Amosi 2:2 - Gourmanchéma Bible

² N baa soani mi fantama Moabi diema nni, Mi baa je Kelijoti dogu dieŋama, Moabi baa bodi ku fuugu siiga Leni bu toabu kuudi siiga leni kakaci piebima siiga.

U TIENU MAAMA TILI 2013

² N baa soani u mu Moabi diema nni, Wun je Kelijoti dogu dieŋama, Moabi baa bodi ku fuugu siiga, Bu toabu kuudi siiga leni kakaci piebima siiga.

Amosi 2:2 ပူးပေါင်းရင်းမြစ်များ

Esayi 9:5

Kelima bi mali tipo ki biga. Ti baa bonjaga, li bali baa yaa maa o boacaba po. Bi baa yini o: “Yaa Tundika n ki pia lie, U Tienu U Paaciamu Daano, Baa, yua n ye hali yaa yogunu kuli, Mi Yanduanma Bado.”

Jeremi 48:24

Kelioti leni Botisila. O nandi Moabi diema dogi yi n kuu Leni yi n foagi kuli.

Jeremi 48:34

Hesiboni bubula pundi hali Eleale, Ki ban tuodi hali Yahatisi, Ki ña Tisoala ki caa hali Holonayima leni Egilati-Selisiya. Kelima Nimilima moko yaa ñima ñuudi.

Jeremi 48:41

Yibali fie i dogi leni i kaanpaali kuli. Laa daali mo Moabi jakoanda tugusoama tiini Nani yaa pua n baa maa yaa tugusoama n tiini maama yeni.

Jeremi 48:45

Hesiboni soangu nni Yaaba n sani ki coagi Cua ki wuoni Hesiboni dogu nni. Ama mi fantama ña Hesiboni kani, Mi fantama ñani Siyono dogu niinni. Mi juu Moabi kali kuli Leni bi tugumoandanba yukuokuodi kuli.

Esekieli 25:8

O Diedo, Li Miali Diedo go yedi mi ne: «Moabi yaaba leni Seyili yaaba yedi ke Juda yaaba mo tie nibuolu nani u nibuolieli yeni.

Amosi 1:14

Lani yaa po n baa soani mi fantama Laba dogu bilini nni, Mi baa je likani dieŋama, mi janjanma daali, Bu toabu kuudi siiga, Li baa yaa tie nani ku tafaabiadigu siiga yeni.

Amosi 1:4

N baa soani mi fantama man buoni o bado Asayeli puoliŋuani. Mi baa je o bado Beni-Adadi badidiegu.