa ki maadi yeni?

LOMA YAABA 1:25

Bi lebidi ki ŋa U Tienu n tie maama moamoani, ki ŋua mi faama. Bi kpiagidi U Tienu n den tagi yaala, ki ŋa wani o Tagido oba, yua n pundi ki yaa baadi ti pagidi hali yaa yogunu kuli. Amina.

1 Tesaloniki 4:8

Lani yaa po yua n yie laa tundi kuli, waa yie nisaalo ka, o yie U Tienu yua n puni yi o Fuoma yo.

1 Pieri 1:18

Kelima yi bani ke U Tienu ki den taa yaa bonla n baa bodi nani ŋanjilifa leni wula yeni ka, ki da ki faabi yi leni yaa yema n tie fanma fanma, yin den baa yaama yi yaajanba kani.

Bi Bujiaba 10:6

Isalele yaaba didi go den tieni yaala n ki mani Li Miali Diedo. Bi den ŋoadi i *buli *Baali leni*Asitate, leni Sili diema yaaba yaa buli, leni Sidoni diema yaaba yaa buli leni Moabi diema yaaba yaa buli, leni Amoni buolu yaaba yaa buli leni Filisiti yaaba yaa buli. Bi den ŋa Li Miali Diedo kaa go ŋua o.